Éksondo̱ 33:13 - Xo̱jo̱n eén Néná

¹³ Tsi ja̱koxi̱ kui nii̱, tꞌíyéní mí ni xi mejeén si̱ꞌin ji, tsi̱ꞌe̱ nga ka̱mana sa̱ꞌintjoó ji, kó ji to̱kó ka̱maꞌnítakínní. Ngata̱ chíyájiín nga kui xota̱ na̱xi̱ńdaá tse̱ boá, jmí tsi tsa̱ꞌa̱n.

Éksondo̱ 33:13 ပူးပေါင်းရင်းမြစ်များ

Xo̱jo̱n Salmoo̱ 103:7

Moisee̱ ko̱jo xota̱ Israee̱l, katsóyaà ni xi índa ko̱jo ni xi tsíꞌaá nga sa̱ꞌín kui xotaa̱.

Xo̱jo̱n Salmoo̱ 119:33

Ji Ne, takoyèní tsi̱ꞌe̱ nga sa̱ꞌinkjatjosón an kjo̱a̱botíxomàa̱, ngatꞌa̱ achichí tsjá mána nga tsꞌenkjatjosón an, ¡ngatsjéni̱xtjin sa̱ꞌinkjatjosón an nga kotíjña̱ an nga̱sondie! Ti̱ꞌintsijìin kjo̱a̱kjíntakónna, kó ngayeje ini̱ma̱na nga kjuíntjíngí an.

Xo̱jo̱n Salmoo̱ 25:4

Ji Ne, takéní ndi̱yàa̱, takoyèní ndi̱yà xí mejeén nga kjuín án.

Xo̱jo̱n Salmoo̱ 27:11

Ji Ne, takoyèní ndi̱yàa̱, kó ngo ndi̱yà xí kixi̱ tꞌenje̱ní, ta̱ngatꞌanii̱ kui kondra̱ xi ndyi̱kondaꞌmana.

Xo̱jo̱n Salmoo̱ 51:13

Kó bo̱a̱ tsꞌén nga ka̱ma kokoyáa̱ xota̱ xi kitikjo̱a̱a̱ ndi̱yàa̱, kó xota̱ jeé sa̱ꞌínkꞌoyà yojoo̱, kósꞌe̱ ji sa̱ꞌínseén ngijee̱.

Xo̱jo̱n Salmoo̱ 86:11

Ji Ne, takéní ndi̱yàa̱, kó ki̱a̱ kjuintjingí an ni xi ja̱koxi̱i̱, ꞌniú ti̱ꞌinkꞌijñí ji ini̱ma̱na, tsi̱ꞌe̱ nga sku̱i̱e̱ndikón jaꞌée̱n!

Éksondo̱ 3:10

Kuíni nga ti̱ndyinde ji, ngatꞌa̱ ki̱a̱ sangiyáa nínga tikón nda̱ ree̱ nangi Ejipto̱, tsi̱ꞌe̱ nga ji xi ko̱ꞌna̱xié ji xota̱ na̱xi̱ńdána ki̱a̱a̱.

Éksondo̱ 3:7

Ta̱nga Néná, bi̱ katsó ngasee̱: —Jè kamábe an kjo̱a̱ni̱ma̱ xi ndyi̱foaꞌatio xota̱ na̱xi̱ńdána, ngatꞌa̱ xota̱ Ejiptoo̱, moso̱ je katsꞌén. Jè tsintꞌièe̱ nga ndyi̱kjandayà nga ndyi̱míꞌá nga kosiko̱jo an, kó ti̱ jè kamábe an nga já ngito̱ko̱o̱ ꞌniú ndajín ndyi̱tsꞌènjo̱, kuíni nga jè jéꞌe̱kòo̱n tsi̱ꞌe̱ nga kꞌoxiéꞌá an ngi̱ya tsja xota̱ Ejiptoo̱, kósꞌe̱ kjuínjo̱ an ngo ngi̱ndie xi nda ko̱jo xi tiyá, ¡ngo ngi̱ndie nínga ꞌniú tjín nichinie! Kó nangi Kanaa̱n boá kui ngi̱ndiee̱, nínga síndo xota̱ na̱xi̱ńdá xi nde kji̱e̱ bejínna.

Éksondo̱ 32:12

¡Ngata̱ niꞌínxchínjín ji! ¡Ngata̱ niꞌínkjiéjín ji xota̱ na̱xi̱ńdáa̱! Ngata̱ boeꞌéndièjín ji nga xota̱ Ejiptoo̱ ko̱jno̱kiee̱ nga bi̱ ka̱tso̱: “Néná boá xi tsꞌenṉcha̱jo, ngatꞌa̱ tsꞌaxiéni kui ngi̱ndiee̱, kósꞌe̱ ki̱a̱ katsꞌénkꞌién na̱xi̱i̱”.

