Éksondo̱ 7:17 - Xo̱jo̱n eén Néná

¹⁷ ingo xò chi̱bo̱a̱ sa̱ngíyaá tsi̱ꞌe̱ nga xchi̱e̱ ji nga kui xi Néná. Kuíni nga kjiꞌanga kꞌonié an yánísiéna ndáfoaa̱ ndejèꞌ Niloo̱, jín ka̱ma kui ndáfoaa̱.

Éksondo̱ 7:17 ပူးပေါင်းရင်းမြစ်များ

Xo̱jo̱n Salmoo̱ 105:29

Néná jín katsꞌén ndejèꞌ xi chji̱a̱ni nangi Ejipto̱, kó katsꞌénkjiesón ngayeje tji̱o̱o̱.

Xo̱jo̱n Salmoo̱ 78:44

kjiꞌanga jín katsꞌén ndáfoaa̱ ndejeèꞌ, tsi̱ꞌe̱ nga ngiti̱ ka̱májín kꞌuí ndáfoaa̱.

Xo̱jo̱n Salmoo̱ 83:18

¡Kó ngatamabe nga ta̱ jí tsí, ji xi ꞌmií Néná, nga jí boá xi Néná xí tikón nkꞌajmii̱ xi tsꞌénbotixómaá ngayeje nga̱sondiee̱!

Xo̱jo̱n Salmoo̱ 9:16

Néná jè akó yojoo̱, kó kixi̱ tsꞌén je katsꞌénseén xotaa̱. Xota̱ xi ꞌniú ndajiín, ti̱kuíní xi ixóyà chja̱ya̱ xi índo.

Éksondo̱ 1:22

nda̱ ree̱ nangi Ejipto̱, bi̱ katsoó nga atíxomaa̱ ngayeje xota̱ na̱xi̱ńdaá: «¡Ngayeje ndí xí xi̱ꞌin xi stse̱én ínchjín Israee̱l, ngi̱jin ndáfoaa̱ tjajmijinjnú, kó ki̱a̱ ngatjisón ngándá, ta̱nga ndí xí ínchjiín, ngata̱ jmí ni niꞌánjo̱jínjnú!»

Éksondo̱ 10:2

Bo̱a̱ tsꞌén ka̱ma kꞌuiyée̱ ndíi̱ ko̱jo ndíndée̱ ngayeje ni xi katsꞌenjo̱ an xota̱ Ejiptoo̱, ko̱jo kótsꞌèn nga tsajnókie an, tsi̱ꞌe̱ nga sku̱i̱e̱ nga án boá xi Nee̱ xota̱ Israee̱l».

Éksondo̱ 4:9

—Tsi ngije kamábe kui xotaa̱ nga jó kui chi̱bo̱a̱a̱, kó tsi sꞌi̱jinjiín ko̱jo tsi ku̱i̱ntꞌiéꞌénjiín, tꞌen ji nínga tikón ndejèꞌ Niloo̱, kó ꞌna̱xié chií ji ndáfoaa̱ ndejeèꞌ kó chjatjén ji nga̱són tꞌanangii̱, kó tji̱e̱nmá jín kamá kui ndáfoaa̱.

Éksondo̱ 5:2

Ta̱nga nda̱ ree̱ bi̱ katsó: —Kó ꞌyání bo̱a̱ kui Nee̱. Kó ánní nga an kuintꞌieꞌén kóo̱n. ¡Ngojín nee̱ xota̱ Israee̱l xi be an, kó ti̱nde tsjandièjín an nga kjo̱tjojnú!

Éksondo̱ 7:20

Kó Moisee̱ ko̱jo Aaroo̱n katsꞌén ngayeje ni xi atíxomaa̱ Néná nga sa̱ꞌín. Aaroo̱n iskjininkꞌa yánísieé ngindyi̱ko̱n nda̱ ree̱ ko̱jo já mosoo̱, kó tsꞌanié ndáfoaa̱ ndejèꞌ Niloo̱. Kó ti̱ kjiꞌa jín kamá ngayeje ndáfoaa̱,

Ni xi akakoo̱ 11:6

Kui chistikoo̱ tjiín ngaꞌniú tsi̱ꞌe̱ nga ku̱i̱ꞌíchjá ndiꞌakꞌajmii̱, tsi̱ꞌe̱ nga ko̱a̱ꞌájín stseé kui ni̱xtjin nga ndyi̱tsóyá én xi kixiyàa̱, kó ti̱ tjiín ngaꞌniú tsi̱ꞌe̱ nga ndáfoaa̱ jín sa̱ꞌín, ko̱jo tsi̱ꞌe̱ nga sa̱ꞌínkjaꞌatio kjo̱a̱ni̱ma̱ xotaa̱ kui tꞌanangii̱ nga kji̱ndi̱bá ngayeje to̱ko̱ya ni xi ndajín, ta̱ xi kótjín ndi̱yà mejénrií.

Ni xi akakoo̱ 8:8

Ndítsjie xi ma joó katsꞌénkjanie tjioo̱, kó xikó maá tsi ngo na̱xi̱ xi tjítíngá ikichijmijin ngi̱jin ndáchíkoón, kó ngo nga ján tjiín xikó kjiꞌi ndáchíkoón nga jín kamá,