Éksondo̱ 32:34 - Xo̱jo̱n eén Néná

³⁴ Kuíni nga ta̱sá tꞌen ji ngotꞌe̱, kó tꞌenje̱ ji kui xota̱ na̱xi̱ńdaá ki̱a̱ nangi xi katsóyàtjóo̱n nga tsjàa̱. Ndítsjiena ko̱e̱je̱tjoón nínga kꞌuin, ta̱nga nga kjo̱chó ni̱xtjin, án boá xi sa̱ꞌinjée̱ kjo̱a̱a̱ jé xí katsꞌén.

Éksondo̱ 32:34 ပူးပေါင်းရင်းမြစ်များ

Xo̱jo̱n Salmoo̱ 99:8

Ji Ne, ji xi Nejne̱ ji̱n, Jí má bo̱a̱ xi kiniꞌínsée̱n, kó jí boá xi ngo Ne xi tsꞌénjétakón kamá ji kjo̱a̱a̱ kui xotaa̱, ta̱nga ti̱ akatíjéríi̱ kjo̱a̱a̱ jé xí katsꞌén nga.

Éksondo̱ 15:17

Ne tsa̱ꞌa̱n, jí boá xi kꞌuínje̱jne̱ na̱xi̱ xi ji kachjeꞌéjin ji xi tse̱ ka̱ma, kó ki̱a̱ boá nínga si̱ꞌinkꞌíndejne̱ ngatsjéni̱xtjin. ¡Ti̱ jíní xi kiniꞌínde ji! ¡Ti̱ jíní xi ki̱a̱ ikꞌíjñinde ji ndiꞌàa̱!

Éksondo̱ 20:5

Ngata̱ bosiéntꞌajínjnúu̱ tikójnú kui nii̱, ti̱nde ngata̱ niꞌándikónjínjnú. Án boá xi Nejnú an, kó chi̱ni̱ án. Án boá xi tsꞌenjée̱ ndií, ko̱jo ndíndee̱, ko̱jo ndínde xi ma joó tsi̱ꞌe̱ xota̱ xi tsꞌenchꞌóna,

Éksondo̱ 23:20

Kó Néná bi̱ katsoó: «Kꞌi̱e̱ sangiya tjón an ndítsjiena tsi̱ꞌe̱ nga skónjnú ko̱jo ko̱kójnú ndi̱yà nínga kongínjnú, ngaskande nga kjóchójnú ngi̱ndie xi je tikónndana.

Éksondo̱ 3:17

Kó bo̱a̱ tꞌíi̱n nga án boá xi sa̱ꞌindé án, nga kꞌoxiéꞌá an kjo̱a̱a̱ kjo̱a̱ni̱ma̱ xi ndyi̱foaꞌatio ki̱a̱ nangi Ejipto̱, kó nga ki̱a̱ kjuínjo̱ an nangi Kanaa̱n, nínga síndo xota̱ na̱xi̱ńdá xi nde kji̱e̱ bejínna. ¡Ngo ngi̱ndie nínga tsie nichinie tjín!

Éksondo̱ 33:12

Kó Moisee̱ bi̱ katsoó Néná: —Jí boá xi bo̱a̱ kasení nga an xi kjuíntjóo̱n kui xota̱ na̱xi̱ńdaá, ta̱nga kiꞌmíyéjínní ꞌyání xi ko̱síko̱jona. Kó ti̱ bo̱a̱ ti̱ kasení nga tjoó an, ko̱jo nga ka̱maꞌnítakínní.

Xki̱ 20:16

Kósꞌe̱ kichjiáꞌájne̱ nga ko̱síko̱jojne̱ Néná, kó kui tsintꞌiéjne̱ kósꞌe̱ katsangiya ngo ndítsjiee̱, tsi̱ꞌe̱ nga kꞌo̱xiéjne̱ nangi Ejipto̱. Kó kꞌi̱e̱ tindyionjne̱ ngotꞌe̱ ꞌne̱. Kꞌi̱e̱ tindyionjne̱ na̱xi̱ńdá Kandee̱, nínga tikón tsindioó na̱xi̱ńdáa̱.

Matioo̱ 23:35

kó bo̱a̱ tsꞌén nga jún sꞌi̱niéjnú nga ka̱majéjnú kjo̱a̱a̱ ngayeje jiín xota̱ xi kixi̱ xi kiniꞌánkꞌién kꞌi̱e̱ tꞌanangii̱, xi yaꞌanii̱ ndeskande nga kiniꞌánkꞌién Abe̱ nda̱ xi kixi̱i̱, ngaskande nga kiniꞌánkꞌién Sakariyaa̱, xi ndií Berekiyaa̱ kamá, kui nda̱ xi kiniꞌánkꞌiénjnú jún ngi̱ndyió na̱ngo̱xi̱i̱ ko̱jo ṉchandikoón Néná.