Éksondo̱ 6:6 - Xo̱jo̱n eén Néná

^6-8 »Kó kuíni nga tꞌen ji, kó bi̱ tꞌíi̱n xota̱ Israee̱l nga án boá xi Nee̱ an, kó nga án boá xi kꞌoxié an nangi Ejipto̱, kó nga án boá xi sa̱ꞌin an nga sa̱ꞌínkjaꞌyá kjo̱a̱a̱ xá é xí ndyi̱tsꞌèn. Án boá xi kjuínjo̱ an nangi xi kixiáa̱n nga tsjàa̱ Abraa̱n, Isaa̱ ko̱jo Jakoo̱b, kó nga jún tsa̱jún ka̱ma ngotꞌe̱ ꞌne̱. Kó bo̱a̱ tsꞌén xcha̱jnú nga án boá xi katsꞌendéjnúꞌun kjo̱a̱a̱ nga mosoo̱ xota̱ Ejiptoo̱ kamájnú, jún boá xi xota̱ na̱xi̱ńdána ka̱ma, kó án boá xi Nejnú ka̱ma an. Ta̱nga xota̱ Ejiptoo̱ achichí ꞌniú kotijée̱ nga sa̱ꞌinkjièn án ngaꞌniúna. Ngayeje kui nii̱ xi sa̱ꞌin an, ngatꞌa̱ án boá xi Nejnú má an.

Éksondo̱ 6:6 ပူးပေါင်းရင်းမြစ်များ

Xo̱jo̱n Salmoo̱ 77:16

»Kamábee̱ ndáfoaa̱ ji Ne, nga kamábee̱ ndáfoa katsakjónní, ¡ngaskande kui ndáfoa xi ꞌniú na̱nga̱a̱, achichí ꞌniú janingí!

Xo̱jo̱n Salmoo̱ 81:11

»Ta̱nga xota̱ na̱xi̱ńdána tsintꞌiéjiín nda̱na, kó xota̱ Israee̱l, ngiti̱ kamámejénjiín an.

Xo̱jo̱n Salmoo̱ 81:6

«Jè jaꞌáxín án nga̱són tjiàa̱ kui chꞌià é xí yaꞌanijín, jé kamándé tsjá kjo̱a̱a̱ kui ńdiekachján xi ta̱nisién eé.

Xo̱jo̱n Salmoo̱ 81:7

Kjiꞌanga ꞌniú nda̱ kamaá, ni̱ma̱ kase ji nga kandokjo̱e̱ní, kó án tsꞌaxiéꞌaá, katsꞌénseén ndeskande ngi̱jii̱n ṉdi̱ xi jñó má ndyi̱a̱a̱ nínga tikónꞌmá an, ki̱a̱ má nínga tjitjó ndáfoaa̱ ki̱a̱ ngi̱ndie xi ꞌmí Meribaa̱, ki̱a̱ askotꞌayákoón.

Éksondo̱ 1:11

Kó kuíni nga xota̱ Ejiptoo̱ xota̱ ngito̱ko̱ índotjoón xota̱ Israee̱l, xi ínieé xá ꞌniú. Kó xota̱ Israee̱l kiniꞌaán kjo̱a̱ꞌniú nga katsꞌénda na̱xi̱ńdáꞌniú xi ꞌmí Pitoo̱n ko̱jo Ramsee̱, kó ki̱a̱ boá nínga indyiá nda̱ ree̱ nangi Ejipto̱ ngayeje nichinie xi jaꞌátjó.

Éksondo̱ 12:51

kó kuí má ni̱xtjii̱n nga Néná tsꞌaxié xota̱ Israee̱l ki̱a̱ nangi Ejiptoo̱.

Éksondo̱ 13:14

»Kó kjiꞌanga ndíjnú ko̱síyájnú, míkjo̱a̱a̱ nga kui kjo̱a̱tjoó niꞌánjnú, bi̱ tꞌínjnúu̱: “Néná katsꞌénkjién ngaꞌniuú nga tsꞌaxiéjne̱ nangi Ejipto̱ nínga xota̱ moso̱ kamájne̱.

Éksondo̱ 13:16

Kó kuí nii̱ xi xikoó tsi ngo chi̱bo̱a̱ ka̱majnú jún xi kjótꞌajnú ndsa̱jnú ko̱jo tsi xtjienjnú, tsi̱ꞌe̱ nga kjo̱a̱ꞌátsjienjnú nga Néná katsꞌénkjién ngaꞌniuú nga tsꞌaxiéná nangi Ejipto̱”».

Éksondo̱ 13:3

Kósꞌe̱ Moisee̱, bi̱ katsoó xota̱ Israee̱l: «Ngata̱chiíjín niꞌánchíyájnú kui ni̱xtjii̱n, kjiꞌanga Néná katsꞌénkjién ngaꞌniuú nga tsꞌaxiéná nangi Ejipto̱, nínga xota̱ moso̱ kamá ñá. Kuíni nga, ngotꞌe̱ ku̱i̱ꞌítsꞌi̱yani nga kamájín xi̱ni̱e̱jnú pan xi tjiín nisan.

