Éksondo̱ 34:7 - Xo̱jo̱n eén Néná

⁷ Kjo̱a̱tjóna ti̱kuíní bo̱a̱, kó ngatsjéni̱xtjin tikónnda an nga sa̱ꞌinjetakóo̱n xota̱ xi ndajín ndyi̱tsꞌèn. Ta̱nga ti̱ mána tsꞌenjée̱ xota̱ xi tjiín jé ko̱jo ndií, ko̱jo ndíndee̱, ko̱jo ndínde xi ma joó, ko̱jo ndínde xi ma jaán».

Éksondo̱ 34:7 ပူးပေါင်းရင်းမြစ်များ

Jenesii̱s 19:16

Kó nga tsájín tjítsꞌén Loo̱t, kui já ndítsjiee̱ iskjíbé tsja Loo̱t ko̱jo chjo̱ón ko̱jo ndí ínchjiín, kó tsꞌaxié kui na̱xi̱ńdaá. Tsꞌaxiéꞌá ngatꞌa̱ Néná ni̱ma̱ kamaá.

Joo̱b 10:14

¡jí boá xi tichindéní tsi̱ꞌe̱ nga xchi̱e̱ ji tsi katsꞌenjé án, ngatꞌa̱ si̱ꞌinjetakínjín ji jéna!

Xo̱jo̱n Salmoo̱ 103:3

Néna jè katsꞌénjetakónna ngayeje ni xi ndajín xi katsꞌen an, kó katsꞌéndaya nginína,

Xo̱jo̱n Salmoo̱ 109:14

Ji Ne, ngata̱chiíjín niꞌínchíyé ji ni xi ndajín xi katsꞌén na̱ꞌmii̱, ko̱jo jé xí katsꞌén na̱aa̱n,

Xo̱jo̱n Salmoo̱ 130:4

Ta̱nga ji niꞌínjetakínjne̱. ¡Kuíni nga tsoboaá nga ji̱n si̱ꞌandikónjne̱!

Xo̱jo̱n Salmoo̱ 136:10

Kuí boá xi katsꞌénꞌoón nga katsꞌénkꞌién ndí tjoón xota̱ Ejiptoo̱. ¡Ngatꞌa̱ Néná ngatsjéni̱xtjin nga tjoó ji̱n!

Xo̱jo̱n Salmoo̱ 136:15

Kó ki̱a̱ katsꞌénkꞌién ngándá ki̱a̱ Ndáchíkón Inií nda̱ ree̱ ko̱jo jájuún. ¡Ngatꞌa̱ Néná ngatsjéni̱xtjin nga tjoó ji̱n!

Xo̱jo̱n Salmoo̱ 25:11

Ta̱ngatꞌanii̱ kjo̱a̱tjó xi tjiín ji Ne, ti̱ꞌinjetakínní jé ꞌniú xí katsꞌen an.

Xo̱jo̱n Salmoo̱ 86:15

Ta̱nga ji Ne, jí boá ngo Ne xi tjiín kjo̱a̱tsiekon ko̱jo kjo̱a̱ni̱ma̱takón, tsájín niꞌínxchín jí, kó tsie kjo̱a̱ni̱ma̱takón ko̱jo kjo̱a̱kixi̱ tjiín.

Xo̱jo̱n Salmoo̱ 99:8

Ji Ne, ji xi Nejne̱ ji̱n, Jí má bo̱a̱ xi kiniꞌínsée̱n, kó jí boá xi ngo Ne xi tsꞌénjétakón kamá ji kjo̱a̱a̱ kui xotaa̱, ta̱nga ti̱ akatíjéríi̱ kjo̱a̱a̱ jé xí katsꞌén nga.

Éksondo̱ 23:21

Ndaꞌyáꞌénjnúu̱ ngatsjéni̱xtjin, ngatꞌa̱ án boá xi katsjáa̱ xá tsi̱ꞌe̱ nga kui xi kꞌuijñá ngajona, kuí boá xi sa̱ꞌínjéjnú tsi ko̱nda̱ꞌyáꞌénjínjnúu̱.

Éksondo̱ 23:7

»Ngata̱ fongitaꞌínjínjnú jé ngo xota̱ nga kꞌuindísójnú, ti̱nde ngata̱ niꞌánkꞌiénjínjnú ngo xota̱ xi jmí jéjiín ko̱jo xi kixi̱, ngatꞌa̱ an sa̱ꞌinjetakónjáa̱n xota̱ xi tjiín jé.

Éksondo̱ 33:19

Ta̱nga Néná bi̱ katsoó: —Achichí nda tsꞌenjo̱ an xota̱ xi mejénna nga nda sa̱ꞌínjo̱ an. Kuíni nga kokóo̱ ngayeje kjo̱a̱je xi tjínna, kó ti̱ xiyaá jaꞌénna nga.

Éksondo̱ 34:9

kó bi̱ katsoó: «¡Ne tsa̱ꞌa̱n! ¡Ne tsa̱ꞌa̱n! Tsi ja̱koxi̱ nga tjoó án, tꞌenje̱jne̱ nínga ndyi̱mongínjne̱. Ja̱koxi̱ boá nga achichí kitikjo̱a̱jne̱, ta̱nga ti̱ꞌinjetakínjne̱ jéjne̱, kó ti̱ꞌinjo̱ꞌojne̱ xikoó xota̱ na̱xi̱ńdá xí tse̱».

