Éksondo̱ 7:16 - Xo̱jo̱n eén Néná

¹⁶ Kó ki̱a̱ bi̱ tꞌíi̱n: “Kuí Néná kui xi tsi̱ꞌe̱ xota̱ Israee̱l, kui xi katsangiyakonna ji, bi̱ katsóna nga ꞌna̱xié xòjne̱ kui ngi̱ndiee̱, tsi̱ꞌe̱ nga ki̱a̱ nangi kixií si̱ꞌandikónjne̱ Nejne̱. Ta̱nga nga ngaskande ngotꞌe̱ mejénjín xoò niꞌínkjatjosén ji ni xi tsꞌénmíꞌaá,

Éksondo̱ 7:16 ပူးပေါင်းရင်းမြစ်များ

Éksondo̱ 10:3

Kósꞌe̱ Moisee̱ ko̱jo Aaroo̱n kijíkoón nda̱ ree̱, kó bi̱ katsoó: «Nejne̱ kui xi Nee̱ xota̱ Israee̱l, kuí boá xi katsangiyajne̱ tsi̱ꞌe̱ nga ko̱si̱yajne̱ ji nga ngaskande kjiꞌání nga to̱kó nkꞌa ko̱ꞌna̱xié ji yojòo̱, kó ngaskande kjiꞌání nga ko̱nda̱ꞌyéꞌíi̱n. Te̱ꞌéndièjne̱ nga kongín niꞌántsjájne̱ Nejne̱.

Éksondo̱ 13:15

Nda̱ ree̱ kui nangii̱ achichí tajá kamá ini̱ma̱a̱, kó katsjandièjín nga kjo̱tjojne̱ katsaki. Kósꞌe̱ Néná atíjeé xota̱ Ejiptoo̱ nga katsꞌénkꞌién ndí xíꞌín xi tjoón ngayeje xtín xota̱, ko̱jo ndí tjoón ngayeje cho̱ tjié xi kisꞌiee̱ nga. Kuíni nga ñá niꞌánkꞌién ndí xíꞌín xi tjoón ngayeje cho̱ tjié, ngajoo̱ ndí xíꞌín xi tjónná nga ngo kjo̱a̱tjó niꞌánkꞌasꞌién.

Éksondo̱ 14:5

Kó nga kiꞌmíyaà nda̱ ree̱ nangi Ejipto̱ nga je ndyi̱monga xota̱ Israee̱l, kui nda̱ ree̱ ko̱jo já mosoo̱ asíkjo eén nga ja̱bo̱a̱ je katsjákjo̱a̱ nga je kjo̱tjo kui xotaa̱, kó bi̱ katsoó xkjín: «¡Mí kjo̱a̱tsobé xi kiniꞌán! Kótsꞌèn katseꞌéndiè ñá nga kiniꞌánkjí xota̱ Israee̱l. Kó ngotꞌe̱ ꞌne̱, ꞌyá xí sa̱ꞌínxá ngajoná.»

Éksondo̱ 3:12

Kó Néná bi̱ katsoó: —¡Moise̱, án boá xi kjótsoꞌbájoo̱ ngatsjéni̱xtjin! Kó tsi̱ꞌe̱ nga xchi̱e̱ ji nga an xi tsꞌéntsangiyaa, ngo chi̱bo̱a̱ tsjaa: Ngije kaꞌnaxié ji xota̱ Israee̱l, ngayeje jún kuí má kui na̱xi̱i̱ si̱ꞌandikónjnúꞌun.

Éksondo̱ 3:13

Kó Moisee̱ bi̱ katsoó Néná: —Kó tsi kjuín an nínga síndo xota̱ Israee̱l, kó nga bi̱ xiáa̱n: “Néná, kui xi Nee̱ Abraa̱n, Nee̱ Isaa̱ ko̱jo Nee̱ Jakoo̱b boá xi katsangiyana tsi̱ꞌe̱ nga kꞌuijñándéjnúꞌun”, bi̱ra̱ ka̱tso̱na: “Ja̱ kó ꞌmí kui nee̱”. Kósꞌe̱, kó xiáa̱n ngijee̱.

