Éksondo̱ 4:23 - Xo̱jo̱n eén Néná

²³ Kuíni nga bo̱a̱ tꞌíxiaán jí nga te̱ꞌéndièe̱ nga ko̱e̱je̱ kui xotaa̱ tsi̱ꞌe̱ nga an sa̱ꞌíndikónna. Ta̱nga kó nga tiboeꞌéndièjíi̱n nga kjo̱tjo, ngotꞌe̱ ꞌne̱ sa̱ꞌinkꞌién an ndí tjóo̱n”».

Éksondo̱ 4:23 ပူးပေါင်းရင်းမြစ်များ

Xo̱jo̱n Salmoo̱ 105:36

Néná katsꞌénꞌoón nga katsꞌénkꞌién já xo̱ngò xi ꞌniú ko̱jo xi nda ngasee̱ nangi Ejiptoo̱, ¡ngayeje na̱xi̱ńdaá nga jesón ndí xí tjoón nga ngo nga ngo xtín xota̱ ngo ndiꞌa!

Xo̱jo̱n Salmoo̱ 135:8

Ki̱a̱ nangi Ejipto̱ katsꞌénꞌoón nga katsꞌénkꞌién ndí tjoón nga ngo nga ngo xtín xota̱ ndiꞌa, kó ti̱ katsꞌénkꞌién ndí tjoón cho̱ tji̱e̱é kui xotaa̱ nga. Katsꞌén chi̱bo̱a̱ ko̱jo kjo̱a̱ndikón, kondraa̱ ree̱ ko̱jo xota̱ xi nkꞌa xaá xi tsꞌénxájo̱,

Xo̱jo̱n Salmoo̱ 136:10

Kuí boá xi katsꞌénꞌoón nga katsꞌénkꞌién ndí tjoón xota̱ Ejiptoo̱. ¡Ngatꞌa̱ Néná ngatsjéni̱xtjin nga tjoó ji̱n!

Xo̱jo̱n Salmoo̱ 78:51

Kó katsꞌénꞌoón tsi̱ꞌe̱ nga jesón ndí tjoón xota̱ Ejiptoo̱, kui ndí xí tjoón ngaꞌniú xí kisꞌiee̱ xota̱ ndiꞌaa̱ Kaa̱n.

Éksondo̱ 10:3

Kósꞌe̱ Moisee̱ ko̱jo Aaroo̱n kijíkoón nda̱ ree̱, kó bi̱ katsoó: «Nejne̱ kui xi Nee̱ xota̱ Israee̱l, kuí boá xi katsangiyajne̱ tsi̱ꞌe̱ nga ko̱si̱yajne̱ ji nga ngaskande kjiꞌání nga to̱kó nkꞌa ko̱ꞌna̱xié ji yojòo̱, kó ngaskande kjiꞌání nga ko̱nda̱ꞌyéꞌíi̱n. Te̱ꞌéndièjne̱ nga kongín niꞌántsjájne̱ Nejne̱.

Éksondo̱ 10:4

Tsi bo̱a̱jín si̱ꞌin ji, Néná ndyiojón sa̱ngíyá ꞌniú kjín chjo̱bo̱a̱ ngayeje kui nangii̱,

Éksondo̱ 11:5

kó sa̱ꞌínkjiesón an ngayeje ndí xíꞌín xi tjoón xota̱ Ejiptoo̱. Ngayejee̱ nga ko̱yà ndeskande ndí xíꞌín xi tjoón nda̱ ree̱, ngaskande ndí xíꞌín xi tjoón ínchjín xí chji̱ni̱e̱ꞌboo̱ nga. ¡Ko̱yà ngaskande ndí tjoón ngayeje cho̱ tjié xi tjínjnú nga!

Éksondo̱ 12:29

Kó nga kamá masien ni̱xtji̱e̱n, Néná katsꞌénkꞌién ngayeje ndí xíꞌín xi tjoón xota̱ Ejiptoo̱. Kó jesón ngayejee̱, ki̱a̱ ítsꞌi̱yanii̱ ndeskande ndí xíꞌín xi tjoón nda̱ ree̱, kui xi jaskan ko̱tíxomaa̱, ngaskande ndí xíꞌín xi tjoón xota̱ xi síndo ndo̱bo̱a̱ya̱à. Ti̱ jesón ngayeje ndí tjoón ngayeje cho̱ tji̱e̱é xota̱ Ejiptoo̱ nga.

Éksondo̱ 13:15

Nda̱ ree̱ kui nangii̱ achichí tajá kamá ini̱ma̱a̱, kó katsjandièjín nga kjo̱tjojne̱ katsaki. Kósꞌe̱ Néná atíjeé xota̱ Ejiptoo̱ nga katsꞌénkꞌién ndí xíꞌín xi tjoón ngayeje xtín xota̱, ko̱jo ndí tjoón ngayeje cho̱ tjié xi kisꞌiee̱ nga. Kuíni nga ñá niꞌánkꞌién ndí xíꞌín xi tjoón ngayeje cho̱ tjié, ngajoo̱ ndí xíꞌín xi tjónná nga ngo kjo̱a̱tjó niꞌánkꞌasꞌién.

Éksondo̱ 18:8

Kó Moisee̱ katsóyaà chiꞌyaá ngayeje ni xi Néná katsꞌénjo̱ nda̱ ree̱ ko̱jo xota̱ Ejiptoo̱. Kó ti̱ katsóyaà ngayeje kjo̱a̱xti xi kisꞌiee̱ xota̱ Israee̱l ki̱a̱ ngi̱ya ndi̱ya̱à ndeskande nga jatjoni nangi Ejipto̱ ko̱jo kótsꞌèn nga Néná tsꞌaxiéꞌá kui xotaa̱.

