Éksondo̱ 8:20 - Xo̱jo̱n eén Néná

²⁰ Kósꞌe̱ Néná bi̱ katsoó Moisee̱: «ꞌNiú ta̱jñó ti̱sítji̱n ji ndyiojón, kó nga ko̱e̱je̱ ndejeèꞌ nda̱ ree̱ ki̱a̱ tꞌentji̱ngìi̱, kó bo̱a̱ tꞌíi̱n nga án boá xi tsꞌéntsangiyaa, tsi̱ꞌe̱ nga bo̱a̱ sée̱ nga tsja̱ndieè xota̱ na̱xi̱ńdána nga kjo̱tjo kui ngi̱ndiee̱ tsi̱ꞌe̱ nga ko̱e̱je̱tsꞌèntsjàna.

Éksondo̱ 8:20 ပူးပေါင်းရင်းမြစ်များ

Xo̱jo̱n Salmoo̱ 105:31

Néná katsjá ngo kjo̱a̱, kó ngayeje na̱xi̱ńdaá kisꞌikitsieni chisien ko̱jo ndi̱ꞌi̱.

Xo̱jo̱n Salmoo̱ 78:45

Ko̱jo kjiꞌanga katsangiyaa̱ chisien xi katsꞌénkjié, ko̱jo xkji̱e̱ xi katsjaá chiꞌin,

Éksondo̱ 2:5

Ngi̱chí sájín tsa̱kji̱ín nda̱ ree̱ nangi Ejipto̱ kijíngóyá ndejeèꞌ, kó tji̱e̱nga tjimá ki̱a̱ tꞌa ndejeèꞌ kui ko̱jo ínchjín chji̱ni̱e̱ꞌboo̱, kamábe kui ni̱se̱nya̱á ki̱a̱ ngi̱jin nínga tjín yána̱xo̱o̱, kó katsangiya ngo chji̱ni̱e̱ꞌboo̱ tsi̱ꞌe̱ nga ko̱e̱je̱kjaꞌá.

Éksondo̱ 3:18

»Jè be an nga xota̱ ngito̱ko̱o̱ xota̱ Israee̱l sa̱ꞌínseén ji, kuíni nga ji ko̱jo kui xotaa̱ tangínchonjnúu̱ nda̱ ree̱ nangi Ejipto̱, kó bi̱ tꞌínjnúu̱: “Nda̱ re, Nejne̱ jè jèꞌekónjne̱ kó te̱ꞌéndièjne̱ nga kongínjne̱ nangi kixií, ngo ngi̱ndie nínga ján ni̱xtjin fí ndsa̱ko, ki̱a̱ ka̱maa̱ nga ki̱a̱ si̱ꞌantsjajne̱ Nejne̱ ko̱jo ki̱a̱ si̱ꞌankꞌasꞌienjne̱ kjo̱a̱tjó”.

Éksondo̱ 4:23

Kuíni nga bo̱a̱ tꞌíxiaán jí nga te̱ꞌéndièe̱ nga ko̱e̱je̱ kui xotaa̱ tsi̱ꞌe̱ nga an sa̱ꞌíndikónna. Ta̱nga kó nga tiboeꞌéndièjíi̱n nga kjo̱tjo, ngotꞌe̱ ꞌne̱ sa̱ꞌinkꞌién an ndí tjóo̱n”».

Éksondo̱ 5:1

Moisee̱ ko̱jo Aaroo̱n jaskan ngije tsíchji̱a̱jo xota̱ Israee̱l, kijíkoón nda̱ ree̱ nangi Ejipto̱, kó bi̱ katsoó: —Ne xi tsi̱ꞌe̱ xota̱ Israee̱l ngo én katsangiyaa ji nda̱ re, kó bi̱ tsó: “Te̱ꞌéndièe̱ nga kjo̱tjo xota̱ na̱xi̱ńdána tsi̱ꞌe̱ nga sa̱ꞌínna ngo sꞌué ki̱a̱ nangi kixií”.

Éksondo̱ 5:3

Kó bi̱ katsó Moisee̱ ko̱jo Aaroo̱n: —Kuí boá xi Nejne̱ kó jè jeꞌekasíko̱jojne̱. Chjiéngá kongínjne̱ nangi kixií, ngo ngi̱ndie xi ján ni̱xtjin mána nga mongín ndsa̱ko, kó ki̱a̱ boá nínga si̱ꞌankꞌasꞌienjne̱ kjo̱a̱tjó Nejne̱. Tsi bo̱a̱jín si̱ꞌanjne̱, ta̱ chaja tsí ngo chiꞌin sa̱ngíyájne̱ ko̱jo tsi ki̱a̱ sa̱ꞌínkjiensónjne̱ ngi̱jii̱n kjo̱a̱xcha̱án.

Éksondo̱ 7:15

Chjábé jí yánísié xi ye̱ kamaá, kó ndyiojón ta̱jñó nga ko̱e̱je̱ nda̱ ree̱ ndejèꞌ Niloo̱, ki̱a̱ tꞌentji̱ngìi̱.

Éksondo̱ 8:1

Kósꞌe̱ Néná bi̱ katsoó Moisee̱: «Tꞌenchín nginíi̱ nda̱ ree̱ nangi Ejipto̱, kó bo̱a̱ tꞌíi̱n nga án boá xi tsꞌéntsangiyaa, tsi̱ꞌe̱ nga bo̱a̱ sée̱ nga kꞌo̱xiéjnú, kó nga sa̱ꞌínkjíjnú ki̱a̱ nangi kixií tsi̱ꞌe̱ nga ki̱a̱ si̱ꞌantsjajnúꞌun.

Éksondo̱ 8:21

Kó tsi tsja̱ndièjín nga kjo̱tjojnú, án boá xi sangiyáa kjín chisien tsi̱ꞌe̱ nga sa̱ꞌínxtií kui ko̱jo xota̱ mosoo̱, ko̱jo xota̱ na̱xi̱ńdaá. Ngayeje ndiꞌaa̱ xota̱ Ejiptoo̱ sꞌi̱kitsie má chisien, kó ngaskande nga̱són tꞌanangii̱ kꞌuié kuí cho̱o̱ nga.

Éksondo̱ 9:13

Kósꞌe̱ Néná, bi̱ katsoó Moisee̱: «ꞌNiú ta̱jñó ti̱sítji̱n ji ndyiojón, kó tꞌen ji ngindyi̱ko̱n nda̱ ree̱, kó bo̱a̱ tꞌíi̱n, nga án boá xi tsꞌéntsangiyaa, an xi Nee̱ xota̱ Israee̱l, kó nga án boá xi bo̱a̱ tꞌíxiáa̱n nga nga tsjandieè nga ko̱e̱je̱ xota̱ na̱xi̱ńdána tsi̱ꞌe̱ nga sa̱ꞌíntsjána.