Éksondo̱ 6:16 - Xo̱jo̱n eén Néná

^16-27 Xota̱ xi chji̱a̱ni xota̱ tji̱e̱e̱ Lebii̱, Kuí bí xi̱ꞌbi̱: Ngersoo̱n, Koaa̱t, ko̱jo Merarii̱. Kuí bí xi̱ꞌbi̱ xi ndií Ngersoo̱n: Libnii̱, ko̱jo Simii̱. Kuí bí xi̱ꞌbi̱ xi ndií Koaa̱t: Amraa̱n, Isaa̱r, Ebroo̱n, ko̱jo Usiee̱l. Kuí bí xi̱ꞌbi̱ xi ndií Merarii̱: Majlii̱, ko̱jo Musii̱. Kuí bí xi̱ꞌbi̱ xi ndií Amraa̱n ko̱jo na̱ Jokabee̱nd: Aaroo̱n, ko̱jo Moisee̱. Kuí bí xi̱ꞌbi̱ xi ndií Isaa̱r: Koree̱, Nefee̱j, ko̱jo Sikrii̱. Kuí bí xi̱ꞌbi̱ xi ndií Usiee̱l: Misaee̱l, Elsafaa̱n, ko̱jo Sitrii̱. Kó kuí bí xi̱ꞌbi̱ xi ndií Aaroo̱n ko̱jo na̱ Elisebaa̱: Nandaa̱b, Abiuu̱, Itamaa̱r, ko̱jo Eleasaa̱. Kuí bí xi̱ꞌbi̱ xi ndií Koree̱: Asii̱r, Elkanaa̱, ko̱jo Abiasaa̱f. Lebii̱ úchán ko̱jo kantjiꞌún jó nó kamaá nga kisꞌijña nga̱sondie. Kó Amraa̱n ti̱ úchán ko̱jo kantjiꞌún jó nó kamaá nga kisꞌijña nga̱sondie nga. Kó ndií Amraa̱n kui xi ꞌmí Aaroo̱n ko̱jo Moisee̱, kuí boá xi Néná má xi atíxomaa̱ tsi̱ꞌe̱ nga ku̱i̱chji̱a̱jo nda̱ ree̱ nangi Ejiptoo̱, tsi̱ꞌe̱ nga kꞌo̱xié xota̱ Israee̱l kui ngi̱ndiee̱. Aaroo̱n kisꞌijñajo̱ na̱ Elisebaa̱, kui xi tsa̱kji̱ín Aminandaa̱b kamá, ndichja Naasoo̱n. Eleasaa̱ kisꞌijñajo̱ ngo tsa̱kji̱ín Futiee̱l kó ngo ndí kisꞌiee̱ kui xi Finee̱ ítꞌajaꞌén.

Éksondo̱ 6:16 ပူးပေါင်းရင်းမြစ်များ

Jenesii̱s 35:28

Úchán ichítié ko̱jo kantié noó Isaa̱ nga kꞌien.

Jenesii̱s 47:28

Kó Jakoo̱b tjiꞌúnjó nó kamaá nga kisꞌijña nangi Ejipto̱, kó úchán ko̱jo yichán yito nó kamaá nga kisꞌijña nga̱sondie.

Jenesii̱s 50:26

Kó úchán ko̱jo tie noó Kosiee̱ nga kꞌien, kó kiniꞌándikii̱ yojoo̱ tsi̱ꞌe̱ nga tsájín jatson, kósꞌe̱ akjaya koxa̱ ki̱a̱ nangi Ejipto̱.

Éksondo̱ 2:1

Ngo nda̱ ko̱jo ngo na̱ xi chji̱a̱ni xota̱ tji̱e̱e̱ Lebii̱ ixánjo̱ xkjín.

Xki̱ 16:1

Koree̱ boá xi kamá ngo nda̱ xi xota̱ tji̱e̱e̱ Lebii̱ kjindibáni, xi chji̱a̱ni xota̱ ndiꞌaa̱ Koaa̱t, Isaa̱r kiꞌmí na̱ꞌmii̱ kui nda̱a̱, kó ján amingo̱ xi chji̱a̱ni xota̱ tji̱e̱e̱ Rubee̱n kisꞌiee̱, xi kiꞌmí Ndataa̱n ko̱jo Abiraa̱n, xi ndií Eliaa̱b kamá ko̱jo nda̱ xi kiꞌmí Oo̱n xi ndií Pelee̱t kamá. Nde ngojín kui jaá xi kamámejeén nga Moisee̱ xi kamá ngito̱ko̱o̱, kó kui jaá, ngi jó úchán ichítié já ngito̱ko̱ xi chji̱a̱ni xota̱ Israee̱l xi nijan kamá, xi atíxomaa̱ xotaa̱, ko̱jo xi achichí ꞌniú kamáyàndikón ki̱a̱a̱.

Xki̱ 26:57

Ti̱ kamáxki̱ ngayeje xota̱ ndiꞌa xi chji̱a̱ni xota̱ tji̱e̱e̱ Lebii̱ nga. Ján kamá ndií Lebii̱, kó kuí bí xi̱ꞌbi̱: Ngersoo̱n, Koaa̱t, ko̱jo Merarii̱. Kó bo̱a̱ tsꞌén nga ján tjín xtín xota̱ ndiꞌa kamá, kósꞌe̱ ngi ún kamá xtín xota̱ ndiꞌa xi jatjojinni kꞌi̱e̱e̱, kó kuí bí xi̱ꞌbi̱: Libnii̱, Ebroo̱n, Koaa̱t, Majlii̱, ko̱jo Musii̱. Koaa̱t kisꞌiee̱ ngo ndí xi kiꞌmí Amraa̱n.

Ni xi akakoo̱ 7:7

ko̱jo tiejó mi̱ tji̱e̱e̱ xota̱ xi chji̱a̱ni Simeoo̱n, ko̱jo tiejó mi̱ tji̱e̱e̱ xota̱ xi chji̱a̱ni Lebii̱, ko̱jo tiejó mi̱ tji̱e̱e̱ xota̱ xi chji̱a̱ni Isakaa̱r,