Éksondo̱ 3:18

»Jè be an nga xota̱ ngito̱ko̱o̱ xota̱ Israee̱l sa̱ꞌínseén ji, kuíni nga ji ko̱jo kui xotaa̱ tangínchonjnúu̱ nda̱ ree̱ nangi Ejipto̱, kó bi̱ tꞌínjnúu̱: “Nda̱ re, Nejne̱ jè jèꞌekónjne̱ kó te̱ꞌéndièjne̱ nga kongínjne̱ nangi kixií, ngo ngi̱ndie nínga ján ni̱xtjin fí ndsa̱ko, ki̱a̱ ka̱maa̱ nga ki̱a̱ si̱ꞌantsjajne̱ Nejne̱ ko̱jo ki̱a̱ si̱ꞌankꞌasꞌienjne̱ kjo̱a̱tjó”.

Éksondo̱ 5:1

Moisee̱ ko̱jo Aaroo̱n jaskan ngije tsíchji̱a̱jo xota̱ Israee̱l, kijíkoón nda̱ ree̱ nangi Ejipto̱, kó bi̱ katsoó: —Ne xi tsi̱ꞌe̱ xota̱ Israee̱l ngo én katsangiyaa ji nda̱ re, kó bi̱ tsó: “Te̱ꞌéndièe̱ nga kjo̱tjo xota̱ na̱xi̱ńdána tsi̱ꞌe̱ nga sa̱ꞌínna ngo sꞌué ki̱a̱ nangi kixií”.

Éksondo̱ 6:11

—Tꞌen ji kó bo̱a̱ tꞌíi̱n nda̱ ree̱ nangi Ejipto̱ tsi̱ꞌe̱ nga tsja̱ndieè xota̱ Israee̱l nga kjo̱tjo kui nangii̱.

Éksondo̱ 7:16

Kó ki̱a̱ bi̱ tꞌíi̱n: “Kuí Néná kui xi tsi̱ꞌe̱ xota̱ Israee̱l, kui xi katsangiyakonna ji, bi̱ katsóna nga ꞌna̱xié xòjne̱ kui ngi̱ndiee̱, tsi̱ꞌe̱ nga ki̱a̱ nangi kixií si̱ꞌandikónjne̱ Nejne̱. Ta̱nga nga ngaskande ngotꞌe̱ mejénjín xoò niꞌínkjatjosén ji ni xi tsꞌénmíꞌaá,

Éksondo̱ 8:1

Kósꞌe̱ Néná bi̱ katsoó Moisee̱: «Tꞌenchín nginíi̱ nda̱ ree̱ nangi Ejipto̱, kó bo̱a̱ tꞌíi̱n nga án boá xi tsꞌéntsangiyaa, tsi̱ꞌe̱ nga bo̱a̱ sée̱ nga kꞌo̱xiéjnú, kó nga sa̱ꞌínkjíjnú ki̱a̱ nangi kixií tsi̱ꞌe̱ nga ki̱a̱ si̱ꞌantsjajnúꞌun.

Éksondo̱ 8:16

Kósꞌe̱ Néná bi̱ katsoó Moisee̱: «Bo̱a̱ tꞌíi̱n Aaroo̱n nga yánísieé ngatꞌanié xa̱a̱ tꞌanangii̱ nangi Ejipto̱, tsi̱ꞌe̱ nga kui xa̱a̱ ndi̱ꞌi̱ ngatama».

Éksondo̱ 8:17

Kó Moisee̱ ko̱jo Aaroo̱n bo̱a̱ katsꞌén xikó katsoó Néná nga sa̱ꞌín. Aaroo̱n yején tsja, kó yánísieé tsꞌanié xa̱a̱ tꞌanangii̱. Kó ti̱ kjiꞌa ngayeje xa̱ xi tjín nangi Ejipto̱ ndi̱ꞌi̱ kamá, kó iskjiniee̱ ngayeje xotaa̱ ko̱jo cho̱o̱.

Éksondo̱ 8:20

Kósꞌe̱ Néná bi̱ katsoó Moisee̱: «ꞌNiú ta̱jñó ti̱sítji̱n ji ndyiojón, kó nga ko̱e̱je̱ ndejeèꞌ nda̱ ree̱ ki̱a̱ tꞌentji̱ngìi̱, kó bo̱a̱ tꞌíi̱n nga án boá xi tsꞌéntsangiyaa, tsi̱ꞌe̱ nga bo̱a̱ sée̱ nga tsja̱ndieè xota̱ na̱xi̱ńdána nga kjo̱tjo kui ngi̱ndiee̱ tsi̱ꞌe̱ nga ko̱e̱je̱tsꞌèntsjàna.

Éksondo̱ 9:1

Kósꞌe̱ Néná bi̱ katsoó Moisee̱: «Tꞌenchíi̱n nda̱ ree̱, kó bo̱a̱ tꞌíi̱n nga nga tsjandièjnú nga kongín niꞌántsjájnúꞌun.

Éksondo̱ 9:13

Kósꞌe̱ Néná, bi̱ katsoó Moisee̱: «ꞌNiú ta̱jñó ti̱sítji̱n ji ndyiojón, kó tꞌen ji ngindyi̱ko̱n nda̱ ree̱, kó bo̱a̱ tꞌíi̱n, nga án boá xi tsꞌéntsangiyaa, an xi Nee̱ xota̱ Israee̱l, kó nga án boá xi bo̱a̱ tꞌíxiáa̱n nga nga tsjandieè nga ko̱e̱je̱ xota̱ na̱xi̱ńdána tsi̱ꞌe̱ nga sa̱ꞌíntsjána.

Éksondo̱ 9:2

Ngatꞌa̱ tsi tsja̱ndièjínjnú nga kjo̱tjojnú,