Éksondo̱ 8:15 - Xo̱jo̱n eén Néná

¹⁵ Ta̱nga xikó má katsó Néná nga ka̱ma, bo̱a̱ má kamá, ngije kamábe nda̱ ree̱ nga je jaꞌa ngayeje kui nii̱, katsꞌénsénjín, kó ti̱ katsꞌéntajá nginí ini̱ma̱a̱, kó katsjandièjiín nga kjo̱tjo xota̱ Israee̱l.

Éksondo̱ 8:15 ပူးပေါင်းရင်းမြစ်များ

Éksondo̱ 14:5

Kó nga kiꞌmíyaà nda̱ ree̱ nangi Ejipto̱ nga je ndyi̱monga xota̱ Israee̱l, kui nda̱ ree̱ ko̱jo já mosoo̱ asíkjo eén nga ja̱bo̱a̱ je katsjákjo̱a̱ nga je kjo̱tjo kui xotaa̱, kó bi̱ katsoó xkjín: «¡Mí kjo̱a̱tsobé xi kiniꞌán! Kótsꞌèn katseꞌéndiè ñá nga kiniꞌánkjí xota̱ Israee̱l. Kó ngotꞌe̱ ꞌne̱, ꞌyá xí sa̱ꞌínxá ngajoná.»

Éksondo̱ 4:21

Néná ja̱bo̱a̱ jè bi̱ katsoó Moisee̱: «Ngije kjóchí ji nangi Ejipto̱, ti̱ꞌin ji ngindyi̱ko̱n nda̱ ree̱ ngayeje kjo̱a̱ndikón xí kixiaan nga si̱ꞌin ji nga si̱ꞌinkjìn jí yánísiée̱. Án boá xi sa̱ꞌintajá án ini̱ma̱a̱ nda̱ ree̱ tsi̱ꞌe̱ nga sa̱ꞌínkjatjójín xota̱ na̱xi̱ńdaá.

Éksondo̱ 8:14

Kó xota̱ Ejiptoo̱ jaꞌátikó kui xkji̱e̱ kjín xi kꞌiee̱n, kó achichí chꞌoje̱n kamá kui nangii̱.

Éksondo̱ 8:16

Kósꞌe̱ Néná bi̱ katsoó Moisee̱: «Bo̱a̱ tꞌíi̱n Aaroo̱n nga yánísieé ngatꞌanié xa̱a̱ tꞌanangii̱ nangi Ejipto̱, tsi̱ꞌe̱ nga kui xa̱a̱ ndi̱ꞌi̱ ngatama».

Éksondo̱ 8:28

Kó bi̱ katsó nda̱ ree̱: —An tsjandièjnúꞌun nga kongínjnú nangi kixií nínga kongínkaꞌéjnú kjo̱a̱tjó Nejnú, ta̱nga nga ꞌniújín kjin mongínjnú, kó chji̱a̱ꞌatjejnúu̱ Nejnú kjo̱a̱a̱ an.

Éksondo̱ 8:29

Kó bi̱ katsó Moisee̱: —Ngije kjo̱tjo an kꞌi̱e̱e̱, kuíꞌáa̱ Néná tsi̱ꞌe̱ nga ndyiojón kjo̱a̱ꞌáxín ngayeje kui chisien xi tjín nangi Ejipto̱. Ta̱nga bo̱a̱ sa̱ꞌin an, tsi ji xi ko̱e̱ꞌéndiè ji nga kui xota̱ na̱xi̱ńdána kjo̱tjo, kó sa̱ꞌínkꞌasꞌiee̱n kjo̱a̱tjó Nejne̱.

Éksondo̱ 8:32

Ta̱nga nda̱ ree̱ ti̱ katsꞌéntajá nginí ini̱ma̱a̱, kó katsjandièjiín nga kjo̱tjo xota̱ Israee̱l.

Éksondo̱ 8:8

Kósꞌe̱ nda̱ ree̱ tsíchji̱a̱a̱ Moisee̱ ko̱jo Aaroo̱n, kó bi̱ katsoó: —Chji̱a̱ꞌajnúu̱ Nejnú tsi̱ꞌe̱ nga kjo̱a̱ꞌáxín kui xkji̱e̱e̱, ngatꞌa̱ jè ngiti̱ chikjo̱a̱jínjne̱, tsi bo̱a̱ sa̱ꞌín, an tsjandiè an nga kjo̱tjo xota̱ Israee̱l, tsi̱ꞌe̱ nga sa̱ꞌínkꞌasꞌiee̱n kjo̱a̱tjó.

Énkjínkón 26:11

Xota̱ kitikjo̱a̱ xi ti̱ tsꞌén nginí ni kitikjo̱a̱ xi tsꞌén, xikónií ńñá xí kjinie nginí ni xi fosoó.

Énkjínkón 29:1

Xota̱ xi tsjajín maá nga niꞌánxchánjo̱, ta̱niján má kji̱ndi̱bá nga si̱ꞌankjie, kó jmíjín xi ka̱ma ku̱i̱ꞌíchjaá nga bo̱a̱ ka̱ma.

Eklesiastee̱ 8:11

Kó kjiꞌanga tsájín niꞌánjeé xota̱ xi ndajín katsꞌeén, xota̱ xi ngasee̱ tsꞌénkjó nga ka̱ma sa̱ꞌín ni xi ndajiín kui nga.

Xota̱ Ebreo̱ 3:15

Xikó je katsó xo̱jo̱n eén Néná: Tsi ngotꞌe̱ ko̱nda̱ꞌyájnú nda̱a̱. Ngata̱ niꞌántajajínjnú ini̱ma̱jnú, xikoó kui xota̱ xi katsꞌénkitikjo̱a̱ yojoo̱.

Xota̱ Ebreo̱ 3:8

Ngata̱ niꞌántajajínjnú ini̱ma̱jnú, xikoó kui xota̱ katsꞌénkitikjo̱a̱ yojoo̱, kó askotꞌayákónna ki̱a̱ nangi kixií.

Ni xi akakoo̱ 16:9

Kó ngayeje xotaa̱ nga katsꞌénchjaán sibeé tsꞌueé, ta̱nga kui xotaa̱, ti̱ kuí xí katsꞌénkꞌoyájín yojoo̱, ti̱nde katsjájiín kjo̱a̱je Néná, ta̱sá chꞌo katsoó jaꞌeén kui Néná xí tjiín ngaꞌniuú kjo̱a̱a̱ kui kjo̱a̱ni̱ma̱a̱.