Éksondo̱ 34:20 - Xo̱jo̱n eén Néná

²⁰ Kjiꞌanga ko̱e̱ꞌéjnú ngo kjo̱a̱tjó kjo̱a̱a̱ ndí tjón xi xi̱ꞌii̱n bórró chjo̱on, ka̱ma si̱ꞌankꞌasꞌienjnúꞌun ngo ndií cho̱tsa̱nga̱, ko̱jo tsi ngo ndií tindso̱. Ta̱nga tsi si̱ꞌankꞌasꞌienjínjnúꞌun kui cho̱o̱, chjiéngá chjátꞌósénjnú to̱ko̱ ndí bórró xíꞌiín. Ti̱ bo̱a̱ ti̱ tsꞌén kjo̱a̱a̱ ndí tjónjnú ka̱ma si̱ꞌankꞌasꞌienjnúꞌun ngo kjo̱a̱tjó. Ngojín xi ka̱ma kjo̱e̱ꞌétsꞌendíkónna tsi jmí ni yaꞌajín.

Éksondo̱ 34:20 ပူးပေါင်းရင်းမြစ်များ

Éksondo̱ 13:10

Ngatjaꞌátsjienjnú nga xki̱ nó si̱ꞌánjnú kui sꞌueé, ti̱ kui ni̱xtjin xi je ikꞌíjñaá nga ka̱ma”.

Éksondo̱ 13:12

jún chjiéngá si̱ꞌankꞌasꞌienjnúu̱ ndí xíꞌínjnú xi tjón ko̱jo ndí xíꞌín xi tjón kꞌuieé cho̱ tjiéjnú, ngatꞌa̱ nga joó nga Néná tsoboaá.

Éksondo̱ 13:13

Kjiꞌanga ko̱e̱ꞌéjnú ngo kjo̱a̱tjó kjo̱a̱a̱ ndí tjón xi xi̱ꞌii̱n bórró chjo̱on, ka̱ma si̱ꞌankꞌasꞌienjnú ngo ndií cho̱tsa̱nga̱. Kó ti̱ chjiéngá bo̱a̱ si̱ꞌánjnú kjo̱a̱a̱ ndí xíꞌín xi tjónjnú nga.

Éksondo̱ 13:15

Nda̱ ree̱ kui nangii̱ achichí tajá kamá ini̱ma̱a̱, kó katsjandièjín nga kjo̱tjojne̱ katsaki. Kósꞌe̱ Néná atíjeé xota̱ Ejiptoo̱ nga katsꞌénkꞌién ndí xíꞌín xi tjoón ngayeje xtín xota̱, ko̱jo ndí tjoón ngayeje cho̱ tjié xi kisꞌiee̱ nga. Kuíni nga ñá niꞌánkꞌién ndí xíꞌín xi tjoón ngayeje cho̱ tjié, ngajoo̱ ndí xíꞌín xi tjónná nga ngo kjo̱a̱tjó niꞌánkꞌasꞌién.

Éksondo̱ 22:29

»Ngata̱ chíyájínjnú nga xotí si̱ꞌankꞌasꞌienjnúꞌun bino̱ ko̱jo to ndso̱ko̱a̱n ṉño̱pan xi tjón kamáxchájnú. »Ngata̱ chíyájínjnú nga an si̱ꞌankꞌasꞌienjnúꞌun ndí xíꞌín xi tjónjnú,

Éksondo̱ 23:15

»Sꞌueé pan xi jmí nisanjiín, sá xí ꞌmí Abii̱b boá nga si̱ꞌánjnú, ngatꞌa̱ kuí boá kui saá nga jatjonijnú nangi Ejipto̱. Yito ni̱xtjin kꞌo̱ndíyaá kui sꞌueé, kó ngayeje kui ni̱xtjii̱n nga xi̱ni̱e̱jnú pan xi jmí nisan mindyiajiín. Ta̱ xi kji̱ndi̱bá tsꞌéndíkónna, chjiéngá ko̱a̱ꞌa̱na ngo kjo̱a̱tjó.

Xki̱ 18:15

»Ti̱ tsa̱jún ka̱ma ndí tjoón ngayeje xota̱ Israee̱l, ko̱jo ndí tjoón cho̱ xi maxchaá, ta̱nga ka̱má ngo kjo̱a̱tjó ko̱sítꞌani ndií kui xotaa̱, ko̱jo ndí tjoón cho̱ xi maxchaá tsi tsjiejín ngindyikón án, xi májín chinie ko̱jo xi májín niꞌánkꞌién nga niꞌánkꞌasꞌienna.

Ndeuteronomio̱ 16:16

»Ján má sꞌué xí má xki̱ nó, xi chjiéngá nde ngojín xota̱ xi je tsꞌatio tiejó noó xi xcha̱ja, kuí bí kui sꞌueé xi xian an: Sꞌué paskuaa̱, sꞌueé cha̱a̱n ni xi kamáxchaá, ko̱jo sꞌueé ndiꞌa nkꞌieén. Nga ján kui sꞌueé, chjiéngá ki̱a̱ ka̱ma ki̱a̱ ndiꞌandikoón, kó chjiéngá ngayeje xotaa̱ nga ko̱a̱ꞌa ngo kjo̱a̱tjó tsi̱ꞌe̱ Néná. Ta̱ xikótsꞌèn tjítsꞌénchíkonñé Néná, bo̱a̱ kjiꞌi kjo̱a̱tjó xi sa̱ꞌínkꞌasꞌiee̱n.