Éksondo̱ 40:20 - Xo̱jo̱n eén Néná

^20-21 Jaskan Moisee̱ índoyá nga jó ndi̱jo̱ tie nínga kjitꞌa kjo̱a̱kitii̱, ngi̱yaa̱ koxa̱a̱ kjo̱a̱ꞌbíndaa̱, kó índoo̱ kui koxa̱a̱ yá ndojó xi chínkꞌajo̱ni ko̱jo íjñaá tsꞌoa koxa̱a̱, kósꞌe̱ katsjákjo̱a̱ nga ki̱a̱ ikꞌíjñá ngi̱yaa̱ ndiꞌandikoón Néná. Kui koxa̱a̱ ki̱a̱ ikꞌíjñá ngi̱ndie nínga ꞌniú ndikoón, kósꞌe̱ Moisee̱ iskjien boaꞌá ńjño Kortinaa̱ tsi̱ꞌe̱ nga yíꞌmá kui ngi̱ndiee̱, ngatꞌa̱ bo̱a̱ tsꞌén atíxoma Néná nga ka̱ma.

Éksondo̱ 40:20 ပူးပေါင်းရင်းမြစ်များ

Xo̱jo̱n Salmoo̱ 40:8

Ji Ne tsa̱ꞌa̱n, nga tsꞌenkjatjosón an ni xi mejeén ji, kuí nii̱ xi tsie ngase kjo̱a̱tsja tsjána, ¡kó kjo̱a̱bokoyáa̱ ngi̱jin ini̱ma̱na tikónjin!

Éksondo̱ 31:18

Kó ki̱a̱ na̱xi̱ Sinaii̱, Néná katsꞌénkꞌasꞌiee̱n Moisee̱ kjo̱a̱botíxoma xi chjiéngá sa̱ꞌínkjatjosón xota̱ na̱xi̱ńdaá. Kó Néná má xi katsꞌénꞌindó kui kjo̱a̱botíxomaa̱, kó jó tie ndi̱jo̱ ítꞌa.

Éksondo̱ 40:3

Kó ki̱a̱ ngi̱ya ndiꞌandikoón kꞌuijñí ji koxa̱a̱ kjo̱a̱ꞌbíndaa̱, kó tjin ji ńjño kortinaa̱ tsi̱ꞌe̱ nga xcha̱jín.

Matioo̱ 3:15

Kó Kjisoo̱, bi̱ katsoó: –Te̱ꞌéndiè ji ngotꞌe̱, ngatꞌa̱ chjiéngá si̱ꞌankjatjosón ngayeje ni xi kixi̱ ngindyi̱ko̱n Néná. Kósꞌe̱ Juaa̱ atíndá Kjisoo̱.

Xota̱ Roma̱ 10:4

Ngatꞌa̱ nga fetꞌanii̱ kjo̱a̱kitii̱ Kristoo̱ boá, tsi̱ꞌe̱ nga xota̱ kixi̱ ka̱ma ngayeje xi sꞌijii̱n kui.

Xota̱ Roma̱ 3:25

Néná xí bo̱a̱ tsꞌén íjñá xikoó ngo chji̱e̱ nga kꞌien Jesukristoo̱, tsi̱ꞌe̱ nga ta̱ngatꞌanii̱ kui jín xí iskjitjón nga kꞌien nga si̱ꞌanjetakónnii̱ xota̱ xi sꞌijii̱n, kó bo̱a̱ tsꞌén Néná akó kjo̱a̱kixi̱i̱, ta̱ngatꞌanii̱ nga tsiekon kamá nga katsꞌénjín xki̱ jé xi kisꞌie ngasꞌe̱,

Ndeuteronomio̱ 10:5

Kó an jatjajenni an kui na̱xi̱i̱, sꞌe̱ indo an nga jó kui tie ndi̱jo̱o̱ ngi̱yaa̱ kui koxa̱a̱, ngatꞌa̱ bo̱a̱ tsꞌén atíxomana Néná. Kó kui tie ndi̱jo̱o̱ to̱kó ki̱a̱ síndo ngi̱yaa̱ kui koxa̱a̱.

Xota̱ Ebreo̱ 4:16

Si̱ꞌantiñáa̱ yojoná tsobo̱a̱, kó si̱ꞌanꞌniátakón Néná xi botixómáná, ko̱jo xi tsjáná kjo̱a̱ndaa̱, tsi̱ꞌe̱ nga sa̱kóná kjo̱a̱ni̱ma̱takoón, kó sa̱kóná kjo̱a̱ndaa̱ kjiꞌá má nga ka̱machjiénná kuí.

Xota̱ Ebreo̱ 9:4

nínga kisꞌijña ṉchandikón xí to̱nsinié nínga ikꞌítí ni sije̱e̱n, kó ti̱ ki̱a̱ kisꞌijña koxa̱a̱ kjo̱a̱ꞌbíndaa̱ xi to̱nsinié akjajon yeje. Ngi̱yaa̱ kui koxa̱a̱ kixindyia manaa̱, ko̱jo ki̱a̱ kisꞌiya yá xí tsaꞌa Aaroo̱n xi ja̱bo̱a̱ je íntsꞌién, ko̱jo yátie nínga kjitꞌa kjo̱a̱kitii̱,

1 Xo̱jo̱o̱n Juaa̱ 2:2

Jesukristoo̱ boá xi katsjá yojoo̱ xikoó ngo kjo̱a̱tjó, nga jaꞌatio kjo̱a̱ni̱ma̱ ta̱ngatꞌanii̱ nga íchjítjé jéná ñá xi je kisꞌijinná Néná. Kó jmí tsi ta̱ jéná tsí, ko̱jo jeé ngayeje xota̱ xi tjín nga̱sondiee̱ boá nga.