Éksondo̱ 8:8 - Xo̱jo̱n eén Néná

⁸ Kósꞌe̱ nda̱ ree̱ tsíchji̱a̱a̱ Moisee̱ ko̱jo Aaroo̱n, kó bi̱ katsoó: —Chji̱a̱ꞌajnúu̱ Nejnú tsi̱ꞌe̱ nga kjo̱a̱ꞌáxín kui xkji̱e̱e̱, ngatꞌa̱ jè ngiti̱ chikjo̱a̱jínjne̱, tsi bo̱a̱ sa̱ꞌín, an tsjandiè an nga kjo̱tjo xota̱ Israee̱l, tsi̱ꞌe̱ nga sa̱ꞌínkꞌasꞌiee̱n kjo̱a̱tjó.

Éksondo̱ 8:8 ပူးပေါင်းရင်းမြစ်များ

Xo̱jo̱n Salmoo̱ 66:3

Bi̱ tꞌínjnúu̱ Néná: ¡Achichí fíndikónná ngayeje ni xi je kiniꞌínde ji! Ta̱ngatꞌanii̱ nga tsie ngaꞌniú xí tjiín, kuíni nga kondra̱a̱ ki̱a̱ kꞌuíndo ngindie ndsa̱ki ji.

Éksondo̱ 10:16

Kósꞌe̱ nda̱ ree̱ xi tsá xi boaꞌa tsíchji̱a̱a̱ Moisee̱ ko̱jo Aaroo̱n, kó bi̱ katsoó: «Ndajín katsꞌenjo̱ an Nejnú ko̱jo jún.

Éksondo̱ 10:17

Ngo kjo̱a̱nda míꞌájnúꞌun, ti̱ꞌanjetakónjnúꞌun ingo ndi̱yà, kó chji̱a̱ꞌajnúu̱ Nejnú, tsi̱ꞌe̱ nga kjo̱a̱ꞌáxín kui chjo̱bo̱a̱a̱, ngatꞌa̱ jè ndyi̱tsꞌènkꞌiénjne̱. ¡Ndatsi ta̱ an xí ngatjaꞌáxínna!»

Éksondo̱ 10:18

Kó jatjo Moisee̱ ndiꞌa nínga botixómá nda̱ ree̱, kó ꞌniú tsíchji̱a̱a̱ Néná, kjo̱a̱a̱ nda̱ ree̱. Kósꞌe̱ Néná katsangiya ngo tjo̱ xi ta̱nisién ꞌniú xi chji̱a̱ni xtji̱e̱e̱n nínga ꞌbosꞌien tsꞌueé, kó kui tjo̱o̱ kijíjo̱ ngayeje kui chjo̱bo̱a̱a̱, kó ki̱a̱ tsꞌajmijin ngi̱jin Ndáchíkón Inií. ¡Nde ingo chjo̱bo̱a̱ kisꞌiejín ngayeje nangi Ejipto̱!

Éksondo̱ 14:5

Kó nga kiꞌmíyaà nda̱ ree̱ nangi Ejipto̱ nga je ndyi̱monga xota̱ Israee̱l, kui nda̱ ree̱ ko̱jo já mosoo̱ asíkjo eén nga ja̱bo̱a̱ je katsjákjo̱a̱ nga je kjo̱tjo kui xotaa̱, kó bi̱ katsoó xkjín: «¡Mí kjo̱a̱tsobé xi kiniꞌán! Kótsꞌèn katseꞌéndiè ñá nga kiniꞌánkjí xota̱ Israee̱l. Kó ngotꞌe̱ ꞌne̱, ꞌyá xí sa̱ꞌínxá ngajoná.»

Éksondo̱ 32:11

Kósꞌe̱ Moisee̱ katsꞌénkjaꞌajinda Néná, kó bi̱ katsoó: —Ne tsa̱ꞌa̱n, ¡ngata̱ niꞌínxchínje̱jín ji kui xota̱ na̱xi̱ńdaá! ¡Ti̱ jíní xi kaꞌnaxié ji ki̱a̱ nangi Ejipto̱ nga kiniꞌínkjín jí ngaꞌniúu̱!

