Éksondo̱ 40:16 - Xo̱jo̱n eén Néná

^16-19 Ni̱xtjin ngoo̱ sá xi ꞌmí Abii̱b, kjiꞌá boá nga kachjaninkꞌa ndiꞌandikoón Néná, kó bo̱a̱ má tsꞌén kachjaninkꞌa xikótsꞌèn atíxoma Néná. Jè má ngo nó chi̱bo̱a̱ chi̱bo̱a̱ je jaꞌa nga jatjoni xota̱ Israee̱l nangi Ejipto̱ nga bo̱a̱ kamá.

Éksondo̱ 40:16 ပူးပေါင်းရင်းမြစ်များ

Jenesii̱s 6:22

Kó Noee̱ bo̱a̱ má katsꞌén, xikó má katsoó Néná nga sa̱ꞌín.

Éksondo̱ 40:15

kó nangínjìn ji isti̱ ngayejee̱, tsi̱ꞌe̱ nga chináꞌmina ka̱ma. Kó ki̱a̱ ko̱a̱ꞌa̱nii̱ nga ta̱ngatꞌanii̱ kui istii̱, nga xota̱ tji̱e̱e̱ Aaroo̱n ko̱jo ndií, chináꞌmina ka̱ma ngatsjéni̱xtjin».

Éksondo̱ 7:6

Kó Moisee̱ ko̱jo Aaroo̱n bo̱a̱ má tsꞌén katsꞌénkjatjosón xikótsꞌèn atíxomaa̱ Néná nga sa̱ꞌín.

Lebitiko̱ 8:13

Nga fetꞌa, Moisee̱ tsíchji̱a̱ jaá Aaroo̱n tsi̱ꞌe̱ nga ko̱e̱je̱kon tiñaa̱, kó katsꞌénkajá ńjño xi boajá já chináꞌmii̱, iskjienꞌniuú ńjño xi ꞌbíkjá ndáyaá, ísoón ni ꞌbíꞌá tokoo̱, xikó má katsoó Néná nga atíxomaa̱ nga sa̱ꞌín.

Lebitiko̱ 8:21

Kó aniéjón sé ko̱jo tsiꞌee̱ kui cho̱o̱, kó ítí ngayeje cho̱tsa̱nga̱ xi jaꞌatji ndi̱ja̱a̱, xikótsꞌèn ꞌbítí kjo̱a̱tjó xi sije̱n maa̱, nganda tsi̱ꞌe̱ Néná. Moisee̱ bo̱a̱ má tsꞌén, xikó má katsoó Néná nga atíxomaa̱.

Lebitiko̱ 8:9

Kó to̱ko̱ íjñaá ni ꞌbíꞌá tokoo̱, kó nga̱soón kui nii̱ yítꞌaa̱ ndí axtañó xi to̱nsinieé, bo̱a̱ katsꞌén xikó má katsoó Néná nga atíxomaa̱. Kui ndí axtañó xi to̱nsinieé, kuí boá xi katsóyà nga Aaroo̱n boá xi ngo chináꞌmi xi je ta̱ xaá Néná tsí xi kisꞌijñani.

Matioo̱ 28:20

kó takoyajnúu̱ nga sa̱ꞌínkjatjosón ngayeje ni xi akoyájnúꞌun, kó an ngatsjéni̱xtjin kotíjña̱jojnúꞌun, ngaskande nga kju̱i̱e̱ nga̱sondiee̱. Bo̱a̱ kjiꞌi.

1 Xota̱ Korinto̱ 4:2

Kjiꞌanga ngo xi tjiín ngo xá, xi tsi̱ꞌe̱ xaá míꞌaá nga kixi̱ tsꞌén ko̱e̱je̱jo xaá.

Ndeuteronomio̱ 12:32

Kuíni nga ti̱ꞌankjatjosónjnú kui kjo̱a̱botíxomaa̱, kó nga chjeꞌéxínjínjnúu̱ ngo ni, ti̱nde nga fosónjínjnúu̱ ngo ni.

Ndeuteronomio̱ 4:1

Bi̱ katsó ngase Moisee̱: «Jún xota̱ Israee̱l tangíntji̱ngíjnú kui kjo̱a̱bokoyá xi je katsjajnúꞌun, tsi̱ꞌe̱ nga ki̱a̱ ku̱i̱ndyionjnú, kó ti̱ꞌankjiénjnú kui nangi xi tsja̱ajnú kui Ne xi tsi̱ꞌe̱ xota̱ xi xchájnú.

Xota̱ Ebreo̱ 3:2

Kjisoo̱ kixi̱ katsꞌén xaá ngindyi̱ko̱n xi katsjaá kui xaá, xikótsꞌèn Moisee̱ kixi̱ katsꞌén xá xi katseꞌeé ngi̱jii̱n ngayeje xotaa̱ Néná.

Xota̱ Ebreo̱ 3:5

Kó Moisee̱ nga ja̱koxi̱, ngo moso̱ xi kixi̱ katsꞌén xaá kamá ngi̱jii̱n xotaa̱ Néná, kó akó ni xi jaskan ka̱tso̱yà Néná,