Éksondo̱ 34:29 - Xo̱jo̱n eén Néná

²⁹ Kjiꞌanga jatjajenni Moisee̱ na̱xi̱ Sinaii̱, je tsꞌényaꞌa nga jó tie ndi̱jo̱ nínga kjitꞌa kjo̱a̱kitii̱. Kó kje̱n achichí ꞌna̱ kamá, ngatꞌa̱ Néná tsíchji̱a̱jo tíkje̱n, ta̱nga Moisee̱ nde kamábejín kui nii̱.

Éksondo̱ 34:29 ပူးပေါင်းရင်းမြစ်များ

Éksondo̱ 16:15

Kó nga kamábe kui nii̱ xota̱ Israee̱l, ja̱kꞌi̱e̱ ja̱ngaján asíyaá xkjín, nga bi̱ katsoó mí nii̱ bo̱a̱ xi̱ꞌba̱. Kó Moisee̱ bi̱ katsoó: «Kuí bí pan xi Néná tsꞌéntsjájnú tsi̱ꞌe̱ nga xi̱ni̱e̱jnú.

Éksondo̱ 31:18

Kó ki̱a̱ na̱xi̱ Sinaii̱, Néná katsꞌénkꞌasꞌiee̱n Moisee̱ kjo̱a̱botíxoma xi chjiéngá sa̱ꞌínkjatjosón xota̱ na̱xi̱ńdaá. Kó Néná má xi katsꞌénꞌindó kui kjo̱a̱botíxomaa̱, kó jó tie ndi̱jo̱ ítꞌa.

Éksondo̱ 32:15

Moisee̱ ítsꞌi̱yanii̱ nga jatjajenni kui na̱xi̱ Sinaii̱. Kó ki̱a̱ tjiyátsjà nga jó tie ndi̱jo̱ nínga Néná katsꞌénꞌindó kjo̱a̱botíxomaa̱ ngajó ngaboaá.

Eklesiastee̱ 8:1

Jmíjín xí kjo̱chótji̱ngi xota̱ xi kjínkoón, ti̱nde jmíjín xi kjo̱chótji̱ngi xota̱ xi tsꞌénkjiín kon kjo̱a̱a̱ ngo kjo̱a̱. Kjo̱a̱kjínkoón boá xi tsja tsꞌénkꞌié kje̱n xotaa̱, ko̱jo kuí boá xi bosíkjo kje̱n tamájin.

Matioo̱ 17:2

kó ngindyi̱ko̱n kui jaá kje̱ꞌe kisꞌie Kjisoo̱, kó kje̱n ꞌna̱ kamá xikó maá tsꞌueé, kó ńjño xi yajá tiboa xó xó kamá.

Markoo̱ 14:40

Kó nga jachó nginí Kjisoo̱ nínga síndo kui jaá, ti̱ kamábe nginí nga kjiyojofé, ngatꞌa̱ ngaskande tjísichjá má ndyi̱ko̱n nga ńjñaá, kó nde bejín mí ni xi ka̱tso̱ nga ku̱i̱chji̱a̱jo Kjisoo̱.

Markoo̱ 9:6

Nde bejín mí xí ka̱tso̱ Peé, ngatꞌa̱ ndyi̱tsakjónní kui jaá.

Rkaa̱ 2:49

Sꞌe̱ ndí nda̱chí Kjisoo̱, bi̱ katsó: –Mí kjoaá nga an ndyi̱mindyiséjnúꞌun. A yàjínjnú nga chjiéngá ndiꞌaa̱ Na̱ꞌmina kotíjña̱ an.

Rkaa̱ 9:29

Kó tji̱e̱nga tsꞌénchji̱a̱a̱ Néná, kje̱ꞌe kisꞌie kje̱n, kó ńjño xi yajá tiboa xó xó kamá.

Juaa̱ 5:13

Kó nda̱ xi kamándayaa̱, kamábejín ꞌyání bo̱a̱ xi bo̱a̱ katsoó, ngatꞌa̱ Kjisoo̱ kichajájin ngi̱jii̱n kui xota̱ xi síndo kui ngi̱ndiee̱.

Ni xi kamá 12:9

Kó Peé kijítji̱ngii̱ ndítsjiee̱, kó nde bejín tsi ja̱koxi̱ ko̱jo tsi bo̱a̱jín kjiꞌi ni xi tjítsꞌén ndítsjiee̱. Ta̱ ngo ni xi ta̱ tjibókorií kjimaa̱ Peé.

Ni xi kamá 23:5

Kó Pabloo̱ bi̱ katsó: –Jún ntsꞌie, bejín an tsi chináꞌmi xi ꞌniú nkꞌa xaá kui nda̱a̱, ngatꞌa̱ jè kjitꞌa xo̱jo̱n eén Néná nínga bi̱ tsoó: “Ngata̱ chꞌójín sée̱ xota̱xá xí botixómaá nangi tse̱.”

Ni xi kamá 6:15

Kósꞌe̱ ngayeje jáxá xí síndotikó kuí ngi̱ndiee̱, askoꞌá ndá ndá Ixtibaa̱, kó kamábe kje̱n nga ja̱kjiꞌi kje̱n ndítsjie má kjiꞌi.

2 Xota̱ Korinto̱ 3:13

Jmí tsi bo̱a̱ ndyi̱niꞌánjne̱ xikó katsꞌén Moisee̱ nga ngo ńjño íꞌmá kje̱n, tsi̱ꞌe̱ nga xota̱ xi chji̱a̱ni Israee̱l, sku̱i̱e̱jín ndiꞌií kui kjo̱a̱je xi̱ꞌba̱, kjo̱a̱je xi tsiejín tsꞌandíyaá.

Ndeuteronomio̱ 10:5

Kó an jatjajenni an kui na̱xi̱i̱, sꞌe̱ indo an nga jó kui tie ndi̱jo̱o̱ ngi̱yaa̱ kui koxa̱a̱, ngatꞌa̱ bo̱a̱ tsꞌén atíxomana Néná. Kó kui tie ndi̱jo̱o̱ to̱kó ki̱a̱ síndo ngi̱yaa̱ kui koxa̱a̱.

Ni xi akakoo̱ 1:16

ngi̱ya tsja kixi̱ tsꞌényaꞌa yito ńño, kó ngi̱ya tsꞌoa jatjo ngo ki̱cha̱ xi yojó nga jó ngoboaá, kó kje̱n bo̱a̱ má kjiꞌi xikó maá nga ꞌniú tíngá ndoboaá.

Ni xi akakoo̱ 10:1

Kó kamábe an ingo ndítsjie xi tjiín ngaꞌniú, xi tsꞌéndibájèn ndiꞌakꞌajmii̱ nga tikónjin ngo ṉdi̱, kó ngo ndi̱ꞌya̱ tikoón nga̱són to̱ko̱, kó kje̱n ꞌna̱ kamá xikó maá tsꞌueé, kó ti̱ꞌmi̱í ja̱ kon yásé xi tjítí má kón,