Éksondo̱ 39:1 - Xo̱jo̱n eén Néná

^1-7 Kó ńjño xi tsajá chináꞌmii̱ ńjño xi koán, ko̱jo xi aso, ko̱jo ńjño xi iní kamándani. Kó ti̱ kiniꞌánda ńjñondio xi tsajá Aaroo̱n, kó ki̱a̱ akjatꞌaa̱ nga jó ndi̱jo̱ tsjakon xi ónise̱ xi kjín a̱sie̱én, nínga kjitꞌa jaꞌeén nga tiejó xota̱ tji̱e̱e̱ na̱xi̱ńdá Israee̱l. Kó kiniꞌánda jó axtañó to̱nsinié xi ta̱soboá martiyo̱ kiniꞌánkjítieni nínga jaskan ikichá, sꞌe̱ ki̱a̱ kaꞌnaxiéni ńchjón xí to̱nsinieé. Kó kuí ńchjoón xi kiniꞌánni chji̱ni̱e̱e̱ ńjñondioo̱ ko̱jo ńjño xi ꞌbíkjá ndáyaá Aaroo̱n. Ngayeje kui nii̱, bo̱a̱ tsꞌén kamánda xikótsꞌèn Néná atíxomaa̱ Moisee̱ nga si̱ꞌanda.

Éksondo̱ 39:1 ပူးပေါင်းရင်းမြစ်များ

Xo̱jo̱n Salmoo̱ 93:5

Ji Ne, bo̱a̱ kjíꞌí ngayeje ni xi ndokjo̱e̱ ji. Kjo̱a̱tsjiee̱, kuí boá xi tsjaá kjo̱a̱tsjakjiꞌi Ndiꞌáa̱, ngatsjéni̱xtjin ko̱jo ta̱kjiꞌání.

Éksondo̱ 25:4

ko̱jo ńjño xi koán, ko̱jo ńjño xi aso, ko̱jo ńjño xi iní ꞌniú, ko̱jo ńjño xi nda, ko̱jo tsja̱a̱ tindso̱,

Éksondo̱ 26:1

»Tsi̱ꞌe̱ ndiꞌandikoón mejénna nga si̱ꞌinde ji tie kortina̱ xi tiejó metro̱ masien nga ndojó, kó jó metro̱ nga tiyá, kó jó keruu̱b tjatꞌée̱ xi chji̱ni̱e̱ nga niꞌánni. Kui kortinaa̱ ńjño xi lino̱ xi nda, ńjño xi aso, ńjño xi koán ko̱jo ńjño xi iní ꞌniú boá xi si̱ꞌandani, kó chjiéngá ngo ni xi ta̱nisién nda ngatꞌié kui chji̱ni̱e̱e̱.

Éksondo̱ 38:31

ko̱jo ngindiee̱ yá xí ikindyianijín nga ngo foaꞌatjiyajoo̱n ndi̱tsee̱n na̱ngo̱xi̱i̱ ko̱jo ngindiee̱ nga̱ntjo̱a̱a̱ ndi̱tsee̱n.

Xota̱ Ebreo̱ 9:12

ta̱ ngo tsí ndi̱yà ko̱jo ngatsjéni̱xtjin tsꞌasꞌien, ngi̱ndie nínga ta̱nisién ꞌniú ndikoón, kó jmí tsi tsi̱ꞌe̱ nga sa̱ꞌínkꞌasꞌiee̱n Néná jiín tindso̱ xi̱ꞌin, ko̱jo tsi jiín ndií cho̱yojo. Jín tsi̱ꞌe̱ boá xi katsꞌénkꞌasꞌien, kó bo̱a̱ tsꞌén íchjítjé jéná tsi̱ꞌe̱ nga ngatsjéni̱xtjin katsꞌéndéná.

Xota̱ Ebreo̱ 9:25

Kó jmí tsi tsꞌasꞌien ndiꞌakꞌajmi jàn tsi̱ꞌe̱ nga kjín ndi̱yà sa̱ꞌínkꞌasꞌien yojoo̱ xikoó ngo chji̱e̱, xikó tsꞌén kuí chináꞌmi xi ꞌniú nkꞌa xaá nga xki̱ nó ꞌbosꞌien kui ngi̱ya xi ta̱nisién tsjiee̱ Néná, nga tsꞌenkꞌásꞌién jín xí kuijín tsi̱ꞌe̱.