Éksondo̱ 5:2

Ta̱nga nda̱ ree̱ bi̱ katsó: —Kó ꞌyání bo̱a̱ kui Nee̱. Kó ánní nga an kuintꞌieꞌén kóo̱n. ¡Ngojín nee̱ xota̱ Israee̱l xi be an, kó ti̱nde tsjandièjín an nga kjo̱tjojnú!

Éksondo̱ 8:15

Ta̱nga xikó má katsó Néná nga ka̱ma, bo̱a̱ má kamá, ngije kamábe nda̱ ree̱ nga je jaꞌa ngayeje kui nii̱, katsꞌénsénjín, kó ti̱ katsꞌéntajá nginí ini̱ma̱a̱, kó katsjandièjiín nga kjo̱tjo xota̱ Israee̱l.

Éksondo̱ 8:29

Kó bi̱ katsó Moisee̱: —Ngije kjo̱tjo an kꞌi̱e̱e̱, kuíꞌáa̱ Néná tsi̱ꞌe̱ nga ndyiojón kjo̱a̱ꞌáxín ngayeje kui chisien xi tjín nangi Ejipto̱. Ta̱nga bo̱a̱ sa̱ꞌin an, tsi ji xi ko̱e̱ꞌéndiè ji nga kui xota̱ na̱xi̱ńdána kjo̱tjo, kó sa̱ꞌínkꞌasꞌiee̱n kjo̱a̱tjó Nejne̱.

Éksondo̱ 8:32

Ta̱nga nda̱ ree̱ ti̱ katsꞌéntajá nginí ini̱ma̱a̱, kó katsjandièjiín nga kjo̱tjo xota̱ Israee̱l.

Éksondo̱ 8:9

Kósꞌe̱ Moisee̱, bi̱ katsoó nda̱ ree̱: —Ndakjiꞌi nda̱ re. Ngotꞌe̱ ꞌne̱ tꞌíyéní kjiꞌání nga mejeén ji nga kuíꞌáa̱ Néná kjo̱a̱a̱ ji, kjo̱a̱a̱ mosòo̱ ko̱jo kjo̱a̱a̱ xota̱ na̱xi̱ńdáa̱, tsi̱ꞌe̱ nga kjo̱tjo kui xkji̱e̱e̱ ki̱a̱ ndiꞌàa̱, kó ta̱ ki̱a̱ ngatꞌíndo tsí ngi̱jin ndejeèꞌ.

Éksondo̱ 9:33

Kó ngije jatjo Moisee̱ ndiꞌaa̱ ko̱jo na̱xi̱ńdáꞌniuú nda̱ ree̱, iskjininkꞌa tsja kó tsíꞌaá Néná tsi̱ꞌe̱ nga xi̱xió cho̱ꞌo̱o̱n ko̱jo ndókoaá. Kó ti̱ kjiꞌa kixixió stseé, ngiti̱ ixójín ndókoaá, kó ngiti̱ kandaꞌyájín ngase cho̱ꞌo̱n.

Xki̱ 21:7

Kó kuíni nga xota̱ Israee̱l kijíkoón Moisee̱ nga bi̱ katsoó: «Jè yàjne̱ nga ndajínkjiꞌi ni xi kiniꞌánjne̱ nga kiniꞌánxchánjne̱ kondraa̱ Néná, ko̱jo kondra̱ tse̱ ji. ¡Ngo kjo̱a̱nda chjiáꞌájne̱, ndokjoée̱ Néná, kó chji̱e̱ꞌèe̱ nga xín ngatjíjo̱ kui ye̱e̱!» Kó Moisee̱ tsíꞌaá Néná nga sa̱ꞌínjetakoón xota̱ Israee̱l,

Ni xi kamá 8:24

Sꞌe̱ bi̱ katsó Ximoo̱: –ꞌNiú ndókjo̱a̱jnúu̱ Ndi̱a̱ná kjo̱a̱a̱ an, tsi̱ꞌe̱ nga bo̱a̱jín ka̱mana kui ni xi kiꞌmíjnúꞌun.