Éksondo̱ 34:9 - Xo̱jo̱n eén Néná

⁹ kó bi̱ katsoó: «¡Ne tsa̱ꞌa̱n! ¡Ne tsa̱ꞌa̱n! Tsi ja̱koxi̱ nga tjoó án, tꞌenje̱jne̱ nínga ndyi̱mongínjne̱. Ja̱koxi̱ boá nga achichí kitikjo̱a̱jne̱, ta̱nga ti̱ꞌinjetakínjne̱ jéjne̱, kó ti̱ꞌinjo̱ꞌojne̱ xikoó xota̱ na̱xi̱ńdá xí tse̱».

Éksondo̱ 34:9 ပူးပေါင်းရင်းမြစ်များ

Xo̱jo̱n Salmoo̱ 135:4

¡Néná boá xi jaꞌájin na̱xi̱ńdá Israee̱l, tsi̱ꞌe̱ nga ngatsjéni̱xtjin nga kui xi ka̱ma xota̱ na̱xi̱ńdaá!

Xo̱jo̱n Salmoo̱ 25:11

Ta̱ngatꞌanii̱ kjo̱a̱tjó xi tjiín ji Ne, ti̱ꞌinjetakínní jé ꞌniú xí katsꞌen an.

Xo̱jo̱n Salmoo̱ 28:9

¡ꞌNa̱xiéꞌé ji xota̱ na̱xi̱ńdáa̱, kó ti̱ꞌinchikonñí ji xota̱ xi tse̱! ¡Takée̱ ndi̱yà xikoó ngo nda̱ xi koo̱n cho̱tsa̱nga̱, kó ngatsjéni̱xtjin nga chíi̱n!

Xo̱jo̱n Salmoo̱ 33:12

¡Achichíra̱tsjaa̱ na̱xi̱ńdá xí Néná boá xi Nee̱, kui xota̱ na̱xi̱ńdá xí Néná jaꞌájin tsi̱ꞌe̱ nga kui ku̱i̱chji̱a̱ni!

Xo̱jo̱n Salmoo̱ 78:62

Kó ti̱ katsꞌénkꞌasꞌien xota̱ na̱xi̱ńdaá tsi̱ꞌe̱ nga ki̱cha̱ndojó kiniꞌánkjiesónni, katsꞌénxchán kjo̱a̱a̱ kui xota̱ xi je kui tsi̱ꞌe̱.

Xo̱jo̱n Salmoo̱ 94:14

Ngatꞌa̱ Néná ku̱i̱ꞌíjñámasienjín xota̱ na̱xi̱ńdáa̱, ti̱nde ku̱i̱ꞌíjñá soboájín xota̱ xi je tsi̱ꞌe̱ kui.

Éksondo̱ 19:5

»Tsi jún xi ko̱nda̱ꞌyáꞌénjnú kjo̱a̱ꞌbíndana ko̱jo tsi si̱ꞌankjatjasónjnú ni xi tsoboájnú jún nga si̱ꞌánjnú, jún boá xi ka̱majnú na̱xi̱ńdá xi tjó ngase sa̱ꞌin an, ngi̱jii̱n ngayeje na̱xi̱ńdá xí ngase xi tjín nga̱sondiee̱. Án boá xi tsa̱ꞌa̱n ngayeje tꞌanangii̱.

Éksondo̱ 33:12

Kó Moisee̱ bi̱ katsoó Néná: —Jí boá xi bo̱a̱ kasení nga an xi kjuíntjóo̱n kui xota̱ na̱xi̱ńdaá, ta̱nga kiꞌmíyéjínní ꞌyání xi ko̱síko̱jona. Kó ti̱ bo̱a̱ ti̱ kasení nga tjoó an, ko̱jo nga ka̱maꞌnítakínní.

Éksondo̱ 34:7

Kjo̱a̱tjóna ti̱kuíní bo̱a̱, kó ngatsjéni̱xtjin tikónnda an nga sa̱ꞌinjetakóo̱n xota̱ xi ndajín ndyi̱tsꞌèn. Ta̱nga ti̱ mána tsꞌenjée̱ xota̱ xi tjiín jé ko̱jo ndií, ko̱jo ndíndee̱, ko̱jo ndínde xi ma joó, ko̱jo ndínde xi ma jaán».

Xki̱ 14:19

Ji Ne tsa̱ꞌa̱n, tsi ndeskande nangi Ejipto̱ je kiniꞌínchíkjo̱e̱e̱ kui xota̱ na̱xi̱ńdaá, kó tsi ja̱koxi̱ nga ta̱nisién je kjo̱a̱tjóo̱, ti̱ꞌinjetakíi̱n jeé kui xotaa̱.

