Éksondo̱ 32:10 - Xo̱jo̱n eén Néná

¹⁰ ¡Achichí xtína ngotꞌe̱, kó jè sa̱ꞌinkjié an ngayejee̱! ¡Ngata̱ ꞌbíchjéjínní! Ta̱nga kjo̱a̱a̱ xota̱ tji̱e̱ tse̱, án boá xi sa̱ꞌin an nga ngo na̱xi̱ńdá xí je ka̱ma.

Éksondo̱ 32:10 ပူးပေါင်းရင်းမြစ်များ

Jenesii̱s 12:2

Kó ngo na̱xi̱ńdá xí ta̱nisién je sa̱ꞌin an ngayeje xota̱ tji̱e̱e̱, kó sa̱ꞌinchikonñeé, kó nkꞌa kꞌuijñá an jaꞌée̱n, kó ta̱ngatꞌanii̱ ji nga kjín xota̱ xi ka̱machikonñé.

Xo̱jo̱n Salmoo̱ 106:23

kó achichí katsꞌénxchán Néná nga ngaskande kamámején maá katsꞌénkjié. Kó Moisee̱, kui nda̱ xi jaꞌájin Néná tsíchji̱a̱tjé kui xotaa̱, sꞌe̱ jaskan jaꞌajenda Néná tsi̱ꞌe̱ nga ngiti̱ katsꞌénkjiéjín ngijee̱.

Éksondo̱ 22:24

kó ꞌniú sa̱ꞌinxchán án nga sa̱ꞌinkꞌiénjnúꞌun. Kósꞌe̱ ínchjínjnú, ínchjín kꞌán ka̱ma, kó ndíjnú, ndí xꞌi̱a̱n ka̱ma ngijee̱.

Éksondo̱ 32:11

Kósꞌe̱ Moisee̱ katsꞌénkjaꞌajinda Néná, kó bi̱ katsoó: —Ne tsa̱ꞌa̱n, ¡ngata̱ niꞌínxchínje̱jín ji kui xota̱ na̱xi̱ńdaá! ¡Ti̱ jíní xi kaꞌnaxié ji ki̱a̱ nangi Ejipto̱ nga kiniꞌínkjín jí ngaꞌniúu̱!

Éksondo̱ 32:19

Kó nga jachó Moisee̱ ki̱a̱ nínga síndo ndiꞌaa̱, kamábe nga ndyi̱tié kui xotaa̱. Kó nga kamábe cho̱yojo toroo̱, achichí katsꞌénxchán, kó ti̱ ki̱a̱a̱ tꞌa se na̱xi̱i̱ tsꞌatójó tꞌanangi nga jó nga tiee̱ kui ndi̱jo̱ nínga kjitꞌa kjo̱a̱botíxomaa̱, kó tsakjan kui nii̱.

Xki̱ 14:12

Ngomára chiꞌin sangiyáa tsi̱ꞌe̱ nga sa̱ꞌinkjié an. Ta̱nga xota̱ tji̱e̱ tse̱ boá xi sa̱ꞌin an nga ngo na̱xi̱ńdá xí ꞌniú ngase ko̱jo xi kjín ngase ka̱ma.

Xki̱ 16:21

—¡Tji̱taxión boaꞌájnúu̱ kui xotaa̱, ngatꞌa̱ ngotꞌe̱ má sa̱ꞌinkjié an ngayejee̱!

Xki̱ 16:22

Kó Moisee̱ ko̱jo Aaroo̱n kixindyiańña ngaskande nga kisitꞌaa̱ kje̱n tꞌanangii̱, kó bi̱ katsoó Néná: —Ne tsa̱ji̱n, ji xi boeꞌéjne̱ kjo̱a̱mindyion ngayejejne̱, ¡ngata̱ niꞌínkꞌínjín ji! A si̱ꞌinkꞌin jí ngayeje kui xotaa̱ ta̱ngatꞌanii̱ ngo nda̱.

Ndeuteronomio̱ 9:14

¡Te̱ꞌéndièní nga sa̱ꞌinkjié an, tsi̱ꞌe̱ nga ngiti̱ jmíjín xi kjo̱a̱ꞌátsjien ngasee̱! Kó ji, ngito̱ko̱o̱ ngo na̱xi̱ńdá xí ꞌniú jè ko̱jo xi tjiín ngaꞌniú sa̱ꞌiin ji”.

Xo̱jo̱o̱n Sandiyaá 5:16

Kuíni nga ja̱kꞌi̱e̱ ja̱ngaján tꞌíyájnúu̱ xingi̱jnú jé xí kiniꞌánjnú, kó ja̱kꞌi̱e̱ ja̱ngaján ndókjo̱a̱tjéjnú xingi̱jnú, tsi̱ꞌe̱ nga ka̱mandayajnú. Kjiꞌanga ngo xota̱ xi kixi̱ ku̱i̱chji̱a̱a̱ Néná tjínrií ngaꞌniú ni xi ku̱i̱chji̱a̱.