Éksondo̱ 40:15 - Xo̱jo̱n eén Néná

¹⁵ kó nangínjìn ji isti̱ ngayejee̱, tsi̱ꞌe̱ nga chináꞌmina ka̱ma. Kó ki̱a̱ ko̱a̱ꞌa̱nii̱ nga ta̱ngatꞌanii̱ kui istii̱, nga xota̱ tji̱e̱e̱ Aaroo̱n ko̱jo ndií, chináꞌmina ka̱ma ngatsjéni̱xtjin».

Éksondo̱ 40:15 ပူးပေါင်းရင်းမြစ်များ

Xo̱jo̱n Salmoo̱ 110:4

Néná jè katsjá tsꞌoa, kó sa̱ꞌínkjatjosón eén: «Jí boá xi chináꞌmi ji ngatsjéni̱xtjin, xikoó xi kamá Melkisendee̱k».

Éksondo̱ 12:14

»Kó ngotꞌe̱ xꞌi̱a̱nijnú, nga ngatsjéni̱xtjin ngayejejnú chjiéngá si̱ꞌánjnú kui sꞌueé nganda tsa̱ꞌa̱n, tsi̱ꞌe̱ nga si̱ꞌankjaꞌátsjienjnú ni̱xtjin nga tsꞌaxiéjnúꞌun nangi Ejipto̱. Yito ni̱xtjin kꞌo̱ndíyaá kui sꞌueé, kjiꞌa ku̱i̱ꞌítsꞌi̱yani nga ka̱mangixoón ni̱xtjin tienijoón saá, kó nga kju̱i̱e̱ kjiꞌá boá nga kamángixoón ni̱xtjin xi kan ngoo̱. Kui xomanaa̱ chjiéngá jó ndi̱yà nga ndikóntsꞌèn ka̱matikójnú, ngo ndi̱yà nga ni̱xtjin xi tjoón, sꞌe̱ ingo ndi̱yà nga ni̱xtjin xi ma yitoo̱. Ta̱ nínga tindyiónjnú, nga yito kui ni̱xtjii̱n pan xi jmí nisanjiín boá xi xi̱ni̱e̱jnú. Ndeskande ni̱xtjin xi tjoón kui sꞌueé, ngaskande ni̱xtjin xi fetꞌanii̱ nga nde chií nda̱ꞌyo̱ pan xi tjiín nisan kꞌuiéjínjnú ndiꞌajnú. Kui xi skji̱ni̱e̱ pan xi tjiín nisan nga yito kui ni̱xtjii̱n, tsi xota̱ xi xín nangi, ko̱jo tsi xota̱ Israee̱l, chjiéngá ku̱i̱yòtjíngií ngi̱jii̱n jún. Kó nga yito kui ni̱xtjii̱n nde ngojín xá si̱ꞌánjnú, ta̱ ngototo ni xi xi̱ni̱e̱jnú xi ka̱ma si̱ꞌandajnú. Kjo̱a̱kiti xi kꞌuijñá ngatsjéni̱xtjin boá kui nii̱».

Éksondo̱ 28:41

Tatíxomée̱ Aaroo̱n, ko̱jo ndií nga kui ńjñoo̱ xi sa̱ꞌínkjién nga ko̱a̱ja̱, kósꞌe̱ kjiꞌá boá nga ko̱na̱ngínjin ji isti̱ to̱ko̱, tsi̱ꞌe̱ nga kui xi ko̱e̱ꞌéxée̱, nga kui xi ka̱ma chináꞌmina.

Éksondo̱ 30:31

Bo̱a̱ tꞌíi̱n xota̱ Israee̱l nga kuí bí kui istii̱ xi si̱ꞌankjién nga ko̱na̱ngínjón ngayeje ni xi je ta̱ xá tsa̱ꞌa̱n kꞌuíndoni.

Éksondo̱ 30:33

Tsi tjín xota̱ Israee̱l xi sa̱ꞌínda ingo isti̱ xi xikoó xi̱ꞌbi̱, kó tsi ta̱xkiya sa̱ꞌínkjién nga sa̱ngínjón kje̱ꞌe xota̱, kui xi bo̱a̱ katsꞌeén chjiéngá ku̱i̱yòtjíngií ngi̱jii̱n jún».

Éksondo̱ 40:14

Jaskan ndokjoée̱ ndií, kó bo̱a̱ tꞌíi̱n nga ngatajá ńjño xi chajákjaá,

Éksondo̱ 40:16

Ni̱xtjin ngoo̱ sá xi ꞌmí Abii̱b, kjiꞌá boá nga kachjaninkꞌa ndiꞌandikoón Néná, kó bo̱a̱ má tsꞌén kachjaninkꞌa xikótsꞌèn atíxoma Néná. Jè má ngo nó chi̱bo̱a̱ chi̱bo̱a̱ je jaꞌa nga jatjoni xota̱ Israee̱l nangi Ejipto̱ nga bo̱a̱ kamá.

Xota̱ Ebreo̱ 7:3

Melkisendee̱k kisꞌiejiín na̱ꞌmi ko̱jo na̱an ko̱jo xota̱ xi xchá, ti̱nde katsenjín ti̱nde kꞌienjín, yàjín ñá kjindibáni, kó xá chináꞌmii̱ tikón ngatsjéni̱xtjin, xikoó kui xi tsi̱ꞌe̱ ndií Néná.

Xota̱ Ebreo̱ 7:7

Kó je yá cha̱n cha̱n ñá nga nkꞌa ngase xaá xi chji̱a̱a̱ Néná, tsi̱ꞌe̱ nga Néná sa̱ꞌínchikonñé ngo xi ngindie ngase xaá.