Éksondo̱ 9:14 - Xo̱jo̱n eén Néná

¹⁴ Ngatꞌa̱ tsi bo̱a̱jín sa̱ꞌín, ngotꞌe̱ ꞌné nga sangiyáa ngayeje kjo̱a̱botíjéná ngayeje xota̱ Ejiptoo̱. Jmíjín ngayeje tꞌanangii̱ ingo Ne xi xikoó an, kó kokóñáa kui nii̱.

Éksondo̱ 9:14 ပူးပေါင်းရင်းမြစ်များ

Xo̱jo̱n Salmoo̱ 86:8

Ji Ne, jmíjín ngo Ne xi xikoó jí, ngi̱jii̱n ngayeje ne xi ngasee̱, ti̱nde jmíjín ngo ni, xi xikoó xi ji kiniꞌínde ji.

Éksondo̱ 15:11

»Ne tsa̱ꞌa̱n, ¡jmíjín ingo Ne xi xikoó ji! ¡Ta̱ jí tsí xi je ji! ¡Ta̱ jí tsí xi tjiín ngaꞌniú! Achichí kjo̱a̱ndikón xí yiꞌi kiniꞌín ji, jí boá xi niꞌín ji ni xi fíndikónná.

Éksondo̱ 8:10

—¡Ja̱ ndyiojón ngatjatjo tji̱ꞌni̱u̱! Katsó nda̱ ree̱. —Ja̱ bo̱a̱ ka̱ma —katsó Moisee̱—. Ndyiojón ko̱e̱je̱, kó ta̱ ki̱a̱ tsí kꞌuíndo ndejeèꞌ. Kó jè ngiti̱ sa̱ꞌínxtíjiín xota̱ Ejiptoo̱, kó bo̱a̱ tsꞌén nga ka̱ma xchi̱e̱ ji nda̱ re, nga jmíjín ingo xi xikoó Nee̱ xota̱ Israee̱l.

Éksondo̱ 8:6

Kósꞌe̱ Aaroo̱n yején tsja nga̱soón ngayeje nínga tjín ndáfoa ki̱a̱ nangi Ejiptoo̱, kó ki̱a̱ jatjoni xkji̱e̱ xi kisꞌikitsié má ngayeje kui nangii̱.

Éksondo̱ 9:15

Tsi an xi bo̱a̱ tsꞌén je kamámejénna, jera̱ katsꞌenjée̱ ngayeje xota̱ Ejiptoo̱ nga katsangiyáa̱ ngo chiꞌin xi ꞌniú, kó jera̱ jesón ngayejee̱ katsaki.

Lebitiko̱ 26:18

»Kó tsi ndatsi bo̱a̱ tsꞌén to̱kó ko̱nda̱ꞌyáꞌénjínjnúꞌun, achichí ꞌniú kotijéjnúꞌun kjo̱a̱a̱ nga ngo nga ngo jé xi je kiniꞌánjnú,

Lebitiko̱ 26:21

»Kó tsi to̱kó an ndyi̱niꞌánxchánjo̱jnúꞌun, tsie ngase sa̱ꞌinjéjnúꞌun xikó kjiꞌi tsoboaá jé xí kiniꞌánjnú.

Lebitiko̱ 26:28

án má xi skjanjo̱jnúꞌun, kó tsie ngase kotijéjnúꞌun xikó kjiꞌi tsoboaá jé xí kiniꞌánjnú.

Ndeuteronomio̱ 3:24

“Jè kamábe an kjo̱a̱jèe̱ ko̱jo ngaꞌniúu̱. Ti̱nde nkꞌa jàn, ti̱nde tꞌanangii̱ jmíjín ingo Ne xi xikoó jí, xi maa̱ tsꞌén kjín ni xi fíndikónná.

Ni xi akakoo̱ 18:8

kuíni nga ta̱ ngo tsi ni̱xtjin nga sa̱ko̱ó ngayeje kui kjo̱a̱ni̱ma̱a̱: Xikoó kjo̱a̱bo̱yaa̱, ko̱jo kjo̱a̱ndasee̱n, ko̱jo kjindiaá, kó ngi̱jin ndiꞌií ku̱i̱ti̱, ngatꞌa̱ achichí ngaꞌniú tjiín Néná, kui Ndi̱a̱ xi botíjeé.

Ni xi akakoo̱ 22:18

Ngayeje xi ndyi̱ntꞌiè kui én xí Néná tsáyà xi kjitꞌa kui xo̱jo̱o̱n, tsꞌénxiyàa̱ kui nii̱: Tsi tjín xi ko̱ósoón ngasee̱ kui nii̱, Néná ko̱ósoón tsi̱ꞌe̱ nga sa̱ꞌínꞌoón kui ngayeje kjo̱a̱ni̱ma̱ xi kjitꞌa kui xo̱jo̱o̱n,