Éksondo̱ 32:11 - Xo̱jo̱n eén Néná

¹¹ Kósꞌe̱ Moisee̱ katsꞌénkjaꞌajinda Néná, kó bi̱ katsoó: —Ne tsa̱ꞌa̱n, ¡ngata̱ niꞌínxchínje̱jín ji kui xota̱ na̱xi̱ńdaá! ¡Ti̱ jíní xi kaꞌnaxié ji ki̱a̱ nangi Ejipto̱ nga kiniꞌínkjín jí ngaꞌniúu̱!

Éksondo̱ 32:11 ပူးပေါင်းရင်းမြစ်များ

Jenesii̱s 18:27

Ta̱nga Abraa̱n ti̱ bi̱ ti̱ katsó nginií Néná: —Ne tsa̱ꞌa̱n, ti̱ꞌinjetakínní nga bi̱ tsꞌén tsꞌénchji̱a̱joo ji, ja̱ jè yé ji nga ngindyikin ji jmí ni chjíjiín an.

Xo̱jo̱n Salmoo̱ 106:23

kó achichí katsꞌénxchán Néná nga ngaskande kamámején maá katsꞌénkjié. Kó Moisee̱, kui nda̱ xi jaꞌájin Néná tsíchji̱a̱tjé kui xotaa̱, sꞌe̱ jaskan jaꞌajenda Néná tsi̱ꞌe̱ nga ngiti̱ katsꞌénkjiéjín ngijee̱.

Éksondo̱ 32:7

Kósꞌe̱ Néná bi̱ katsoó Moisee̱: —Ti̱tjaje̱n ji kui na̱xi̱i̱ ꞌne̱, ngatꞌa̱ kui xota̱ na̱xi̱ńdá xí kaꞌnaxié ji nangi Ejipto̱, jè ndajínkjiꞌi ni xi ndyi̱tsꞌèn. ¡Achichí je tsá katsꞌénchíyà nga an ku̱i̱ntꞌiéꞌénna kui xotaa̱! Ngo cho̱yojo toro̱ to̱nsinié jè katsꞌénda, kó kuí ndyi̱tsꞌéndíkón, kó jè katsꞌénkꞌasꞌiee̱n kjo̱a̱tjó, kó bo̱a̱ ndyi̱tsó nga án xò boá kui cho̱yojoo̱, kui xi tsꞌaxié nangi Ejipto̱. Jè kamábe an nga kui xota̱ na̱xi̱ńdaá nga achichí je kitikjo̱a̱ kamá.

Éksondo̱ 6:6

»Kó kuíni nga tꞌen ji, kó bi̱ tꞌíi̱n xota̱ Israee̱l nga án boá xi Nee̱ an, kó nga án boá xi kꞌoxié an nangi Ejipto̱, kó nga án boá xi sa̱ꞌin an nga sa̱ꞌínkjaꞌyá kjo̱a̱a̱ xá é xí ndyi̱tsꞌèn. Án boá xi kjuínjo̱ an nangi xi kixiáa̱n nga tsjàa̱ Abraa̱n, Isaa̱ ko̱jo Jakoo̱b, kó nga jún tsa̱jún ka̱ma ngotꞌe̱ ꞌne̱. Kó bo̱a̱ tsꞌén xcha̱jnú nga án boá xi katsꞌendéjnúꞌun kjo̱a̱a̱ nga mosoo̱ xota̱ Ejiptoo̱ kamájnú, jún boá xi xota̱ na̱xi̱ńdána ka̱ma, kó án boá xi Nejnú ka̱ma an. Ta̱nga xota̱ Ejiptoo̱ achichí ꞌniú kotijée̱ nga sa̱ꞌinkjièn án ngaꞌniúna. Ngayeje kui nii̱ xi sa̱ꞌin an, ngatꞌa̱ án boá xi Nejnú má an.

Éksondo̱ 8:8

Kósꞌe̱ nda̱ ree̱ tsíchji̱a̱a̱ Moisee̱ ko̱jo Aaroo̱n, kó bi̱ katsoó: —Chji̱a̱ꞌajnúu̱ Nejnú tsi̱ꞌe̱ nga kjo̱a̱ꞌáxín kui xkji̱e̱e̱, ngatꞌa̱ jè ngiti̱ chikjo̱a̱jínjne̱, tsi bo̱a̱ sa̱ꞌín, an tsjandiè an nga kjo̱tjo xota̱ Israee̱l, tsi̱ꞌe̱ nga sa̱ꞌínkꞌasꞌiee̱n kjo̱a̱tjó.

