Éksondo̱ 7:20 - Xo̱jo̱n eén Néná

²⁰ Kó Moisee̱ ko̱jo Aaroo̱n katsꞌén ngayeje ni xi atíxomaa̱ Néná nga sa̱ꞌín. Aaroo̱n iskjininkꞌa yánísieé ngindyi̱ko̱n nda̱ ree̱ ko̱jo já mosoo̱, kó tsꞌanié ndáfoaa̱ ndejèꞌ Niloo̱. Kó ti̱ kjiꞌa jín kamá ngayeje ndáfoaa̱,

Éksondo̱ 7:20 ပူးပေါင်းရင်းမြစ်များ

Xo̱jo̱n Salmoo̱ 105:29

Néná jín katsꞌén ndejèꞌ xi chji̱a̱ni nangi Ejipto̱, kó katsꞌénkjiesón ngayeje tji̱o̱o̱.

Xo̱jo̱n Salmoo̱ 78:44

kjiꞌanga jín katsꞌén ndáfoaa̱ ndejeèꞌ, tsi̱ꞌe̱ nga ngiti̱ ka̱májín kꞌuí ndáfoaa̱.

Éksondo̱ 4:9

—Tsi ngije kamábe kui xotaa̱ nga jó kui chi̱bo̱a̱a̱, kó tsi sꞌi̱jinjiín ko̱jo tsi ku̱i̱ntꞌiéꞌénjiín, tꞌen ji nínga tikón ndejèꞌ Niloo̱, kó ꞌna̱xié chií ji ndáfoaa̱ ndejeèꞌ kó chjatjén ji nga̱són tꞌanangii̱, kó tji̱e̱nmá jín kamá kui ndáfoaa̱.

Éksondo̱ 7:10

Kó bo̱a̱ tsꞌén Moisee̱ ko̱jo Aaroo̱n kijíkoón nda̱ ree̱ nangi Ejipto̱. Kó kjiꞌanga nda̱ ree̱ tsíꞌaá nga ko̱kó ngaꞌniú xí tjiín, kui jaá katsꞌén ni xi katsoó Néná nga sa̱ꞌín. Aaroo̱n tsꞌajmi tꞌanangi yánísieé ngindyi̱ko̱n nda̱ ree̱ ko̱jo mosoo̱, kó kui yánísieé ye̱ kamá.

Éksondo̱ 7:21

kó jesón tji̱o̱ xi tjín ngi̱jin ndejeèꞌ, kó achichí ꞌniú chꞌoje̱n kamá ndáfoaa̱, nga ngaskande xota̱ Ejiptoo̱ ngiti̱ kamájín katsꞌe. ¡Kó ngayeje nangi Ejiptoo̱ nga kisꞌie jín!

Éksondo̱ 7:6

Kó Moisee̱ ko̱jo Aaroo̱n bo̱a̱ má tsꞌén katsꞌénkjatjosón xikótsꞌèn atíxomaa̱ Néná nga sa̱ꞌín.

Ni xi akakoo̱ 8:8

Ndítsjie xi ma joó katsꞌénkjanie tjioo̱, kó xikó maá tsi ngo na̱xi̱ xi tjítíngá ikichijmijin ngi̱jin ndáchíkoón, kó ngo nga ján tjiín xikó kjiꞌi ndáchíkoón nga jín kamá,