Éksondo̱ 9:16 - Xo̱jo̱n eén Néná

¹⁶ Tsi kji̱e̱ bo̱a̱jín tsꞌen an, kjo̱a̱a̱ nga mejénna kokòo̱ ngaꞌniúna, ko̱jo kjo̱a̱a̱ nga mejénna nga ngayeje xotaa̱ kui nangii̱ sku̱i̱e̱na.

Éksondo̱ 9:16 ပူးပေါင်းရင်းမြစ်များ

Xo̱jo̱n Salmoo̱ 106:8

Ta̱nga ji kaꞌnaxiéꞌé ji, tsi̱ꞌe̱ nga sku̱i̱e̱ ngaꞌniú jèe̱, ko̱jo tsi̱ꞌe̱ nga ji sa̱ꞌíntsjaá.

Xo̱jo̱n Salmoo̱ 64:9

Kó ngayeje xota̱ nga̱sondiee̱ stsa̱kjonní, kósꞌe̱ kjiꞌá boá nga ku̱i̱chji̱a̱ kjo̱a̱a̱ ni xi je katsꞌén Néná, kó ka̱makjiín kui nii̱.

Xo̱jo̱n Salmoo̱ 76:10

Jí boá xi tsꞌéntsjaà kjo̱a̱xcha̱án xota̱ nga̱sondiee̱, kó xikoó tsi ngo tji̱xinꞌbíkjá niꞌín ji kjo̱a̱xchán xí jmí ni chjíjiín xi ꞌbongii̱ xotaa̱.

Éksondo̱ 14:17

Ngatꞌa̱ án boá xi sa̱ꞌin tajá án ini̱ma̱a̱ an xota̱ Ejiptoo̱ tsi̱ꞌe̱ nga ko̱e̱je̱tji̱ngijnú, kósꞌe̱ kjiꞌá boá nga sa̱ꞌinkjié an. Kó ngije katsꞌée̱n nda̱ ree̱ ko̱jo ngayeje juu̱n ko̱jo karretaa̱, xota̱ Ejiptoo̱ sku̱i̱e̱ nga án boá xi Nee̱ xota̱ Israee̱l. ¡Kokomáráa̱ ngaꞌniú tsie xi tjínna!

Éksondo̱ 14:4

Kó án boá xi sa̱ꞌin tajá án ini̱ma̱a̱ nda̱ ree̱, tsi̱ꞌe̱ nga ko̱e̱je̱tji̱ngijnú, kó nga bo̱a̱ sa̱ꞌín, sa̱ꞌinkjié an xota̱ juu̱n, kó kokòo̱ ngaꞌniúna. Bo̱a̱ tsꞌén nga xota̱ Ejiptoo̱ sku̱i̱e̱ nga án xi Néná án». Kó xota̱ Israee̱l katsꞌén ni xi katsoó Néná nga sa̱ꞌín.

Éksondo̱ 18:11

Néná boá xi jaꞌáxínjnú ngayeje kui kjo̱a̱ni̱ma̱ xi katsꞌénkjaꞌatiójnú xota̱ Ejipto̱ xi nkꞌa kamaá yojoo̱. ¡Ngotꞌe̱ ꞌne̱ nga be an nga Nee̱ xota̱ Israee̱l xí tjín ngasee̱ ngaꞌniú ta̱bo̱a̱jiín ngayeje ne xi ngasee̱!»

Éksondo̱ 9:15

Tsi an xi bo̱a̱ tsꞌén je kamámejénna, jera̱ katsꞌenjée̱ ngayeje xota̱ Ejiptoo̱ nga katsangiyáa̱ ngo chiꞌin xi ꞌniú, kó jera̱ jesón ngayejee̱ katsaki.

Éksondo̱ 9:17

»Kó bo̱a̱ tꞌíi̱n nga tsi to̱kó tsja̱ndièjiín nga kjo̱tjo xota̱ na̱xi̱ńdána,

Énkjínkón 16:4

Tjín ngo kjo̱a̱ nga Néná katsꞌénda ngayeje nii̱, ¡kó ngaskande xota̱ xi ꞌniú ndajiín, kamánda tsi̱ꞌe̱ ni̱xtjin nga ka̱majeé!

Xki̱ 14:21

Án boá xi Ne an, kó yandikónna ngayeje tꞌanangii̱. Ta̱ ngo tsí ni xi ꞌniú ꞌbíjñaá: Nde ngojín xota̱ xi kamábe kui kjo̱a̱ndikón xí katsꞌen an ki̱a̱ nangi Ejipto̱, ko̱jo ki̱a̱ nangi kixií xi sku̱i̱e̱ tꞌanangi xi kixiyatjóo̱n nga tsjàa̱. Án boá xi chꞌo tsꞌén tsíchji̱a̱taꞌinna, kó achichí kjín ndi̱yà askotꞌayákónna, kó ntꞌiéꞌénjínna nga.

Xota̱ Roma̱ 9:17

Ngatꞌa̱ bi̱ tsó kjo̱a̱a̱ nda̱ ree̱ nangi Ejipto̱ xo̱jo̱n eén Néná: “Re katsꞌeen tsi̱ꞌe̱ nga katsꞌenkjieén nga koko an ngaꞌniúna, ko̱jo nga kꞌuiyá jaꞌénna ngayeje tꞌanangii̱.”

Xota̱ Roma̱ 9:22

Néná xí kamámejeén akó kjo̱a̱xcha̱án, kó tsi kamámejeén akó ngaꞌniuú nga katsꞌénchíkjo̱a̱a̱ kjo̱a̱a̱ xota̱ xi sa̱ko̱ó nga si̱ꞌanjeé ko̱jo si̱ꞌankjie.

1 Xo̱jo̱o̱n Peé 2:19

Ngatꞌa̱ nda tsꞌén tikón ngindyi̱ko̱n Néná nga tsꞌenchíkjo̱a̱ kjo̱a̱ni̱ma̱ xi foaꞌajin kui moso̱ xi kastiñaá, ndatsi chjiénjín nga kui nii̱ kjo̱a̱ꞌajin, ta̱nga chikjo̱a̱rií ngatꞌa̱ jè be nga Néná chji̱a̱ni.

1 Xo̱jo̱o̱n Peé 2:8

Ko̱jo ti̱ bi̱ ti̱ tsó nga: Kuí boá kui ndi̱jo̱o̱, ngo ndi̱jo̱ xi stingí xotaa̱. Kó kꞌo̱jmi nga sti̱ngí xotaa̱, ngatꞌa̱ tsintꞌiéꞌénjín kui eén, ngatꞌa̱ je bo̱a̱ tsꞌén tikón nga bo̱a̱ ka̱ma.

Xo̱jo̱o̱n Jundaa̱ 1:4

Bo̱a̱ tꞌíxián an, ngatꞌa̱ tjín káꞌá xota̱ xi ta̱ngatꞌanii̱ kjo̱a̱mañaa̱ nga ki̱a̱ tsꞌasꞌienjinjnú, kui xi ndeskande koó ngasꞌe̱ kiꞌmíyatjón nga ka̱majeé, xota̱ xi ꞌniú ndajín boá xi̱ꞌba̱, kui xi kjíbé kjo̱a̱ndaa̱ Néná, tsi̱ꞌe̱ nga ta̱ ni xi mejénrií kui sa̱ꞌín, kó tsꞌénkiejín yojoo̱ nga Jesukristoo̱ boá kui Ndi̱a̱ná xí ngototo xi tsꞌénbotixómáná.