Éksondo̱ 33:17 - Xo̱jo̱n eén Néná

¹⁷ Kó Néná bi̱ katsoó: —Ndakjiꞌi tsobo̱a̱, kjuínjo̱jnúꞌun, ngatꞌa̱ ja̱koxi̱ boá nga tjóna ji ko̱jo nga ꞌniákoo̱n.

Éksondo̱ 33:17 ပူးပေါင်းရင်းမြစ်များ

Jenesii̱s 18:32

Kó ti̱ bi̱ ti̱ katsó nginí Abraa̱n: —Ngata̱ niꞌínxchínjín ji Ne tsa̱ꞌa̱n tsi ingo ndi̱yà kuichjiájoo ji. Kó tsi ta̱ tie tsí má xi síndo ki. Kó Néná bi̱ katsó: —Ta̱ngatꞌanii̱ nga tjóna kui xi tiee̱, sa̱ꞌinkjiéjín an.

Jenesii̱s 19:19

Jún achichí kjo̱a̱nda je kiniꞌánjnúꞌun, kó ta̱ngatꞌanii̱ nga ndajnú xota̱ nga nda kiniꞌánjo̱jnúꞌun nga kaꞌnaxiéꞌájnúꞌun, ta̱nga ka̱májín konga an xtji̱e̱e̱n na̱xi̱i̱, ngatꞌa̱ tsi ta̱ nga tsꞌénfí an ngi̱ya ndi̱ya̱à kjo̱chótji̱ngina ni xi ka̱maa̱ kósꞌe̱ ko̱yà an.

Jenesii̱s 19:21

Kó ngo kui já ndítsjiee̱ xi bi̱ katsoó: —Ndakjíꞌí, sa̱ꞌinkjatjosón an ni xi tꞌísé ji, kó sa̱ꞌinkjiéjín an kui ndí na̱xi̱ńdá xí tꞌísé ji.

Jenesii̱s 6:8

Ta̱nga Néná askotsijee̱n Noee̱, kó achichí tsjá kamaá xi kótsꞌèn kisꞌijña.

Éksondo̱ 33:12

Kó Moisee̱ bi̱ katsoó Néná: —Jí boá xi bo̱a̱ kasení nga an xi kjuíntjóo̱n kui xota̱ na̱xi̱ńdaá, ta̱nga kiꞌmíyéjínní ꞌyání xi ko̱síko̱jona. Kó ti̱ bo̱a̱ ti̱ kasení nga tjoó an, ko̱jo nga ka̱maꞌnítakínní.

Juaa̱ 16:23

Kó kui ni̱xtjin jàn ngiti̱ ingojín ni xi ko̱si̱yájnúꞌun. Ja̱koxi̱, ja̱koxi̱ ni xi xiánjnúꞌun, nga ngayeje ni xi ngajona chji̱e̱ꞌèe̱ Na̱ꞌmina, kó kuí tsja̱á.

Xo̱jo̱o̱n Sandiyaá 5:16

Kuíni nga ja̱kꞌi̱e̱ ja̱ngaján tꞌíyájnúu̱ xingi̱jnú jé xí kiniꞌánjnú, kó ja̱kꞌi̱e̱ ja̱ngaján ndókjo̱a̱tjéjnú xingi̱jnú, tsi̱ꞌe̱ nga ka̱mandayajnú. Kjiꞌanga ngo xota̱ xi kixi̱ ku̱i̱chji̱a̱a̱ Néná tjínrií ngaꞌniú ni xi ku̱i̱chji̱a̱.