Éksondo̱ 15:13

»Achichí ꞌniú tjoó xota̱ na̱xi̱ńdáa̱, nga ngaꞌniúu̱ boá xi kaꞌnaxiéꞌéní ji, kó ngotꞌe̱ ꞌne̱, jí boá xi tińtje̱tjée̱n ki̱a̱ ngi̱ndie nínga mejeén nga ki̱a̱ ku̱i̱ndyin ji.

Éksondo̱ 16:6

Kósꞌe̱ Moisee̱ ko̱jo Aaroo̱n, bi̱ katsoó xota̱ Israee̱l: «Ánní nga ndyi̱niꞌánxchánjnú, xi jmí ni yàjínjne̱ kjo̱a̱a̱ kui ni xi kjimaa̱. Kjiꞌanga ji̱n xi ndyi̱niꞌánxchánjo̱jnú jún, nga ja̱koxi̱ Néná boá xi ndyi̱niꞌánxchánjo̱jnú, ngatꞌa̱ kuí boá xi tsáyàjne̱ ni xi niꞌánjne̱. ¡Kó Néná jè tsintꞌié ni xi ndyi̱ꞌmìjnú! »Néná boá xi tsꞌaxiéjnú nangi Ejipto̱, kó jmí tsi ji̱n. Kuíni nga kui kamángixoón xcha̱jnú nga kꞌi̱e̱ tikón Néná ngi̱jii̱n jún, ngatꞌa̱ tsja̱ajnú yojo xi xi̱ni̱e̱jnú. Kó ndyiojón ta̱jñó xcha̱jnú, ngatꞌa̱ tsja̱ajnú ngayeje pan xi ka̱ma xi̱ni̱e̱jnú».

Éksondo̱ 18:1

Kjiꞌanga to̱kó tikón Moisee̱ nangi Ejipto̱, katsangiyaꞌoyá nginí na̱ Séfora̱ chjo̱ón nangi Mandiaa̱n. Kó ki̱a̱ Jetroo̱, kui nda̱ xi chiꞌyaá Moisee̱, kui xi chináꞌmii̱ kui ngi̱ndiee̱ kamá, kuí askoo̱n na̱ Séfora̱, tsa̱kji̱ín ko̱jo Ngersoo̱n ko̱jo Eliesee̱r kui xi ndíndee̱. Ndí tjoón Moisee̱ Ngersoo̱n ítꞌajaꞌén «Nda̱ xi xín nangi» tsó kui jaꞌeén, ngatꞌa̱ ki̱a̱ kisꞌijña ngo nangi xi kuijín tsi̱ꞌe̱. Ndí xí ma joó, Eliesee̱r ítꞌajaꞌén «Néná boá xi bosikójona» tsó kui jaꞌeén, ngatꞌa̱ jaꞌátsjiee̱n nga kui Néná xi tsi̱ꞌe̱ na̱ꞌmii̱ asíko̱jo, kó kuí boá xi tsꞌaxiéꞌá kjiꞌanga nda̱ ree̱ nangi Ejipto̱ sa̱ꞌínkꞌién katsaki. Kó Jetroo̱ ja̱bo̱a̱ jè be nga ngayeje ni xi katsꞌén Néná nganda tsi̱ꞌe̱ Moisee̱ boá, ko̱jo nga Néná boá xi tsꞌaxié xota̱ Israee̱l ki̱a̱ nangi Ejiptoo̱. Ta̱nga kjiꞌanga Jetroo̱ kintꞌié nga Moisee̱ ki̱a̱ tjítsꞌénkjaꞌyá nangi kixií, ki̱a̱ tꞌa na̱xi̱i̱ Néná, kamámejeén kijítji̱ngii̱ kui ko̱jo na̱ Séforaa̱ ko̱jo Ngersoo̱n ko̱jo Eliesee̱r.

Éksondo̱ 2:11

Ngije jaꞌa kjín nó, ngije xchá Moisee̱, ngo ndi̱yà kijí nínga ndyi̱tsꞌènxá xota̱ nangii̱, nínga achichí ꞌniú xá moso̱ xi katsꞌén, kó ta̱niján má kamábe nga ngo nda̱ Ejipto̱ tsꞌénbeꞌeé ngo nda̱ Israee̱l,

Éksondo̱ 3:17

Kó bo̱a̱ tꞌíi̱n nga án boá xi sa̱ꞌindé án, nga kꞌoxiéꞌá an kjo̱a̱a̱ kjo̱a̱ni̱ma̱ xi ndyi̱foaꞌatio ki̱a̱ nangi Ejipto̱, kó nga ki̱a̱ kjuínjo̱ an nangi Kanaa̱n, nínga síndo xota̱ na̱xi̱ńdá xi nde kji̱e̱ bejínna. ¡Ngo ngi̱ndie nínga tsie nichinie tjín!

