Éksondo̱ 4:21 - Xo̱jo̱n eén Néná

²¹ Néná ja̱bo̱a̱ jè bi̱ katsoó Moisee̱: «Ngije kjóchí ji nangi Ejipto̱, ti̱ꞌin ji ngindyi̱ko̱n nda̱ ree̱ ngayeje kjo̱a̱ndikón xí kixiaan nga si̱ꞌin ji nga si̱ꞌinkjìn jí yánísiée̱. Án boá xi sa̱ꞌintajá án ini̱ma̱a̱ nda̱ ree̱ tsi̱ꞌe̱ nga sa̱ꞌínkjatjójín xota̱ na̱xi̱ńdaá.

Éksondo̱ 4:21 ပူးပေါင်းရင်းမြစ်များ

Jenesii̱s 6:3

Kósꞌe̱ bi̱ katsó Néná: «Tsjandièjín an nga xota̱ nga̱sondiee̱ kꞌuíndo ngatsjéni̱xtjin. ¡Kuíni nga kjo̱a̱ꞌatjónjiín úchán ko̱jo kan nó nga kꞌuíndo!»

Xo̱jo̱n Salmoo̱ 105:25

Kuíni nga xota̱ Ejiptoo̱ katsꞌénchꞌójne̱ ko̱jo ndajín katsꞌénjo̱jne̱.

Xo̱jo̱n Salmoo̱ 78:43

Ko̱jo kjiꞌanga Néná íjñá chi̱bo̱a̱ ki̱a̱ nangi Ejiptoo̱, ko̱jo ni xi fíndikónná xí katsꞌén ki̱a̱ kꞌijñaá Soaa̱n,

Éksondo̱ 10:1

Néná bi̱ katsoó Moisee̱: «Tꞌen nginí ji ngindyi̱ko̱n nda̱ ree̱. Án boá xi katsꞌen an nga ree̱ ko̱jo mosoo̱, sa̱ꞌín tajárá ini̱ma̱a̱, tsi̱ꞌe̱ nga kokòo̱ ngaꞌniúna nga sa̱ꞌin an chi̱bo̱a̱ ko̱jo ni xi fíndikónná.

Éksondo̱ 10:20

Ta̱nga Néná ti̱ katsꞌéntajá nginí ini̱ma̱a̱ nda̱ ree̱ tsi̱ꞌe̱ nga katsjandièjiín nga kjo̱tjo xota̱ Israee̱l.

Éksondo̱ 10:27

Ingo ndi̱yà nginí nga Néná katsꞌéntajá ini̱ma̱a̱ nda̱ ree̱, kó katsjandièjiín nga kjo̱tjo xota̱ Israee̱l.

Éksondo̱ 11:10

Kó Moisee̱ ko̱jo Aaroo̱n ngindyi̱ko̱n nda̱ ree̱ katsꞌén ngayeje kui chi̱bo̱a̱ ko̱jo kjo̱a̱ndikón xi katsoó Néná nga sa̱ꞌín, ta̱nga nda̱ ree̱ achichí tajá katsꞌénra ini̱ma̱a̱, kó katsjandièjiín xota̱ Israee̱l nga kjo̱tjoni nangi Ejipto̱.

Éksondo̱ 11:9

Kósꞌe̱ Néná bi̱ katsoó: «Sa̱ꞌínsénjínjnú nda̱ ree̱, kó kuí nii̱ xi tsja̱ndièna nga kjín chi̱bo̱a̱ ko̱jo kjo̱a̱ndikón xí sa̱ꞌin an ki̱a̱ nangi Ejipto̱».

Éksondo̱ 14:17

Ngatꞌa̱ án boá xi sa̱ꞌin tajá án ini̱ma̱a̱ an xota̱ Ejiptoo̱ tsi̱ꞌe̱ nga ko̱e̱je̱tji̱ngijnú, kósꞌe̱ kjiꞌá boá nga sa̱ꞌinkjié an. Kó ngije katsꞌée̱n nda̱ ree̱ ko̱jo ngayeje juu̱n ko̱jo karretaa̱, xota̱ Ejiptoo̱ sku̱i̱e̱ nga án boá xi Nee̱ xota̱ Israee̱l. ¡Kokomáráa̱ ngaꞌniú tsie xi tjínna!

Éksondo̱ 14:4

Kó án boá xi sa̱ꞌin tajá án ini̱ma̱a̱ nda̱ ree̱, tsi̱ꞌe̱ nga ko̱e̱je̱tji̱ngijnú, kó nga bo̱a̱ sa̱ꞌín, sa̱ꞌinkjié an xota̱ juu̱n, kó kokòo̱ ngaꞌniúna. Bo̱a̱ tsꞌén nga xota̱ Ejiptoo̱ sku̱i̱e̱ nga án xi Néná án». Kó xota̱ Israee̱l katsꞌén ni xi katsoó Néná nga sa̱ꞌín.

Éksondo̱ 3:19

»Jè be an nga nda̱ ree̱ nangi Ejiptoo̱ tsja̱ndièjín nga kjo̱tjojnú kui ngi̱ndiee̱, ta̱nga án boá xi sa̱ꞌìi̱n kjo̱a̱ꞌniú.

