Éksondo̱ 9:4 - Xo̱jo̱n eén Néná

⁴ Ta̱nga cho̱ tji̱e̱é xota̱ Israee̱l jmí ni sa̱ꞌínjo̱jín an, kuíni nga nde ngojín cho̱o̱ xi kju̱i̱e̱són.

Éksondo̱ 9:4 ပူးပေါင်းရင်းမြစ်များ

Éksondo̱ 10:23

Achichí ꞌniú kisꞌiejñó nga ngaskande nde ngojín xota̱ Ejiptoo̱ xi kamábe ngase kje̱n xkjín, ti̱nde ngiti̱ kamájín tjín nínga kijí ngase ngatꞌa̱ ta̱soboá kastingí. Ta̱nga ngayeje ndiꞌa nínga kisꞌińdo xota̱ Israee̱l tsijen kamá.

Éksondo̱ 12:13

Ta̱nga jún xi xota̱ Israee̱l, chjiénjín nga ko̱nda̱konjnú, kui jín xí ko̱nangijónjnú yaá nga̱ntjo̱a̱a̱ ndiꞌajnú, kuí boá xi chi̱bo̱a̱ ka̱mana. Kó nga skuie an kui jiín nga kjo̱a̱ꞌa an, jmí ni sa̱ꞌínjo̱jín an ndí xíꞌín xi tjónjnú, ta̱sá ta̱ kjo̱a̱ꞌa ndojó tsi an.

Éksondo̱ 8:19

kuíni nga já tjiꞌee̱ kijíkoón nda̱ ree̱ kó bi̱ katsoó: «¡Néná boá xi tjítsꞌén ngayeje kui nii̱!» Ingo ndi̱yà nginí kamá kui nii̱ xikó má katsó Néná, kó nda̱ ree̱ katsꞌéntajá nginí ini̱ma̱a̱, kó katsꞌénsénjiín ni xi katsó Moisee̱ ko̱jo Aaroo̱n.

Éksondo̱ 8:22

Ta̱nga jmí chisien sangiyajín an nangi Ngosee̱n, nínga síndo xota̱ na̱xi̱ńdána, kui chisiee̱n xota̱ Ejiptoo̱ boá xi sa̱ꞌínxtií, ta̱nga jmí ni sa̱ꞌínjo̱jín xota̱ Israee̱l. Ti̱ ndyiojónní nga sa̱ꞌin an kui nii̱. Kó bo̱a̱ tsꞌén nga nda̱ ree̱ nangi Ejipto̱ sku̱i̱e̱ nga Nee̱ xota̱ Israee̱l ki̱a̱ tikón nangii̱».

Éksondo̱ 9:26

kó xka̱a̱ linoo̱ ko̱jo xka̱a̱ sebandaa̱ jatson ngayejee̱, ngatꞌa̱ linoo̱ jè má tjiín naxó kui ni̱xtjin nga bo̱a̱ kamaá, kó sebandaa̱ jè má tjitjó ńtiín. Ta̱ ngototo to ndso̱ko̱a̱n ṉño̱paa̱n ko̱jo sentenoo̱ xi jmí ni kamájiín, ngatꞌa̱ ngi̱chí sájín ma to. Ta̱nga nangi Ngosee̱n nínga síndo xota̱ Israee̱l nde ngo ndókoá tsꞌákajín ki̱a̱. Kuíni nga nda̱ ree̱ nangi Ejipto̱ tsíchji̱a̱a̱ Moisee̱ ko̱jo Aaroo̱n kó bi̱ katsoó: —Be an nga ndajín katsꞌen an ngotꞌe̱. Ji̱n boá xi konnijne̱, jmí tsi Néná, kó kuíni nga bo̱a̱ tꞌínjnúu̱ nga jè tsjandièe̱ nga kjo̱tjo xota̱ Israee̱l. ¡Jè ngiti̱ chikjo̱a̱jínjne̱ kui ndókoaá ko̱jo kui cho̱ꞌo̱o̱n! Kó Moisee̱ bi̱ katsoó nda̱ ree̱: —Koko máraa̱ ji nda̱ re, nga Nejne̱ kuí boá xi tsi̱ꞌe̱ ngayeje tꞌanangii̱. Ta̱ niꞌin kjo̱tjo an kui na̱xi̱ńdáꞌniuú, kuichjiájo an Nejne̱, kó ngiti̱ jmí cho̱ꞌo̱n ko̱jo kó ngiti̱ jmí ndókoá ku̱i̱xo̱jín ngase. Sa̱ꞌin an kui nii̱ ndatsi ji ko̱jo xota̱ xi mosoo̱ nde bendikónjín Nejne̱.

Éksondo̱ 9:5

¡Ti̱ ndyiojónní nga sa̱ꞌinꞌóo̱n cho̱ tji̱e̱é xota̱ Ejiptoo̱!»

Éksondo̱ 9:6

Nga kamángindyiojón, Néná katsangiyaa̱ ngo chiꞌin xi ta̱nisién ꞌniú ngayeje cho̱ tji̱e̱é xota̱ Ejiptoo̱, kó jesón ngayejee̱, ta̱nga cho̱ xi kisꞌiee̱ xota̱ Israee̱l nde ngo jesónjín.