Éksondo̱ 32:14

Kó ngije Néná katsꞌénkjaꞌajinda yojoo̱, ngije katsjaákon nga ngiti̱ sa̱ꞌinkjiéjínni xota̱ na̱xi̱ńdaá,

Éksondo̱ 32:7

Kósꞌe̱ Néná bi̱ katsoó Moisee̱: —Ti̱tjaje̱n ji kui na̱xi̱i̱ ꞌne̱, ngatꞌa̱ kui xota̱ na̱xi̱ńdá xí kaꞌnaxié ji nangi Ejipto̱, jè ndajínkjiꞌi ni xi ndyi̱tsꞌèn. ¡Achichí je tsá katsꞌénchíyà nga an ku̱i̱ntꞌiéꞌénna kui xotaa̱! Ngo cho̱yojo toro̱ to̱nsinié jè katsꞌénda, kó kuí ndyi̱tsꞌéndíkón, kó jè katsꞌénkꞌasꞌiee̱n kjo̱a̱tjó, kó bo̱a̱ ndyi̱tsó nga án xò boá kui cho̱yojoo̱, kui xi tsꞌaxié nangi Ejipto̱. Jè kamábe an nga kui xota̱ na̱xi̱ńdaá nga achichí je kitikjo̱a̱ kamá.

Éksondo̱ 34:9

kó bi̱ katsoó: «¡Ne tsa̱ꞌa̱n! ¡Ne tsa̱ꞌa̱n! Tsi ja̱koxi̱ nga tjoó án, tꞌenje̱jne̱ nínga ndyi̱mongínjne̱. Ja̱koxi̱ boá nga achichí kitikjo̱a̱jne̱, ta̱nga ti̱ꞌinjetakínjne̱ jéjne̱, kó ti̱ꞌinjo̱ꞌojne̱ xikoó xota̱ na̱xi̱ńdá xí tse̱».

Éksondo̱ 5:1

Moisee̱ ko̱jo Aaroo̱n jaskan ngije tsíchji̱a̱jo xota̱ Israee̱l, kijíkoón nda̱ ree̱ nangi Ejipto̱, kó bi̱ katsoó: —Ne xi tsi̱ꞌe̱ xota̱ Israee̱l ngo én katsangiyaa ji nda̱ re, kó bi̱ tsó: “Te̱ꞌéndièe̱ nga kjo̱tjo xota̱ na̱xi̱ńdána tsi̱ꞌe̱ nga sa̱ꞌínna ngo sꞌué ki̱a̱ nangi kixií”.

Juaa̱ 17:3

Kó kuí xi̱ꞌbi̱ xi kjo̱a̱mindyion ngatsjéni̱xtjii̱n: Nga sku̱i̱e̱e̱ ji, nga ta̱ jí tsí xi Néná xí ja̱koxi̱i̱ ji, ko̱jo Jesukristoo̱, kui xi kanangiye ji.

Xota̱ Roma̱ 11:28

Kamámejénjiín xota̱ Israee̱l éntjatsi̱e̱e̱ Néná, ta̱ngatꞌanii̱ nganda tsa̱jún nga xota̱ Israee̱l kondraa̱ Néná kamá, ta̱nga Néná tjoó xota̱ Israee̱l ngatꞌa̱ jaꞌájin xota̱ tji̱e̱ xchaá.

Xota̱ Éfeso̱ 1:17

tsi̱ꞌe̱ nga kui Néná xí tsi̱ꞌe̱ Ndi̱a̱ná Jesukristoo̱, kui Na̱ꞌmi xi tjiín kjo̱a̱jee̱, ngatsjájnú A̱si̱énni̱xtjii̱n, tsi̱ꞌe̱ nga kꞌuiéjnú kjo̱a̱kjínkoón, ko̱jo nga ko̱kójnú kókón Néná.

Xota̱ Kolosa̱ 1:10

Bo̱a̱ ngatama tsi̱ꞌe̱ nga nda si̱ꞌánjnú xikó tsꞌén xota̱ xi tsi̱ꞌe̱ Ndi̱a̱ná, ko̱jo nga si̱ꞌánjnú ni xi tsja maa̱ Néná, ko̱jo nga si̱ꞌánjnú ngayeje to̱ko̱ya ni xi nda, ko̱jo nga nda ngase xcha̱jnú kókón Néná.

2 Xo̱jo̱o̱n Peé 3:18

Ta̱sá ꞌniú tangíntji̱ngíjnú kjo̱a̱ndaa̱, ko̱jo nga nda xcha̱ ngasejnú Ndi̱a̱ná Jesukristoo̱, kui xi tsꞌaxiéꞌáná. ¡Kuí boá xi ngotꞌe̱, ko̱jo ta̱ kjiꞌání nga nga sꞌiee̱ kjo̱a̱je! Bo̱a̱ kjiꞌi.