Éksondo̱ 32:32 - Xo̱jo̱n eén Néná

³² ꞌNiú míꞌaá ngotꞌe̱ nga si̱ꞌinjetakíi̱n jeé. Ta̱nga tsi si̱ꞌinjetakinjíi̱n, ¡ta̱sá ti̱ꞌinkꞌinní an nga!

Éksondo̱ 32:32 ပူးပေါင်းရင်းမြစ်များ

Xo̱jo̱n Salmoo̱ 56:8

Jè tjixkíi̱ xikó kjiꞌi ndi̱yà jè tsanga an, ki̱a̱ tindyie ji ndándyíkón án ki̱a̱ ngi̱yaa̱ chi̱tsée̱n, a jèjín ki̱a̱ kjitꞌa ki̱a̱ xo̱jo̱o̱n kui nii̱.

Xo̱jo̱n Salmoo̱ 69:28

¡Ti̱ꞌinkjie ji jaꞌeén ki̱a̱ xo̱jo̱o̱n kjo̱a̱mindyioo̱n! ¡Kó ngata̱ ki̱a̱jín nijan ꞌbítꞌe ji jaꞌeén ko̱jo xota̱ xi kixi̱i̱!

Éksondo̱ 32:10

¡Achichí xtína ngotꞌe̱, kó jè sa̱ꞌinkjié an ngayejee̱! ¡Ngata̱ ꞌbíchjéjínní! Ta̱nga kjo̱a̱a̱ xota̱ tji̱e̱ tse̱, án boá xi sa̱ꞌin an nga ngo na̱xi̱ńdá xí je ka̱ma.

Xki̱ 11:15

Tsi to̱kó bo̱a̱ si̱ꞌinje̱ní, ta̱sá ti̱ꞌinkꞌinní. ¡Ngo kjo̱a̱nda xi si̱ꞌínní tsí bo̱a̱ si̱ꞌin ji! ¡Achichí jè tsie kjo̱a̱xti xi tjínna an ko̱jo kui xotaa̱!

Xki̱ 11:25

Néná ngo ṉdi̱ jatjajenni, kó tsíchji̱a̱jo Moisee̱, sꞌe̱ jaskan katsꞌén ni xi katsóyàtjoón nga sa̱ꞌín: íjñajii̱n kui já ngito̱ko̱o̱ kui a̱siénni̱xtjin xi kisꞌijñajii̱n Moisee̱, kó kui jaá ítsꞌi̱yani nga tsíchji̱a̱ én xí Néná tsjaá xota̱ xi chji̱ni̱e̱ꞌe̱én. Ta̱ ngo tsí ndi̱yà kamá kui nii̱.

Xki̱ 14:19

Ji Ne tsa̱ꞌa̱n, tsi ndeskande nangi Ejipto̱ je kiniꞌínchíkjo̱e̱e̱ kui xota̱ na̱xi̱ńdaá, kó tsi ja̱koxi̱ nga ta̱nisién je kjo̱a̱tjóo̱, ti̱ꞌinjetakíi̱n jeé kui xotaa̱.

Rkaa̱ 10:20

Ta̱nga nga tsjajín májnú kjo̱a̱a̱ nga a̱si̱énni̱xtjii̱n xindajín ku̱i̱ntꞌiéꞌénjnú, ta̱sá tsja ngatamajnú kjo̱a̱a̱ nga jaꞌénjnú je kjitꞌa ndiꞌakꞌajmi jàn.

Rkaa̱ 23:34

Kó Kjisoo̱, bi̱ katsó: –Na̱ꞌmi, ti̱ꞌinjetakíi̱n kui xotaa̱, ngatꞌa̱ bejín ni xi ndyi̱tsꞌèn. Kó jájuún katsatonjo̱ kjo̱a̱chꞌáṉcha̱ ńjñoo̱.

Xota̱ Roma̱ 9:3

Tsi ka̱ma, ngaskande mejénna nga Néná ngatꞌíko̱joo̱ ka̱tso̱na tsi nga Kristoo̱ kjin kꞌuijñána, tsi ta̱ꞌa nga bo̱a̱ tsꞌén ka̱mana kosiko̱jo an ntsꞌié án kui xi xota̱ tji̱e̱na.

Ndeuteronomio̱ 25:19

Kuíni nga ngatjaꞌátsjienjnú kui nii̱: Ngije tindyiónjnú na̱xi̱ńdájnú, kó ngije kiniꞌánkjiéjnú kondra̱jnú xi síndo nga ngo foaꞌatjiyajoo̱n, chjiéngá si̱ꞌankjiejnú ngayeje xota̱ tji̱e̱e̱ Amalee̱k».

