Éksondo̱ 32:4 - Xo̱jo̱n eén Néná

⁴ kó Aaroo̱n iskjíbé kui nii̱ kó katsꞌénńdá, sꞌe̱ katsꞌénda ngo cho̱yojo xi to̱nsinié. Kó nga kamábe kui nii̱ xota̱ Israee̱l, bi̱ katsó: «¡Xota̱ Israee̱l, kuí bí kui nii̱ xi Nejnú, kui xi tsꞌaxiéjnú nangi Ejipto̱!»

Éksondo̱ 32:4 ပူးပေါင်းရင်းမြစ်များ

Éksondo̱ 20:2

«Án boá xi Nejnú án, kó án boá xi tsꞌaxiéjnúꞌun ki̱a̱ nangi Ejipto̱, nínga moso̱ kamájnú.

Éksondo̱ 20:23

»Ngata̱ niꞌándajínjnú ne xi to̱ntiboa ko̱jo ne xi to̱nsinié, tsi̱ꞌe̱ nga kui nii̱ xi si̱ꞌandikónjnú ngindiee̱ nga an xi si̱ꞌandikónjnúꞌun.

Éksondo̱ 20:4

»Ngata̱ niꞌándajínjnú a̱sie̱én ngo ne, ko̱jo tsi ngo ni xi bo̱a̱ má kjiꞌi xikoó ni xi síndo nkꞌa jàn, ko̱jo tsi xikoó ni xi síndo tꞌanangii̱, ko̱jo tsi xikoó ni xi síndo nínga ꞌniú na̱nga̱a̱ ndáchíkoón.

Éksondo̱ 28:11

Nda̱ xi tsꞌénxájo̱ ndi̱jo̱ tsjakoo̱n, ni to̱nsinié ngatajón nga̱ndee̱ nga ngo nga ngo kui ndi̱jo̱o̱, kó jó ńchjón yiꞌi xi to̱nsinié soboá soboá ngatꞌijñaá, kósꞌe̱ ki̱a̱ ngatítꞌa jaꞌeén, xikoó tsi ngo seyo̱, kó ki̱a̱ ngatítꞌa ńjñondioo̱ Aaroo̱n ki̱a̱ xtji̱e̱e̱n nga̱són tjiaa̱. Kui ndi̱jo̱o̱ ki̱a̱ kjótꞌa tsi̱ꞌe̱ nga, nga kjo̱chókasién ngindyikón án chináꞌmina Aaroo̱n, kjo̱a̱ꞌátsjienna nga tiejó tji̱e̱e̱ xota̱ Israee̱l.

Éksondo̱ 28:9

»Chjábé jí jó ndi̱jo̱ ónise̱ xi kjín a̱si̱én kó nga̱soón tjatꞌe ji jaꞌeén nga tiejó tji̱e̱e̱ xota̱ Israee̱l,

Éksondo̱ 32:1

Kó nga Moisee̱ achichí tsꞌandíyaá ki̱a̱ na̱xi̱ Sinaii̱, xota̱ Israee̱l kijíkoón Aaroo̱n, kó bi̱ katsoó: —Moisee̱ boá xi tsꞌaxiéjne̱ nangi Ejipto̱, ta̱nga yàjínjne̱ mí ni xi kamaá. Ta̱sá ndatsi ngo ne si̱ꞌindejne̱, tsi̱ꞌe̱ nga kui xi ko̱e̱je̱tjónjne̱ ko̱jo skónjne̱.

Éksondo̱ 32:24

Kósꞌe̱ tsíꞌáa̱ to̱nsinié, kó jeꞌejo̱na, kó ta̱ ki̱a̱ katsanginjin an ngi̱jin ndiꞌí jàn kuí nii̱, ¡kó ki̱a̱ jatjoni kui cho̱yojo toroo̱!

Éksondo̱ 32:3

Kó ngayeje xotaa̱ kijíjoo̱ Aaroo̱n kui nii̱,

Éksondo̱ 32:35

Kó Néná katsangiyaa̱ ngo chiꞌin xota̱ na̱xi̱ńdaá kjo̱a̱a̱ nga katsꞌéndikón kui cho̱yojo toro̱ xi katsꞌénda Aaroo̱n.

Éksondo̱ 32:5

Nga kamábe kui nii̱ Aaroo̱n, ngo ṉchandikón katsꞌéndaa̱ kui cho̱yojo toro̱ to̱nsinieé, kó bi̱ katsoó xota̱ na̱xi̱ńdaá: «¡Ndyiojón si̱ꞌáa̱n ngo sꞌué Néná!»

Éksondo̱ 32:7

Kósꞌe̱ Néná bi̱ katsoó Moisee̱: —Ti̱tjaje̱n ji kui na̱xi̱i̱ ꞌne̱, ngatꞌa̱ kui xota̱ na̱xi̱ńdá xí kaꞌnaxié ji nangi Ejipto̱, jè ndajínkjiꞌi ni xi ndyi̱tsꞌèn. ¡Achichí je tsá katsꞌénchíyà nga an ku̱i̱ntꞌiéꞌénna kui xotaa̱! Ngo cho̱yojo toro̱ to̱nsinié jè katsꞌénda, kó kuí ndyi̱tsꞌéndíkón, kó jè katsꞌénkꞌasꞌiee̱n kjo̱a̱tjó, kó bo̱a̱ ndyi̱tsó nga án xò boá kui cho̱yojoo̱, kui xi tsꞌaxié nangi Ejipto̱. Jè kamábe an nga kui xota̱ na̱xi̱ńdaá nga achichí je kitikjo̱a̱ kamá.

Ni xi kamá 17:29

Kó ja̱ kuíni tsi xota̱ tji̱e̱e̱ Néná ñá, ka̱májín bo̱a̱ tsꞌén si̱ꞌankjó nga Néná xikoó tsi ngo a̱si̱én xí to̱nsinié, xi to̱ntiboa, ko̱jo tsi ndi̱jo̱ xi xota̱ katsꞌénda xikótsꞌèn makjiín.

Ni xi kamá 7:41

Kó bo̱a̱ tsꞌén katsꞌénda ngo ndií cho̱yojo, kó katsjaá kjo̱a̱tjó kui a̱sie̱én, kó katsꞌéntsjaà ni xi katsꞌénda tsja.

1 Xota̱ Korinto̱ 10:7

Kó kuíni, ngata̱ niꞌántsjajo̱jínjnú a̱sie̱én ngo ne xi tsꞌénda xotaa̱, xikó katsꞌén chiboa kui xotaa̱, xikótsꞌèn kjitꞌa xo̱jo̱n eén Néná, nínga bi̱ tsoó: “Ngayeje xotaa̱ kisꞌińdotie nga iskjinie ko̱jo nga katsꞌe, sꞌe̱ jaskan jastjíe̱n nga kitié nga katsꞌéntsjaà kui nii̱.”

Ndeuteronomio̱ 9:16

Nga jachó an nínga tindyiónjnú, kamábe an kótsꞌèn je kiniꞌánjéjnú kondraa̱ Néná, nga je kiniꞌándajnú ngo ni xi ne kiꞌmíjnúu̱ xi ja̱kjiꞌi cho̱yojo toro̱ má kjiꞌi, kó je ndyi̱niꞌántsjájnúu̱. »Achichí tsá ikꞌíjñámasienjnú kjo̱a̱ndaꞌyáꞌeén Néná.