Éksondo̱ 36:1 - Xo̱jo̱n eén Néná

¹ »Kuíni nga Besalee̱l ko̱jo Ooliaa̱b ko̱jo ngayeje já xí tsꞌénda ni tsjakon ki̱a̱ Israee̱l, kuí xí sa̱ꞌínda ngayeje nii̱ xikó má tsꞌén atíxoma Néná nga ka̱manda. Ti̱ bo̱a̱ ti̱ sa̱ꞌín ngayeje xota̱ xi Néná je katsjaá kjo̱a̱kjínkón ko̱jo kjo̱a̱kjíntakón, tsi̱ꞌe̱ nga sa̱ꞌínda ngayeje ni xi ka̱machjién kjiꞌanga si̱ꞌandikón Néná ki̱a̱ ndiꞌandikoón».

Éksondo̱ 36:1 ပူးပေါင်းရင်းမြစ်များ

Xo̱jo̱n Salmoo̱ 119:6

Tsi sa̱ꞌinkjatjosón an, jmí kjo̱a̱soboá kꞌuiéjínna.

Éksondo̱ 12:28

kósꞌe̱ katsꞌén ni xi Néná katsoó Moisee̱ ko̱jo Aaroo̱n nga sa̱ꞌín.

Éksondo̱ 25:8

»Kó ti̱ mejénna nga sa̱ꞌíndana ngo ndiꞌandikón, tsi̱ꞌe̱ nga ki̱a̱ kotíjña̱jinjnúꞌun.

Éksondo̱ 36:2

Kó Moisee̱ kamátikójo̱ ngayeje já xí tsꞌénda ni tsjakoo̱n, kó katsjaá kjo̱a̱tjó xi katsꞌénkꞌasꞌien xota̱ na̱xi̱ńdaá. Kó kui jaá ítsꞌi̱yanii̱ nga katsꞌénda ngayeje ni xi machjién nga niꞌándikón Néná ki̱a̱ ndiꞌandikoón. Kó xota̱ Israee̱l ndyiojón ndyiojón jachójo̱ kjo̱a̱tjó xi ngayejení ini̱ma̱a̱ nga katsꞌénkꞌasꞌiee̱n kui jaá.

Éksondo̱ 38:23

Kó Ooliaa̱b boá xi asíko̱jo nga katsꞌén kui xaá, ngatꞌa̱ kui nda̱a̱, nda̱ chji̱ni̱e̱ki̱cha̱ kamá ko̱jo nda̱ xi kamaá kiniꞌánda ńjño boá, kó ti̱ kamaá katsꞌeén chji̱ni̱e̱ ńjño xi koán, ko̱jo ńjño xi aso, ko̱jo ńjño xi iní, ko̱jo ńjño lino̱ xi nda.

Éksondo̱ 39:1

Kó ńjño xi tsajá chináꞌmii̱ ńjño xi koán, ko̱jo xi aso, ko̱jo ńjño xi iní kamándani. Kó ti̱ kiniꞌánda ńjñondio xi tsajá Aaroo̱n, kó ki̱a̱ akjatꞌaa̱ nga jó ndi̱jo̱ tsjakon xi ónise̱ xi kjín a̱sie̱én, nínga kjitꞌa jaꞌeén nga tiejó xota̱ tji̱e̱e̱ na̱xi̱ńdá Israee̱l. Kó kiniꞌánda jó axtañó to̱nsinié xi ta̱soboá martiyo̱ kiniꞌánkjítieni nínga jaskan ikichá, sꞌe̱ ki̱a̱ kaꞌnaxiéni ńchjón xí to̱nsinieé. Kó kuí ńchjoón xi kiniꞌánni chji̱ni̱e̱e̱ ńjñondioo̱ ko̱jo ńjño xi ꞌbíkjá ndáyaá Aaroo̱n. Ngayeje kui nii̱, bo̱a̱ tsꞌén kamánda xikótsꞌèn Néná atíxomaa̱ Moisee̱ nga si̱ꞌanda.

Xki̱ 7:9

Xtín xota̱ ndiꞌa xi chji̱a̱ni Koaa̱t jmí ni katsjájiín, ngatꞌa̱ kui xotaa̱, kuí boá xi tsaꞌanijín nga̱són tjiaa̱ ni ndikoón ndiꞌandikoón.

Matioo̱ 28:20

kó takoyajnúu̱ nga sa̱ꞌínkjatjosón ngayeje ni xi akoyájnúꞌun, kó an ngatsjéni̱xtjin kotíjña̱jojnúꞌun, ngaskande nga kju̱i̱e̱ nga̱sondiee̱. Bo̱a̱ kjiꞌi.

Rkaa̱ 1:6

Nga joó nga kixi̱ kisꞌiṉtso̱ma ngindyi̱ko̱n Néná, kó jmíjín xi chꞌo tsꞌén tsíchji̱a̱taꞌin, ngatꞌa̱ katsꞌénkjatjosón kjo̱a̱botíxomaa̱ ko̱jo kjo̱a̱kitii̱ Néná.

Xota̱ Ebreo̱ 8:2

Kuí boá xi tjiín xaá Néná ki̱a̱ na̱ngo̱xi̱ ndikoón, kuí boá xi ngi̱ndie ndikón xi iskjininkꞌa Ndi̱a̱ná, jmí tsi xotaa̱ xi iskjininkꞌa.