Ndeuteronomio̱ 29:20

ta̱nga Néná sa̱ꞌínjetakónjiín, ta̱sá sa̱ꞌín nga kui kji̱ndi̱bánié ngayeje ni xi ndajín xi tsáyà kui xo̱jo̱o̱n, ko̱jo nga xtjo̱ꞌóxíntꞌaa̱ xota̱ tji̱e̱e̱, ko̱jo nga ko̱yà ngaskande xota̱ tji̱e̱ xi fetꞌani xi jaskan kꞌuieé. ¡Néná achichí ꞌniú ko̱tíjeé!

Ndeuteronomio̱ 9:14

¡Te̱ꞌéndièní nga sa̱ꞌinkjié an, tsi̱ꞌe̱ nga ngiti̱ jmíjín xi kjo̱a̱ꞌátsjien ngasee̱! Kó ji, ngito̱ko̱o̱ ngo na̱xi̱ńdá xí ꞌniú jè ko̱jo xi tjiín ngaꞌniú sa̱ꞌiin ji”.

Xota̱ Filipo̱ 4:3

Kó ji ꞌniú míꞌaá, ji xi ꞌniátakoón nga nijan ndyi̱niꞌánxá, tsi̱ꞌe̱ nga ko̱si̱ke̱je ji kui ínchjiín, kui xi nijan katsꞌénxájo̱na nga ini̱jmi án éntjatsi̱e̱e̱ Néná, ko̱jo Klementee̱ ko̱jo xota̱ xi ngase xi nijan katsꞌénxájo̱na. Kui xi je kjitꞌa jaꞌeén xo̱jo̱n nínga tjítꞌa jaꞌeén xota̱ xi kꞌuíndo ngatsjéni̱xtjii̱n.

Ni xi akakoo̱ 17:8

Kui cho̱ chꞌokjiꞌi xi je kamáyè ji, kuí boá xi kisꞌijña ngasꞌe̱, ta̱nga jè ngiti̱ jmíjín ngotꞌe̱, ta̱nga ki̱a̱ kjo̱tjoni ti̱xa̱na̱nga̱a̱ tꞌanangii̱ nga kji̱ndi̱bá ngindiee̱ nga xcha̱ja, kó xotaa̱ kui nga̱sondiee̱, kui xi kjitꞌajín jaꞌeén xo̱jo̱n nínga tjítꞌa jaꞌeén xota̱ xi kꞌuíndo ngatsjéni̱xtjin, ndeskande koó nga ítjatsꞌennii̱ kui nga̱sondiee̱, achichí ko̱e̱je̱ndikoón nga sku̱i̱e̱ kui cho̱ chꞌokjiꞌi xi kisꞌijñaa̱, kui xi ngiti̱ jmíjín ngotꞌe̱, ta̱nga kji̱ndi̱bá nginí.

Ni xi akakoo̱ 21:27

Kó jmíjín kótsꞌèn nga kꞌo̱sꞌien ni xi ndajín, ti̱nde ka̱májín kꞌo̱sꞌien xota̱ xi ndyi̱tsꞌèn ni xi ta̱nisién ꞌniú chꞌokjiꞌi ko̱jo tsi kjo̱a̱ndiso, ta̱kuítsí xi kꞌo̱sꞌien kui xi kjitꞌa jaꞌeén xo̱jo̱n nínga tjítꞌa jaꞌeén xota̱ xi kꞌuíndo ngatsjéni̱xtjii̱n kui xi tikoón cho̱tsa̱nga̱a̱.

Ni xi akakoo̱ 22:19

kó tsi tjín xi kjo̱a̱ꞌáxín chií én xí Néná tsáyà xi kjitꞌa kui xo̱jo̱o̱n, Néná kjo̱a̱ꞌáxiín ngi̱ndie xi tsoboaá kui, ki̱a̱ xo̱jo̱n nínga tjítꞌa jaꞌeén xota̱ xi kꞌuíndo ngatsjéni̱xtjin ko̱jo na̱xi̱ńdáꞌniú tsjie xi kjitꞌa kui xo̱jo̱o̱n.

Ni xi akakoo̱ 3:5

Kui xi sa̱ꞌiín, ńjño tiboa ko̱a̱ja̱, kó sa̱ꞌinkjiéjín an jaꞌeén nga kjitꞌa ki̱a̱ xo̱jo̱n nínga tjítꞌa jaꞌeén xota̱ xi kꞌuíndo ngatsjéni̱xtjii̱n, ta̱sá xiyà an nga be án kuí, ngindyi̱ko̱n Na̱ꞌmina ko̱jo ngindyi̱ko̱n ndítsjiee̱.