Matioo̱ 28:20

kó takoyajnúu̱ nga sa̱ꞌínkjatjosón ngayeje ni xi akoyájnúꞌun, kó an ngatsjéni̱xtjin kotíjña̱jojnúꞌun, ngaskande nga kju̱i̱e̱ nga̱sondiee̱. Bo̱a̱ kjiꞌi.

Ndeuteronomio̱ 32:9

Jún boá xi Néná jaꞌájinjnú tsi̱ꞌe̱ nga jún xi ka̱majnú xota̱ na̱xi̱ńdaá kui.

Ndeuteronomio̱ 4:20

»Kjiꞌanga Néná tsꞌaxiéꞌájnú ki̱a̱ nangi Ejipto̱, bo̱a̱ katsꞌén ngatꞌa̱ xota̱ na̱xi̱ńdá xí tsi̱ꞌe̱ katsꞌénjnú jún.

Ndeuteronomio̱ 9:18

Jaskan iskjíbé án kui ne xi kiniꞌándajnú, kó ití an, kósꞌe̱ ki̱a̱ iskjitjón an ndisoo̱ ki̱a̱ xo̱ngàndántꞌié xi tsꞌéndibájènni na̱xi̱i̱. »Jé xí kiniꞌánjnú achichí on kamána, ko̱jo ndasen kisꞌijña an, ngatꞌa̱ kui nii̱ xi katsꞌénxtií Néná. Kuíni nga ngindyi̱ko̱n Néná asien an tikóna, kó yichán ni̱xtjin ko̱jo yichán ni̱xtji̱e̱n kisꞌijña kjindiá án, jmí ni iskjíni̱e̱jín an kó jmí ni katsꞌejín an. Achichí katsꞌénxchán Néná kjo̱a̱a̱ jún ko̱jo Aaroo̱n, kó je bo̱a̱ katsó katsaki nga sa̱ꞌínkjiéjnú. »Achichí katsakjon an nga tsíchji̱a̱a̱ Néná kó bi̱ kixiáa̱n: “Ji Ne, ngata̱ niꞌínkjiéjín ji kui xota̱ na̱xi̱ńdá xi kaꞌnaxié ji ki̱a̱ nangi Ejipto̱ nga kiniꞌínkjín jí ngaꞌniú jée̱. Xota̱ na̱xi̱ńdáa̱ boá. Ngatjaꞌátsjiee̱n nga Abraa̱n, ko̱jo Isaa̱, ko̱jo Jakoo̱b ngatsjéni̱xtjin nga kamáꞌniátakoón, kó ngayeje ni xi kasée̱ tsintꞌiéꞌeén. Ti̱ꞌinchíyé ji kjo̱a̱kitikjo̱a̱a̱ kui xota̱ na̱xi̱ńdaá, ti̱ꞌinchíyé ji jeé, ti̱ꞌinchíyé ji ni xi ndajín xi katsꞌén. Tsi si̱ꞌinkjie ji, xota̱ na̱xi̱ńdá xí ngasee̱ sa̱ꞌínkjó nga kamájiín kꞌinje̱ ji nínga tikón kui tꞌanangi xi kaseyetjée̱n nga ko̱e̱ꞌée̱. Ti̱ sa̱ꞌínkjó nga tjójiín, kó nga kaꞌnaxié ji nangi Ejipto̱, tsi̱ꞌe̱ nga si̱ꞌinkjie ndo̱jò ndójo̱ jí. Kui xota̱, xota̱ na̱xi̱ńdáa̱ boá, kuí boá kui xota̱ na̱xi̱ńdaá xí kaꞌnaxié ji nangi Ejipto̱ nga kiniꞌínkjín jí ngaꞌniú jée̱”. »Ingo ndi̱yà nginí, Néná tsintꞌié nga tsíchji̱a̱a̱, kó katsꞌénjetakónjnú. Ta̱nga jmí tsi ta̱ kjiꞌá tsí bo̱a̱ nga kiniꞌánxtíjnúu̱. Ti̱ kiniꞌánxtíjnúu̱ ki̱a̱ Taberaa̱, ko̱jo ki̱a̱ Masaa̱, ko̱jo ki̱a̱ Kibroo̱t-Ataabaa̱. Kó kjiꞌanga kixindyionjnú Kandee̱-Barnea̱, Néná atíxomájnú nga kongínkixkántjéjnú nga si̱ꞌánjnú kui tꞌanangi xi katsóyàtjón nga tsja̱ajnú, ta̱nga jún kisꞌijinjínjnú ni xi katsóyàtjón, ti̱nde kandaꞌyáꞌénjínjnúu̱. ¡Ndeskande koó nga kamábejnúꞌun jún, be an nga ngatsjéni̱xtjin nga xota̱ kitikjo̱a̱jnú ko̱jo nga ndaꞌyáꞌénjínjnú!»