Éksondo̱ 34:10 - Xo̱jo̱n eén Néná

¹⁰ Néná bi̱ katsoó Moisee̱: «Nda má tasínijìnní, ngatꞌa̱ ngo ni kꞌuindajo̱ an ngayeje xota̱ na̱xi̱ńdáa̱. Ta̱nisién yiꞌi ni xi fíndikónná xí sa̱ꞌin an, kui xi kji̱e̱ ngo ndi̱yà yá ngayeje na̱xi̱ńdá xí tjín nga̱sondiee̱. Ngayeje na̱xi̱ńdá xí tjín nínga tindyiónjnú, sku̱i̱e̱ ni xi sa̱ꞌin an, nga an xi Nee̱ xota̱ Israee̱l.

Éksondo̱ 34:10 ပူးပေါင်းရင်းမြစ်များ

Xo̱jo̱n Salmoo̱ 136:4

Ta̱kuítsí Néná xí tsꞌén ni yiꞌi xi fíndikónjne̱. ¡Ngatꞌa̱ Néná ngatsjéni̱xtjin nga tjoó ji̱n!

Xo̱jo̱n Salmoo̱ 147:20

Nde ingojín kje̱ꞌe na̱xi̱ńdá xí katsjaá eén. ¡Si̱ꞌantsjàa̱ Néná!

Xo̱jo̱n Salmoo̱ 65:5

Ji Ne xi ꞌnaxiéꞌéjne̱, jí boá xi niꞌínsénjne̱ nga ji̱n xi niꞌánjne̱. Xota̱ xi síndo nangi nínga kjii̱n, jí boá xi kjimaꞌniátakoón. Bo̱a̱ tsꞌén xota̱ xi síndo ngaskande nínga fetꞌanii̱ ndáchíkoón.

Xo̱jo̱n Salmoo̱ 66:3

Bi̱ tꞌínjnúu̱ Néná: ¡Achichí fíndikónná ngayeje ni xi je kiniꞌínde ji! Ta̱ngatꞌanii̱ nga tsie ngaꞌniú xí tjiín, kuíni nga kondra̱a̱ ki̱a̱ kꞌuíndo ngindie ndsa̱ki ji.

Xo̱jo̱n Salmoo̱ 66:5

¡Ndibájnú kó tꞌíndikónjnú ni xi je katsꞌén Néná! ¡Achichí fíndikónná ni xi katsꞌén ngandaa̱ xota̱ nga̱sondiee̱!

Xo̱jo̱n Salmoo̱ 68:35

Ji Ne, ¡Achichí je yaa̱ nga tindyin ji ndiꞌandikóo̱n! Néná xí tsi̱ꞌe̱ xota̱ Israee̱l kuí boá xi tsjaá ngaꞌniú xota̱ na̱xi̱ńdaá. ¡Ngatamachikonñé Néná!

Xo̱jo̱n Salmoo̱ 72:18

¡Ngatamachikonñé Néná, kui xi Nee̱ xota̱ Israee̱l! Kui Néná xi ta̱kuítsí xi tsꞌén ni xi fíndikónná.

Xo̱jo̱n Salmoo̱ 76:12

Kuí boá xi ni̱ma̱kjo̱a̱ tsꞌénkꞌíndo a̱si̱én ni̱xtjii̱n xota̱xá xí botixómaá, kó kuí boá xi tsꞌén nga fotsiéndíkón má ngayeje re xi tjín nga̱sondiee̱.

Xo̱jo̱n Salmoo̱ 77:14

Jí boá kui Ne xi tsꞌén kjo̱a̱ndikoón, Jí boá akake ji ngaꞌniúu̱ ngi̱jii̱n xota̱ na̱xi̱ńdaá.

Xo̱jo̱n Salmoo̱ 78:12

Ngindyi̱ko̱n xi xchaá katsꞌén ni xi fíndikónná, ki̱a̱ nangi Ejiptoo̱ ko̱jo kꞌijñaá Soaa̱n.

Éksondo̱ 34:27

Ngayeje kui kjo̱a̱kitii̱ xi yaꞌajo̱nii̱ ni xi índajo̱ Néná xota̱ na̱xi̱ńdá Israee̱l, kuíni nga Néná atíxomaa̱ Moisee̱ tsi̱ꞌe̱ nga sa̱ꞌínꞌindó.

Éksondo̱ 34:28

Kó Moisee̱ ki̱a̱ kisꞌijñajo̱ Néná ki̱a̱ na̱xi̱i̱ yichán ni̱xtjin ko̱jo yichán ni̱xtji̱e̱n nga kisꞌijña kjindiá nga jmí ni iskjiniejín, ti̱nde jmí ni katsꞌejín. Kó ki̱a̱ boá nínga kiniꞌánꞌindó nga̱són ndi̱jo̱ tiee̱ nga tie kjo̱a̱botíxomaa̱.

Ndeuteronomio̱ 10:21

Jún jè kamáyàjnú kjo̱a̱ndikón xí katsꞌén Néná nganda tsa̱jún, kuíni nga ngatsjéni̱xtjin kui ti̱ꞌantsjàjnúu̱.

Ndeuteronomio̱ 32:30

Kótsꞌèn makjínjnú jún nga ta̱ ngo tsí xota̱ Israee̱l xi ngo mi̱ jájún tsangatji̱ngii̱. Kótsꞌèn makjínjnú jún nga jó jájún xi tie mi̱ xota̱ tsangatji̱ngii̱. ¡Tsi ánjín xi tsꞌénkónjnúꞌun nde katsjandièjín an nga jún xi si̱ꞌánjnú tsobo̱a̱, kó jún nde kamájínjnú kiniꞌánjnúu̱ kui xotaa̱ tsobo̱a̱!

Ndeuteronomio̱ 4:13

Kó bo̱a̱ tsꞌén nga Néná akójnú nga tie kjo̱a̱botíxomaa̱ kjo̱a̱ꞌbínda xi katsꞌénjo̱jnú jún, kó jó tie ndi̱jo̱ ítꞌa tsi̱ꞌe̱ nga ko̱nda̱ꞌyáꞌénjnúu̱.