Éksondo̱ 3:18

»Jè be an nga xota̱ ngito̱ko̱o̱ xota̱ Israee̱l sa̱ꞌínseén ji, kuíni nga ji ko̱jo kui xotaa̱ tangínchonjnúu̱ nda̱ ree̱ nangi Ejipto̱, kó bi̱ tꞌínjnúu̱: “Nda̱ re, Nejne̱ jè jèꞌekónjne̱ kó te̱ꞌéndièjne̱ nga kongínjne̱ nangi kixií, ngo ngi̱ndie nínga ján ni̱xtjin fí ndsa̱ko, ki̱a̱ ka̱maa̱ nga ki̱a̱ si̱ꞌantsjajne̱ Nejne̱ ko̱jo ki̱a̱ si̱ꞌankꞌasꞌienjne̱ kjo̱a̱tjó”.

Éksondo̱ 4:22

Kósꞌe̱ ji bi̱ sée̱ nda̱ ree̱, bi̱ tsó én xí katsangiya Néná: “Án boá xi Ne an, kó achichí tjóna xota̱ Israee̱l, kuí boá xi xikoó tsi ndí tjónna.

Éksondo̱ 4:23

Kuíni nga bo̱a̱ tꞌíxiaán jí nga te̱ꞌéndièe̱ nga ko̱e̱je̱ kui xotaa̱ tsi̱ꞌe̱ nga an sa̱ꞌíndikónna. Ta̱nga kó nga tiboeꞌéndièjíi̱n nga kjo̱tjo, ngotꞌe̱ ꞌne̱ sa̱ꞌinkꞌién an ndí tjóo̱n”».

Éksondo̱ 8:1

Kósꞌe̱ Néná bi̱ katsoó Moisee̱: «Tꞌenchín nginíi̱ nda̱ ree̱ nangi Ejipto̱, kó bo̱a̱ tꞌíi̱n nga án boá xi tsꞌéntsangiyaa, tsi̱ꞌe̱ nga bo̱a̱ sée̱ nga kꞌo̱xiéjnú, kó nga sa̱ꞌínkjíjnú ki̱a̱ nangi kixií tsi̱ꞌe̱ nga ki̱a̱ si̱ꞌantsjajnúꞌun.

Éksondo̱ 8:20

Kósꞌe̱ Néná bi̱ katsoó Moisee̱: «ꞌNiú ta̱jñó ti̱sítji̱n ji ndyiojón, kó nga ko̱e̱je̱ ndejeèꞌ nda̱ ree̱ ki̱a̱ tꞌentji̱ngìi̱, kó bo̱a̱ tꞌíi̱n nga án boá xi tsꞌéntsangiyaa, tsi̱ꞌe̱ nga bo̱a̱ sée̱ nga tsja̱ndieè xota̱ na̱xi̱ńdána nga kjo̱tjo kui ngi̱ndiee̱ tsi̱ꞌe̱ nga ko̱e̱je̱tsꞌèntsjàna.

Éksondo̱ 9:1

Kósꞌe̱ Néná bi̱ katsoó Moisee̱: «Tꞌenchíi̱n nda̱ ree̱, kó bo̱a̱ tꞌíi̱n nga nga tsjandièjnú nga kongín niꞌántsjájnúꞌun.

Éksondo̱ 9:13

Kósꞌe̱ Néná, bi̱ katsoó Moisee̱: «ꞌNiú ta̱jñó ti̱sítji̱n ji ndyiojón, kó tꞌen ji ngindyi̱ko̱n nda̱ ree̱, kó bo̱a̱ tꞌíi̱n, nga án boá xi tsꞌéntsangiyaa, an xi Nee̱ xota̱ Israee̱l, kó nga án boá xi bo̱a̱ tꞌíxiáa̱n nga nga tsjandieè nga ko̱e̱je̱ xota̱ na̱xi̱ńdána tsi̱ꞌe̱ nga sa̱ꞌíntsjána.