Éksondo̱ 34:11 - Xo̱jo̱n eén Néná

¹¹ »Tsi jún ko̱nda̱ꞌyáꞌénjnúꞌun ngayeje ni xi je atixomájnúꞌun ngotꞌe̱, an kꞌoxié an ngi̱ndie nínga síndo ngayeje xota̱ na̱xi̱ńdá xi ntꞌiéꞌénjínna, kó an tsjajnúꞌun tꞌanangi nínga síndo.

Éksondo̱ 34:11 ပူးပေါင်းရင်းမြစ်များ

Éksondo̱ 3:17

Kó bo̱a̱ tꞌíi̱n nga án boá xi sa̱ꞌindé án, nga kꞌoxiéꞌá an kjo̱a̱a̱ kjo̱a̱ni̱ma̱ xi ndyi̱foaꞌatio ki̱a̱ nangi Ejipto̱, kó nga ki̱a̱ kjuínjo̱ an nangi Kanaa̱n, nínga síndo xota̱ na̱xi̱ńdá xi nde kji̱e̱ bejínna. ¡Ngo ngi̱ndie nínga tsie nichinie tjín!

Éksondo̱ 8:27

Ta̱sá ndatsi nangi kixí jàn kongínjne̱, nínga ján ni̱xtjin kongíndsa̱kojne̱, kó ki̱a̱ si̱ꞌankꞌasꞌienjne̱ kjo̱a̱tjó Nejne̱ xikótsꞌèn je atíxomajne̱ kui.

Matioo̱ 28:20

kó takoyajnúu̱ nga sa̱ꞌínkjatjosón ngayeje ni xi akoyájnúꞌun, kó an ngatsjéni̱xtjin kotíjña̱jojnúꞌun, ngaskande nga kju̱i̱e̱ nga̱sondiee̱. Bo̱a̱ kjiꞌi.

Juaa̱ 14:21

Xi tikoón kjo̱a̱botíxomana, kó sa̱ꞌínkjatjosón, kuí xi̱ꞌba̱ xi tjoó an, kó xi tjoó an, ti̱ sa̱ꞌíntjó Na̱ꞌmina, kó an sa̱ꞌíntjó an, kó kokòo̱ ꞌyání án.

Ndeuteronomio̱ 12:28

»Nda má tasiénijónjnú ngayeje ni xi je kixianjnúꞌun. Tsi mejénjnú nga nda ku̱i̱ndyionjnú jún ko̱jo xota̱ tji̱e̱jnú, ndaꞌyáꞌénjnúu̱ Néná, kó ti̱ꞌánjnú ngayeje ni nda xi je atíxomájnú kuí».

Ndeuteronomio̱ 12:32

Kuíni nga ti̱ꞌankjatjosónjnú kui kjo̱a̱botíxomaa̱, kó nga chjeꞌéxínjínjnúu̱ ngo ni, ti̱nde nga fosónjínjnúu̱ ngo ni.

Ndeuteronomio̱ 28:1

Moisee̱ bi̱ katsó ngasee̱ xota̱ na̱xi̱ńdaá: «Tsi si̱ꞌankjatjosónjnú ngayeje kjo̱a̱botíxomaa̱ xi Néná jè katsjájnú ngotꞌe̱, jún boá xi ka̱majnú xota̱ na̱xi̱ńdá xi tjó ngasee̱ ngayeje kui tꞌanangii̱,

Ndeuteronomio̱ 33:27

Néná kuí boá Ne xi tikón ngatsjéni̱xtjii̱n, kó ngatsjéni̱xtjin nga skónjnú, kuí boá xi sa̱ꞌín nga ko̱nga kondra̱jnú, tsi̱ꞌe̱ nga si̱ꞌankjiejnú.

Ndeuteronomio̱ 4:40

Ngotꞌe̱ tjítsꞌenkꞌasꞌiénjnúꞌun kjo̱a̱kitii̱ Néná. Ndaꞌyáꞌénjnúu̱ tsi̱ꞌe̱ nga tsie ka̱majnú nga ku̱i̱ndyionjnú kui tꞌanangi xi Néná je sa̱ꞌínkꞌasꞌien ndi̱yàjnú».

Ndeuteronomio̱ 5:32

»Kuíni nga jún xota̱ Israee̱l, ti̱ꞌankjatjosónjnú ngayeje kui kjo̱a̱botíxomaa̱ Nejnú xi tjítsꞌenkꞌasꞌiénjnúꞌun.

Ndeuteronomio̱ 7:19

Ngayejejnú nga chistiko̱ kamájnú kjo̱a̱a̱ kui ngaꞌniú je xi akó Néná. Kamáyàjnú kjín kjo̱a̱ndikón xi katsꞌén nga tsꞌaxiéjnú ki̱a̱ nangi Ejipto̱, kó ti̱ bo̱a̱ ti̱ sa̱ꞌínjo̱ kui xota̱ na̱xi̱ńdá xi ndyi̱ndakónnijnú jún.