Éksondo̱ 34:14 - Xo̱jo̱n eén Néná

¹⁴ »Ngata̱ niꞌándikónjínjnú kje̱ꞌe ne, ngatꞌa̱ an boá ngo Ne xi achichí chi̱ni̱.

Éksondo̱ 34:14 ပူးပေါင်းရင်းမြစ်များ

Éksondo̱ 33:19

Ta̱nga Néná bi̱ katsoó: —Achichí nda tsꞌenjo̱ an xota̱ xi mejénna nga nda sa̱ꞌínjo̱ an. Kuíni nga kokóo̱ ngayeje kjo̱a̱je xi tjínna, kó ti̱ xiyaá jaꞌénna nga.

Matioo̱ 4:10

Kósꞌe̱ Kjisoo̱, bi̱ katsoó: –Chjéndi̱yáa̱, xindajín Satana̱, ngatꞌa̱ jè kjitꞌa xo̱jo̱n eén Néná nínga bi̱ tsoó: «Ndi̱a̱ xi Ne tse̱ xí ti̱ꞌindikín jí, kó ta̱kuítsí xi si̱ꞌinxétꞌée̱.»

1 Xota̱ Korinto̱ 10:22

Axa̱ mejénná nga si̱ꞌanchi̱ni̱ Ndi̱a̱ná. A tjín ngasená ngaꞌniú ta̱bo̱a̱jiín kui.

Ndeuteronomio̱ 29:20

ta̱nga Néná sa̱ꞌínjetakónjiín, ta̱sá sa̱ꞌín nga kui kji̱ndi̱bánié ngayeje ni xi ndajín xi tsáyà kui xo̱jo̱o̱n, ko̱jo nga xtjo̱ꞌóxíntꞌaa̱ xota̱ tji̱e̱e̱, ko̱jo nga ko̱yà ngaskande xota̱ tji̱e̱ xi fetꞌani xi jaskan kꞌuieé. ¡Néná achichí ꞌniú ko̱tíjeé!

Ndeuteronomio̱ 32:16

Katsꞌénxtií Néná, kó Néná kamáchi̱ni̱, nga katsꞌéntsjaà ne xi kuijín, ¡ne xi tsꞌénda xotaa̱, xi ata̱ chꞌokoón, kui xi nde xota̱ xi xchaá kamábejín ꞌyání bo̱a̱! Kó ti̱ kuí xí katsꞌénkꞌasꞌiennii̱ kjo̱a̱tjó kui nee̱ ko̱jo kui xindajiín.

Ndeuteronomio̱ 32:21

Niꞌándajnú ngo ne xi kuijín, tsi̱ꞌe̱ nga ka̱machi̱ni̱ an, ta̱nga jún boá xi ka̱machi̱ni̱jnú, ngatꞌa̱ kje̱ꞌe na̱xi̱ńdá kosikjonijnúꞌun, xota̱ xi nde jmí ni bejín xi kosikjonijnúꞌun, xota̱ xi nde ngo na̱xi̱ńdá májín.

Ndeuteronomio̱ 4:24

ngatꞌa̱ Néná achichí chi̱ni̱, kó tsi ko̱tíjéjnú, ka̱márií nga ndiꞌí sa̱ꞌínkjiénijnú.

Ndeuteronomio̱ 5:24

kó bi̱ katsóna: “Ja̱koxi̱ nga Néná jè akóná ngaꞌniuú ko̱jo kjo̱a̱jee̱. Je kandaꞌyáa̱ nda̱a̱ xi jatjoni ngi̱jin ndiꞌií. Ngotꞌe̱ jè kamáyà nga Néná tsíchji̱a̱joná, kó jesónjín ñá.

Ndeuteronomio̱ 5:7

Ngata̱ ꞌbejínjnú kje̱ꞌe Ne tsi ánjín.

Ndeuteronomio̱ 6:15

Néná, kuí boá xi Nee̱ xota̱ Israee̱l, kó ngatsjéni̱xtjin kꞌuijñájo̱jnú. Ta̱nga ngata̱ chjátꞌayákónjínjnú, xikó katsꞌén xotaa̱ ki̱a̱ nangi Masaa̱. Néná achichí chi̱ni̱, kó tsi jún kje̱ꞌe ne si̱ꞌandikónjnú, achichí ꞌniú sa̱ꞌínxchán nga ngaskande sa̱ꞌínkjié ndo̱jò ndójo̱jnú.