Éksondo̱ 40:36 - Xo̱jo̱n eén Néná

³⁶ Xki̱ nga katjoninkꞌa kui ṉdi̱i̱ ki̱a̱ ndiꞌandikoón, xota̱ na̱xi̱ńdá Israee̱l atíkaya ndiꞌandikoón, kósꞌe̱ xín kijíjo̱.

Éksondo̱ 40:36 ပူးပေါင်းရင်းမြစ်များ

Xo̱jo̱n Salmoo̱ 105:39

Néná askoo̱n xota̱ xi xchájne̱ nga katsꞌénkjién ngo ṉdi̱, kó nga jñoó ngo ndiꞌí katsꞌéntsijennii̱.

Xo̱jo̱n Salmoo̱ 78:14

Nga ni̱xtjii̱n, ngo ṉdi̱ katsꞌénkjié nga yejeén ndi̱yà, kó nga jñoó, ngo ndiꞌí katsꞌéntsijee̱n.

Xki̱ 9:17

Néná boá xi katsóyaà xota̱ Israee̱l kjiꞌanga tjín nínga kijí, ko̱jo kjiꞌanga katsꞌénkjaꞌyá. Bi̱ tsꞌén katsꞌén kui nii̱: kjiꞌanga katjoninkꞌa kui ṉdi̱i̱ ko̱jo nga katsꞌéntíyá, xota̱ Israee̱l katsꞌéntíyaá yojoo̱, kó ki̱a̱ kijítji̱ngii̱ kui ṉdi̱i̱, kó kjiꞌanga kasasien kui ṉdi̱i̱, ki̱a̱ kisꞌińdo xota̱ Israee̱l nga. Kó ki̱a̱ iskjininkꞌa ndiꞌaa̱, sꞌe̱ ki̱a̱ kisꞌińdo tji̱e̱nga kui ṉdi̱i̱ ki̱a̱ kisꞌijña nga̱són nkꞌaa̱ ndiꞌandikoón. Tjín ni̱xtjin nga kui ṉdi̱i̱, ta̱ ngo tsí ko̱jo tsi ta̱ chiboa tsí ni̱xtjin nga xió kisꞌijña ngo ngi̱ndie, ta̱nga tjín ni̱xtjin nga ngaskande ngo sá, ko̱jo tsi ngaskande ngo nó kamaá. Kjiꞌanga kjín ni̱xtjin katsꞌéntíyájín kui ṉdi̱i̱, xota̱ Israee̱l tsintꞌiéꞌén, kó ti̱ ki̱a̱ kisꞌińdo kui nga. Kó jmí ndasénjín tsi ni̱xtjin ko̱jo tsi ni̱xtji̱e̱n, kjiꞌanga katsꞌéntíyá kui ṉdi̱i̱, xota̱ Israee̱l ki̱a̱ kijítji̱ngii̱, kjiꞌanga kasasien, ti̱ ki̱a̱ kisꞌińdo xota̱ Israee̱l nga, kó ki̱a̱ katsꞌéntsjaà Néná. Bo̱a̱ katsꞌén Néná nga atíxomaa̱ xota̱ Israee̱l nga tsíchji̱a̱jo Moisee̱, kó xota̱ Israee̱l tsintꞌiéꞌeén.

1 Xota̱ Korinto̱ 10:1

Mejénjínna já ntsꞌie, nga xchi̱yàjnú nga xota̱ tji̱e̱ xchaá xota̱ jundíoo̱, ngayejee̱ nga ṉdi̱i̱ Néná kistsoꞌbátjoón, kó ngayejee̱ nga jaꞌatio ndáchíkoón.