Éksondo̱ 3:20

Kó an sa̱ꞌinkjièn án ngaꞌniúna, kó kjín ni xi fíndikónná xí sa̱ꞌin an xi sa̱ꞌínkjié kui xota̱ Ejiptoo̱, kósꞌe̱ kjiꞌá boá nga tsja̱ndiè nga kjo̱tjojnú kui ngi̱ndiee̱.

Éksondo̱ 7:13

Ndatsi kui nii̱ kamá, ti̱ kuí xí nda̱ ree̱ katsꞌéntajá ini̱ma̱a̱, kó katsꞌénsénjiín Aaroo̱n ko̱jo Moisee̱, bo̱a̱ kamá xikó má katsoó Néná nga ka̱ma.

Éksondo̱ 7:3

Sa̱ꞌínsénjínjnú nda̱ ree̱, kó tsja̱ndièjín nga kjo̱tjojnú, ngatꞌa̱ ti̱ ánní bo̱a̱ xi sa̱ꞌintajá án ini̱ma̱a̱. Ta̱nga kjín chi̱bo̱a̱ ko̱jo kjo̱a̱ndikón sa̱ꞌin an ki̱a̱ nangi Ejipto̱, kó jaskan sa̱ꞌínkjatjójnú ngijee̱. Ngayeje ngaꞌniúna sa̱ꞌinkjièn án nga sa̱ꞌinjée̱ xota̱ Ejiptoo̱, ¡kó án xí sa̱ꞌin an nga kixi̱ ka̱masee̱n ko̱jo nga kꞌoxié an xota̱ Israee̱l, kui xi xota̱ na̱xi̱ńdána, kó xikoó tsi jájún ka̱ma nga kjo̱tjoni kui nangii̱! ¡Kó kui xota̱ Ejiptoo̱ sku̱i̱e̱ nga án boá xi Nee̱ xota̱ Israee̱l!

Éksondo̱ 8:15

Ta̱nga xikó má katsó Néná nga ka̱ma, bo̱a̱ má kamá, ngije kamábe nda̱ ree̱ nga je jaꞌa ngayeje kui nii̱, katsꞌénsénjín, kó ti̱ katsꞌéntajá nginí ini̱ma̱a̱, kó katsjandièjiín nga kjo̱tjo xota̱ Israee̱l.

Éksondo̱ 8:32

Ta̱nga nda̱ ree̱ ti̱ katsꞌéntajá nginí ini̱ma̱a̱, kó katsjandièjiín nga kjo̱tjo xota̱ Israee̱l.

Éksondo̱ 9:12

Ta̱nga Néná katsꞌéntajá nginí ini̱ma̱a̱ nda̱ ree̱, kó nde ngiti̱ kamámejénjiín nga sku̱i̱e̱ kjo̱a̱a̱ Moisee̱ ko̱jo Aaroo̱n, bo̱a̱ má kamá xikó má katsoó Néná Moisee̱ nga ka̱ma.

Éksondo̱ 9:35

Ta̱nga Néná ja̱bo̱a̱ jè bo̱a̱ katsó nga kui nii̱ ka̱ma, kó Moisee̱ katsóyaà xota̱ na̱xi̱ńdaá.

Juaa̱ 12:40

Íchjá ndyi̱ko̱n kui xotaa̱, kó katsꞌéntajá ini̱ma̱a̱, tsi̱ꞌe̱ nga ka̱matsijenjiín ndyi̱ko̱n, ko̱jo tsi̱ꞌe̱ nga ka̱makjínjiín ini̱ma̱a̱, ko̱jo tsi̱ꞌe̱ nga sa̱ꞌínkꞌoyàjín yojoo̱, tsi̱ꞌe̱ nga an sa̱ꞌindaya an.

Xota̱ Roma̱ 1:28

Kó nga akó kui xotaa̱ nga kamámejénjiín katsꞌénseén Néná, Néná índomasien tsi̱ꞌe̱ nga kjo̱tsòn kjo̱a̱kjíntakoón, tsi̱ꞌe̱ nga sa̱ꞌín ni xi májín niꞌán.

Xota̱ Roma̱ 9:18

Kó kuíni nga Néná ka̱mani̱ma̱a̱ xota̱ xi mejeén kui nga ka̱mani̱ma̱a̱, kó tajá sa̱ꞌín ini̱ma̱a̱ xi mejeén kui nga tajá sa̱ꞌín ini̱ma̱a̱.

2 Xota̱ Korinto̱ 2:16

Kui xota̱ xi tjichájaá, ji̱n xikónií tsi je̱n kjo̱a̱bo̱ya kjimaa̱ ji̱n, ta̱nga kui xota̱ xi fotjoꞌaa̱, ji̱n xí xikoó ngo nisije̱n xi tsjá kjo̱a̱mindyioo̱n kjimaa̱. Kó kjo̱a̱a̱ kui nii̱, ꞌyá xí tjiín ngaꞌniú nga ka̱maa̱ sa̱ꞌín kui xaá.

1 Xo̱jo̱o̱n Peé 2:8

Ko̱jo ti̱ bi̱ ti̱ tsó nga: Kuí boá kui ndi̱jo̱o̱, ngo ndi̱jo̱ xi stingí xotaa̱. Kó kꞌo̱jmi nga sti̱ngí xotaa̱, ngatꞌa̱ tsintꞌiéꞌénjín kui eén, ngatꞌa̱ je bo̱a̱ tsꞌén tikón nga bo̱a̱ ka̱ma.