Kjo̱a̱chaꞌaá 2:20

Ji Ne, ti̱ꞌinkjé jí kó tsitsíjìi̱n ꞌyání bo̱a̱ xi bo̱a̱ kiniꞌínje̱ ji. A chjiéngá ngayeje xi na̱aa̱n skji̱ni̱e̱ ndí xi̱xi̱i̱. A chjiéngá ki̱a̱ ndiꞌandikóo̱n si̱ꞌankꞌien chináꞌmii̱, ko̱jo chji̱ni̱e̱ꞌe̱én.

Xki̱ 11:11

Kuíni nga bi̱ tsꞌén asíyaá Néná: —Míkjo̱a̱a̱ nga ndajín tiniꞌínje̱ní xi ye ji nga mosoo̱ ma an, kó tiniꞌínní kjo̱a̱ꞌniú nga tjítsꞌenchíkjo̱a̱a̱ kui xota̱ na̱xi̱ńdaá.

Xki̱ 14:13

Ta̱nga Moisee̱, bi̱ katsoó Néná: —Tsi ta̱ ngo ndi̱yà si̱ꞌinkꞌin jí kui xota̱ na̱xi̱ńdaá, sku̱i̱e̱ kui nii̱ xota̱ Ejipto̱ xi kamábe nga kaꞌnaxié ji xota̱ Israee̱l kui ngi̱ndiee̱, kósꞌe̱ kui xota̱ Ejiptoo̱ ka̱tso̱yaa̱ kui nii̱ kje̱ꞌe tji̱e̱e̱ xota̱, kó kui xotaa̱ bi̱ ka̱tso̱: “Néná kamájiín kijíjo̱ xota̱ na̱xi̱ńdaá, ki̱a̱ tꞌanangi xi katsóyàtjoón nga tsja̱á. Kuíni nga ki̱a̱ índomasien nangi kixií tsi̱ꞌe̱ nga ki̱a̱ jesón”. »Ngayeje xota̱ Ejiptoo̱ be nga jí boá xi tichìi̱n kui xota̱ na̱xi̱ńdaá. Kó be nga ṉdi̱i̱ ki̱a̱ tikónsoón nínga síndo, kó be nga kuí boá xi bokoó ndi̱yà nga ni̱xtjii̱n, kó nga jñoó ndiꞌíi̱ xi ja̱kjiꞌi yásé má kjiꞌii̱ xí bokoó ndi̱yà, kó ti̱ be kuí xotaa̱, nga xota̱ na̱xi̱ńdáa̱ maa̱ be tíkje̱n tíkje̱e̱n.

Xki̱ 16:22

Kó Moisee̱ ko̱jo Aaroo̱n kixindyiańña ngaskande nga kisitꞌaa̱ kje̱n tꞌanangii̱, kó bi̱ katsoó Néná: —Ne tsa̱ji̱n, ji xi boeꞌéjne̱ kjo̱a̱mindyion ngayejejne̱, ¡ngata̱ niꞌínkꞌínjín ji! A si̱ꞌinkꞌin jí ngayeje kui xotaa̱ ta̱ngatꞌanii̱ ngo nda̱.

Xki̱ 21:7

Kó kuíni nga xota̱ Israee̱l kijíkoón Moisee̱ nga bi̱ katsoó: «Jè yàjne̱ nga ndajínkjiꞌi ni xi kiniꞌánjne̱ nga kiniꞌánxchánjne̱ kondraa̱ Néná, ko̱jo kondra̱ tse̱ ji. ¡Ngo kjo̱a̱nda chjiáꞌájne̱, ndokjoée̱ Néná, kó chji̱e̱ꞌèe̱ nga xín ngatjíjo̱ kui ye̱e̱!» Kó Moisee̱ tsíꞌaá Néná nga sa̱ꞌínjetakoón xota̱ Israee̱l,

Xki̱ 27:4

ta̱nga kixi̱jín kjiꞌi nga ta̱ngatꞌanii̱ kui nii̱ nga kiniꞌánkjié jaꞌeén, ki̱a̱ nínga kjitꞌa xki̱i̱ xtín xota̱ ndiꞌaa̱. Kixi̱jín kjiꞌi nga ngotꞌe̱ ꞌne̱ jmí tꞌanangi si̱ꞌankꞌasꞌienjínjne̱ ji̱n. ꞌNiú chjiáꞌájne̱ jún nga te̱ꞌéjne̱ ngo chikjan tꞌanangi, tsi̱ꞌe̱ nga ki̱a̱ ku̱i̱ndyionjo̱jne̱ xota̱ xingi̱jne̱».