Matioo̱ 12:31

Kó kuíni nga bo̱a̱ tꞌíxiánjnúꞌun: Nga ngayeje jé ko̱jo xota̱ xi chꞌo ka̱tso̱, ka̱majetakoón, ta̱nga xi chꞌo ka̱tso̱o̱ A̱si̱énni̱xtjii̱n Néná ka̱majetakónjiín.

Matioo̱ 6:12

Kó ti̱ꞌinjetakínjne̱ ni xi tjitjíe̱njne̱ ji̱n, xikótsꞌèn niꞌánjetakónjne̱ ngayeje xota̱ xi tjitjieén tsa̱ji̱n.

Rkaa̱ 7:42

Kó nga jmíjiín kui jaá kótsꞌèn sa̱ꞌínsón to̱n xi kitsjiee̱n, nda̱ xi tsꞌénkíyà to̱o̱n katsꞌénjetakoón nga jó kui jaá. Ngotꞌe̱ ꞌne̱ tꞌíyéní, ñání nga jó kui jaá xi ꞌniú tjó ngase ka̱maa̱ kui nda̱a̱.

Rkaa̱ 7:48

Kó Kjisoo̱, bi̱ katsoó kui naa̱: –Ji chjo̱on jée̱ jè kiniꞌánjetakoón.

Ni xi kamá 13:38

Kó bo̱a̱ tsꞌén jún já ntsꞌie, chjiéngá xcha̱jnú, nga tjíꞌbíni̱jmìjnú nga ta̱ngatꞌanii̱ Kjisoo̱ nga sa̱kójnú kjo̱a̱niꞌánjetakoón jéjnú,

Ni xi kamá 5:31

Kui Kjisoo̱ xi Néná iskjininkꞌa, kó katsjaá ngo ngi̱ndie nga kisꞌijñatꞌaa̱ tsja fojnií, kó katsjaá xá nga kui xi kꞌo̱xiéꞌá xotaa̱, tsi̱ꞌe̱ nga xota̱ xi chji̱a̱ni Israee̱l sa̱ꞌínkꞌoyà yojoo̱, kó Néná sa̱ꞌínjetakoón jé xí ndyi̱tsꞌèn.

Xota̱ Éfeso̱ 1:7

Kuí ndií xi kꞌien tsi̱ꞌe̱ nga Néná tsꞌaxiéꞌáná ñá, kó kuíni nga tjínná kjo̱a̱niꞌánjetakoón jéná, xikó kjiꞌi tsie kjo̱a̱nda je xi katsjáná Néná,

Xota̱ Éfeso̱ 4:32

Ta̱sá ndaxota̱ ngatamajnú ja̱kꞌi̱e̱ ja̱ngaján, ni̱ma̱takón ngatamajnú, kó ti̱ꞌanjetakónjnúu̱ ja̱kꞌi̱e̱ ja̱ngaján xingi̱jnú, xikótsꞌèn Néná katsꞌénjetakónjnú ngatꞌaa̱ Kristoo̱.

Ndeuteronomio̱ 7:10

ta̱nga nde kꞌo̱ndíyájiín nga sa̱ꞌínkjié xota̱ xi tsꞌenchꞌó.

Ndeuteronomio̱ 7:9

»Kuíni nga jún chjiéngá xcha̱ndikónjnú Néná, nga kuí boá xi Néná xí ja̱koxi̱i̱. Néná tsꞌénkjátjosón ni xi índajo̱ ngayeje xota̱ tji̱e̱ xi tsꞌéntjó, ko̱jo xi ntꞌiéꞌeén kjo̱a̱botíxomaa̱,

Xota̱ Ebreo̱ 12:29

ngatꞌa̱ Néná xí tsa̱ñá xikónií ngo ndiꞌí xi tsꞌenkjié ta̱jmì niní.

1 Xo̱jo̱o̱n Juaa̱ 1:9

Ta̱nga tsi ndyi̱niꞌánkié yojoná nga tjínná jé, ka̱ma ka̱maꞌniátakón ñá nga kixi̱ boá Néná, tsi̱ꞌe̱ nga sa̱ꞌínjetakón jéná ko̱jo nga sa̱ꞌíntsjiejónná ngayeje ni xi ndajín xi tikónjinná.

Ni xi akakoo̱ 20:15

Kó kui xota̱ xi kjitꞌajín jaꞌeén ki̱a̱ xo̱jo̱n nínga tjítꞌa jaꞌeén xota̱ xi kꞌuíndo ngatsjéni̱xtjin, ti̱ ki̱a̱ ikichijmijin ndáchíkón ndiꞌí xí ta̱nisién ꞌniú jee̱.

Ni xi akakoo̱ 21:8

Ta̱nga kui xota̱ xi tsiendikoón, ko̱jo kui xi sꞌijinjiín Néná, ko̱jo xi chꞌokoo̱n, ko̱jo xi tsꞌenkꞌién ini̱ma̱a̱, ko̱jo xi tondoo̱, ko̱jo xi ndyi̱tsꞌèn kjo̱a̱tjiꞌe, ko̱jo xi ndyi̱tsꞌèntsjàjo̱ a̱sie̱én ngo ne xi tsꞌénda xotaa̱, ko̱jo ngayeje xota̱ xi ndiso, kui xi̱ꞌba̱ ki̱a̱ stso̱ba̱a̱ nga ko̱e̱je̱ ngi̱jin ndáchíkón ndiꞌí xí ta̱nisién ꞌniú jee̱ nínga tjítí ndso̱ko̱a̱n asufree̱, kuí ni xi̱ꞌbi̱ xi xi ma joó kjo̱a̱bo̱yaa̱.