Éksondo̱ 32:19 - Xo̱jo̱n eén Néná

¹⁹ Kó nga jachó Moisee̱ ki̱a̱ nínga síndo ndiꞌaa̱, kamábe nga ndyi̱tié kui xotaa̱. Kó nga kamábe cho̱yojo toroo̱, achichí katsꞌénxchán, kó ti̱ ki̱a̱a̱ tꞌa se na̱xi̱i̱ tsꞌatójó tꞌanangi nga jó nga tiee̱ kui ndi̱jo̱ nínga kjitꞌa kjo̱a̱botíxomaa̱, kó tsakjan kui nii̱.

Éksondo̱ 32:19 ပူးပေါင်းရင်းမြစ်များ

Éksondo̱ 15:20

Kósꞌe̱ ndichja Aaroo̱n kui xi ꞌmí na̱ Riyaa̱ xi na̱ chji̱ni̱e̱ꞌe̱én Néná kamá, iskjíbé ngo ni xi niꞌánkjanie xi ꞌmí pandero̱, sꞌe̱ ítsꞌi̱yani nga kisie, kó ngayeje ínchjiín ti̱ bo̱a̱ ti̱ katsꞌén nga, kó ítsꞌi̱yanii̱ nga kitié.

Éksondo̱ 32:11

Kósꞌe̱ Moisee̱ katsꞌénkjaꞌajinda Néná, kó bi̱ katsoó: —Ne tsa̱ꞌa̱n, ¡ngata̱ niꞌínxchínje̱jín ji kui xota̱ na̱xi̱ńdaá! ¡Ti̱ jíní xi kaꞌnaxié ji ki̱a̱ nangi Ejipto̱ nga kiniꞌínkjín jí ngaꞌniúu̱!

Éksondo̱ 32:18

Ta̱nga Moisee̱ bi̱ katsó: —Ko̱jo an ntꞌie an só xi ndyi̱sie nga, ta̱nga jmí tsi só tsi̱ꞌe̱ nga katsꞌén ko̱jo tsi kichajá ngo kjo̱a̱xchán xí ntꞌie an.

Éksondo̱ 34:1

Kó Néná bi̱ katsoó Moisee̱: «Ndibéje̱ní jó tie ndi̱jo̱, xikoó xi tjón katsjaa. Ki̱a̱ ka̱maa̱ nga ki̱a̱ sa̱ꞌinꞌindó an ti̱ kuii̱ kjo̱a̱kiti xi kjitꞌa kui tie ndi̱jo̱ xi akakjen ji.

Kjo̱a̱chaꞌaá 5:15

Jè ngiti̱ jmí kjo̱a̱tsjajiín ini̱ma̱jne̱, kó kjo̱a̱xa̱ꞌya̱ kiniꞌán kjo̱a̱chájne̱.

Xki̱ 12:3

kó tsjajín kamaá ni xi tsintꞌié, ngatꞌa̱ Moisee̱ kuí boá xi ꞌniú ni̱ma̱kjo̱a̱ ngi̱jii̱n ngayeje xota̱ xi tjín nga̱sondiee̱.

Matioo̱ 5:22

Ta̱nga an tꞌíxián an, nga ta̱ ꞌyání xi sa̱ꞌínxchánjo̱ ntsꞌi̱e̱, ka̱majeé, kó ta̱ ꞌyání xi kitikjo̱a̱ ka̱tso̱o̱ ntsꞌi̱e̱, jáxaá sa̱ꞌínjeé, kó ta̱ ꞌyání xi tsobé ka̱tso̱o̱ ntsꞌi̱e̱, kuí boá xi je mején ko̱e̱je̱ ngi̱jin ndiꞌií ndo̱bo̱a̱ṉkꞌi̱e̱e̱n.

Markoo̱ 10:14

Kó nga kamábe Kjisoo̱ kui nii̱, kamáxtií, kó bi̱ katsó: –Te̱ꞌéndièjnúu̱ kui jákjíndií nga kjo̱e̱ꞌe̱kónna, kó ngata̱ ꞌbíchjájínjnúu̱, ngatꞌa̱ nínga botíxomaa̱ Néná kuí xí ka̱ma kꞌo̱sꞌien kui xi xikoó kui jákjíndií.

Markoo̱ 3:5

Kósꞌe̱ ngije askoꞌá tamá ngayeje xota̱ xi jaꞌatjiyajoo̱n, ndasen kamaá ngatꞌa̱ ta̱nisién tajá ini̱ma̱a̱, kó bi̱ katsoó nda̱ xi kixíyà tsjàa̱: –Tjintie ndse̱. Kó kui nda̱a̱ yejéntie tsja, kó kamándaya.

1 Xota̱ Korinto̱ 10:7

Kó kuíni, ngata̱ niꞌántsjajo̱jínjnú a̱sie̱én ngo ne xi tsꞌénda xotaa̱, xikó katsꞌén chiboa kui xotaa̱, xikótsꞌèn kjitꞌa xo̱jo̱n eén Néná, nínga bi̱ tsoó: “Ngayeje xotaa̱ kisꞌińdotie nga iskjinie ko̱jo nga katsꞌe, sꞌe̱ jaskan jastjíe̱n nga kitié nga katsꞌéntsjaà kui nii̱.”

Xota̱ Éfeso̱ 4:26

Tsi si̱ꞌanxchánjnú, ngata̱ niꞌánjéjínjnú, kó nga jmí tsi nga ngo ni̱xtjii̱n nga kꞌuijñájnú kui kjo̱a̱xcha̱án.

Ndeuteronomio̱ 10:2

An sa̱ꞌinꞌindó nginí an kjo̱a̱botíxomana kui tie ndi̱jo̱o̱, xikó má kón katsꞌen an kui xi akakjen ji. Ngije katsꞌenda an kui ndi̱jo̱o̱, ki̱a̱ ku̱i̱ndyie ji ngi̱yaa̱ kui koxa̱a̱”.