Éksondo̱ 40:13 - Xo̱jo̱n eén Néná

¹³ Kó Aaroo̱n chjiéngá ko̱a̱ja̱ ńjñondio xi tsi̱ꞌe̱ chináꞌmii̱, kó nangínjìn ji isti̱ tsi̱ꞌe̱ nga chináꞌmi xi tsa̱ꞌa̱n ka̱ma.

Éksondo̱ 40:13 ပူးပေါင်းရင်းမြစ်များ

Éksondo̱ 28:41

Tatíxomée̱ Aaroo̱n, ko̱jo ndií nga kui ńjñoo̱ xi sa̱ꞌínkjién nga ko̱a̱ja̱, kósꞌe̱ kjiꞌá boá nga ko̱na̱ngínjin ji isti̱ to̱ko̱, tsi̱ꞌe̱ nga kui xi ko̱e̱ꞌéxée̱, nga kui xi ka̱ma chináꞌmina.

Éksondo̱ 29:7

Kó ti̱ chjatjájìn ji to̱ko̱ kui isti̱ xi nanginjon xotaa̱ xi boeꞌéxaá.

Éksondo̱ 40:14

Jaskan ndokjoée̱ ndií, kó bo̱a̱ tꞌíi̱n nga ngatajá ńjño xi chajákjaá,

Lebitiko̱ 7:35

Ndeskande ni̱xtjin nga Moisee̱ katsjáxaá Aaroo̱n ko̱jo ndií nga kui xi ka̱ma chináꞌmii̱ Nee̱ xota̱ Israee̱l, bo̱a̱ tsꞌén kisꞌijña nga kui chikjaa̱n yojoo̱ cho̱ xi niꞌánkꞌasꞌiee̱n Néná, ngatsjéni̱xtjin nga tsi̱ꞌe̱ kui já chináꞌmii̱ ka̱ma.

Lebitiko̱ 8:13

Nga fetꞌa, Moisee̱ tsíchji̱a̱ jaá Aaroo̱n tsi̱ꞌe̱ nga ko̱e̱je̱kon tiñaa̱, kó katsꞌénkajá ńjño xi boajá já chináꞌmii̱, iskjienꞌniuú ńjño xi ꞌbíkjá ndáyaá, ísoón ni ꞌbíꞌá tokoo̱, xikó má katsoó Néná nga atíxomaa̱ nga sa̱ꞌín.

Juaa̱ 17:19

kó ta̱ngatꞌanii̱ kui nga matsjie yojona, tsi̱ꞌe̱ nga ka̱matsjie kui xotaa̱ ngi̱yaa̱ ja̱koxi̱i̱.

Juaa̱ 3:34

Ngatꞌa̱ kui xi katsangiya Néná, eén Néná xí chji̱a̱, ngatꞌa̱ Néná tsjaá ngayeje ngaꞌniuú.

Xota̱ Ebreo̱ 10:10

Néná jè katsꞌéntsjiená, ngatꞌa̱ Jesukristoo̱ katsꞌénkjatjosón ni xi kamámejeén Néná, kjiꞌanga ti̱ kuii̱ yojoo̱ katsꞌénkꞌasꞌien nga kiniꞌánkꞌién ta̱ ngo tsí ndi̱yà.

Xota̱ Ebreo̱ 10:29

Ja̱ ti̱ꞌankjínjnúu̱ takónjnú, kókjiꞌi ni xi si̱ꞌaa̱n kui xi tsꞌéntsjánié ni xi katsꞌén ndií Néná, kókjiꞌi ni xi si̱ꞌaa̱n kui xi ta̱ kjo̱a̱ndaní máa kui jín xí Néná índajo̱ni nga katsꞌéntsjie kui xotaa̱, ko̱jo kókjiꞌi ni xi ka̱maa̱ xi chꞌo tjítsoó A̱si̱énni̱xtjii̱n Néná xi tsꞌén tsjá kjo̱a̱ndaa̱.

1 Xo̱jo̱o̱n Juaa̱ 2:20

Ta̱nga jún jè tikónjnú A̱si̱énni̱xtjii̱n Néná xi katsjájnú Kristoo̱, kó jè yàjnú ni xi ja̱koxi̱i̱.

1 Xo̱jo̱o̱n Juaa̱ 2:27

Ta̱nga kui A̱si̱énni̱xtjii̱n Néná xi katsjájnú Jesukristoo̱ jè tikónjinjnú, kó nde chjiénjín nga tjín xí ko̱kóyájnú, ngatꞌa̱ kui A̱si̱énni̱xtjii̱n, kuí boá xi bokoyá kjo̱a̱a̱ ngayeje nii̱, kó ja̱koxi̱ boá ni xi bokoyá, jmí tsi kjo̱a̱ndiso. Xikó tsꞌén je akóyájnú kui A̱si̱énni̱xtjii̱n Néná, bo̱a̱ tsꞌén tindyionjinjnúu̱ Jesukristoo̱ ngatsjéni̱xtjin.