Éksondo̱ 32:11

Kósꞌe̱ Moisee̱ katsꞌénkjaꞌajinda Néná, kó bi̱ katsoó: —Ne tsa̱ꞌa̱n, ¡ngata̱ niꞌínxchínje̱jín ji kui xota̱ na̱xi̱ńdaá! ¡Ti̱ jíní xi kaꞌnaxié ji ki̱a̱ nangi Ejipto̱ nga kiniꞌínkjín jí ngaꞌniúu̱!

Éksondo̱ 6:29

bi̱ katsoó: —Án boá xi Nèe̱ an, tꞌen ji kó bo̱a̱ tꞌíi̱n nda̱ ree̱ nangi Ejipto̱ ngayeje ni xi xiyaá ji.

Ni xi kamá 13:17

Néná xí chji̱a̱ni Israee̱l kuí boá xi jaꞌájin xota̱ tji̱e̱ xcháná, tsi̱ꞌe̱ nga ngo na̱xi̱ńdáꞌniú ka̱ma kjiꞌanga ta̱kó kje̱ꞌe nangi síndo ki̱a̱ nangi Ejipto̱, kó jaskan ngaꞌniú xí tsi̱ꞌe̱ Néná tsꞌaxié kui xotaa̱ kui nangi jàn.

Ndeuteronomio̱ 11:2

Ngatamajnú ngotꞌe̱ kui ni xi Néná jè akóyájnú nga katsꞌénchji̱ni̱e̱jnú, kui ni xi kji̱e̱ bokoyájiín ndíjnú. Ngatjaꞌátsjienjnú nga Néná akójnú ngaꞌniuú, ko̱jo achichí yiꞌi kjo̱a̱ndikón xí katsꞌén ki̱a̱ nangi Ejipto̱, kjiꞌanga achichí kjo̱a̱botíjé xí katsangiyaa̱ nda̱ ree̱ ko̱jo xota̱ na̱xi̱ńdaá. Xota̱ Ejiptoo̱ tsangatji̱ngíjnú jún ki̱a̱ ngi̱jin Ndáchíkoón Inií, ta̱nga Néná katsꞌénkjindibánieé ndáfoaa̱, kó jesón ngayejee̱: ¡ki̱a̱ katsꞌénkjiesón ngándá ngi̱jin ndáchíkoón ngayeje ndi̱je̱e̱, ko̱jo karro̱ kjo̱a̱xchán xí tjimájo̱!

Ndeuteronomio̱ 15:15

Ngata̱chiíjín niꞌánchíyájnú nga xota̱ moso̱ kamájnú ki̱a̱ nangi Ejipto̱, kó nga Néná boá xi katsꞌéndéjnú. Kuíni nga kui kjo̱a̱botíxomaa̱ tsꞌéntsjájnúꞌun.

Ndeuteronomio̱ 26:8

Kó bo̱a̱ tsꞌén nga Néná katsꞌénkjién ngaꞌniú jèe̱, kó achichí kjo̱a̱ndikón katsꞌén nga indyiándikoón xota̱ Ejiptoo̱, kó tsꞌaxiéjne̱ kui ngi̱ndiee̱.

Ndeuteronomio̱ 4:23

Ta̱nga chónjnú yojojnú, kó ngata̱ niꞌánchíyájínjnú kui ni xi je índajo̱jnú Néná jún. Ti̱ꞌankjatjosónjnú ni xi atíxoma Néná, kó ngata̱ niꞌándikónjínjnú ngo ni xi ne kꞌuínjnúu̱,

Ndeuteronomio̱ 5:15

Chjiéngá kjo̱a̱ꞌátsjienjnú nga moso̱ kamájnú ki̱a̱ nangi Ejipto̱, kó nga án boá xi tsꞌaxiéjnúꞌun ki̱a̱a̱ nga katsꞌénkjién án ngaꞌniú jena. Kuíni nga tsꞌénbotixomájnúꞌun nga ni̱xtjin xi ma yitoo̱ si̱ꞌankjaꞌyájnú.

Ndeuteronomio̱ 6:12

Ta̱nga ngata̱ niꞌánchíyájínjnú nga Néná boá xi tsꞌaxiéjnú nangi Ejipto̱, kó nga kuí boá xi katsꞌéndéjnú nínga moso̱ kamájnú.

Ndeuteronomio̱ 7:19

Ngayejejnú nga chistiko̱ kamájnú kjo̱a̱a̱ kui ngaꞌniú je xi akó Néná. Kamáyàjnú kjín kjo̱a̱ndikón xi katsꞌén nga tsꞌaxiéjnú ki̱a̱ nangi Ejipto̱, kó ti̱ bo̱a̱ ti̱ sa̱ꞌínjo̱ kui xota̱ na̱xi̱ńdá xi ndyi̱ndakónnijnú jún.

Ndeuteronomio̱ 7:8

Tsi Néná jè katsꞌéndéjnú nga moso̱ kamájnú ki̱a̱ nangi Ejipto̱, kjo̱a̱a̱ nga tjórií jún. Katsꞌénkjién ngaꞌniú jee̱ nga katsꞌeén nda̱ ree̱ nangi Ejipto̱, kó bo̱a̱ tsꞌén katsꞌénkjatjosón ni xi katsóyàtjoón xota̱ xi xcháná.