Éksondo̱ 32:1 - Xo̱jo̱n eén Néná

¹ Kó nga Moisee̱ achichí tsꞌandíyaá ki̱a̱ na̱xi̱ Sinaii̱, xota̱ Israee̱l kijíkoón Aaroo̱n, kó bi̱ katsoó: —Moisee̱ boá xi tsꞌaxiéjne̱ nangi Ejipto̱, ta̱nga yàjínjne̱ mí ni xi kamaá. Ta̱sá ndatsi ngo ne si̱ꞌindejne̱, tsi̱ꞌe̱ nga kui xi ko̱e̱je̱tjónjne̱ ko̱jo skónjne̱.

Éksondo̱ 32:1 ပူးပေါင်းရင်းမြစ်များ

Jenesii̱s 19:14

Kósꞌe̱ jataxie Loo̱t, kó tsíchji̱a̱jo já xí ka̱ma xkandaa̱, kó bi̱ katsoó: —¡Tsá ti̱sítji̱e̱njnú! ¡Kó tja̱tjójnú kui ngi̱ndiee̱, ngatꞌa̱ Néná jè sa̱ꞌínkjié kui na̱xi̱ńdaá! Ta̱nga kui já xí ka̱ma xkandaa̱ Loo̱t, ta̱ tsajnókie.

Jenesii̱s 21:26

Kó Abimelee̱k bi̱ katsoó Abraa̱n: —Bejín an ꞌyá xí bo̱a̱ katsꞌénjoo̱, ngatꞌa̱ kasayejínní ngasꞌe̱, kó sꞌe̱ tsí ngotꞌe̱ tsꞌén be an kui nii̱.

Jenesii̱s 39:8

Kó kamámejénjiín Kosiee̱, kó bi̱ katsoó chjo̱ón ndi̱a̱a̱: —Ndi̱a̱na achichí ꞌniátakónna kuíni nga ngi̱ya ndsa̱ án katsꞌénkꞌasꞌien ngayeje ni xi tjiín, kó nga an tikóntjóo̱n ngayeje ni xi tjiín, jmíjín ni xi nda̱ maa̱ kui.

Jenesii̱s 44:15

ta̱nga Kosiee̱ bi̱ katsó: —Ánní nga bo̱a̱ kiniꞌánjo̱jnúꞌun. A yàjínjnú nga an mana kotꞌasón an.

Jenesii̱s 44:4

Nde kji̱e̱ kjinjín fochó kui jaá nga Kosiee̱, bi̱ katsoó nda̱ xi tikóntjoón ndiꞌaa̱: «Ti̱sítji̱n ji kó tsá tꞌentji̱ngìi̱ kui jaá, kó nga kjóchítji̱ngìi̱ bi̱ tꞌíi̱n: “Ánní nga ndajín ikꞌíchjíjnúu̱ ni nda xi katsꞌénjo̱jnú ndi̱a̱na.

Xo̱jo̱n Salmoo̱ 106:19

Xota̱ xi xchájne̱ jachó na̱xi̱ Oree̱b, kó ki̱a̱ katsꞌénda ngo ni xi Nénájín, ¡kó katsꞌéndikón ngo cho̱yojo toro̱ xi to̱nsinié kamándani!

Éksondo̱ 13:21

Kó Néná nde chií íjñá soboájín kui xotaa̱. Nga ni̱xtjii̱n ngo ṉdi̱ xi ja̱kjiꞌi yásé má kjiꞌi xi kitsjientjoón, kó nga jñoó ngo ndiꞌí xi ja̱kjiꞌi yásé má kjiꞌi xi katsꞌéntsijee̱n.

Éksondo̱ 14:11

Kó xota̱ Israee̱l katsꞌénxchán nga bi̱ katsoó Moisee̱: —Ánní nga kaꞌnaxiéjne̱ nangi Ejipto̱. Ánní nga kꞌi̱e̱ jéꞌe̱jejne̱ nangi kixií nga kꞌi̱e̱ kju̱i̱e̱sónjne̱. A jmí ngi̱ndiejín nangi Ejipto̱ nga ki̱a̱jín akjanijínjne̱.

Éksondo̱ 16:3

Kó bi̱ katsoó: «Jún kꞌi̱e̱ kjindibájo̱jnú ji̱n kui ngi̱ndie kixií tsi̱ꞌe̱ nga kꞌi̱e̱ ko̱yà bojójne̱. Ta̱sara̱ ndatsi Néná ki̱a̱ katsꞌénkꞌiénjne̱ nangi Ejipto̱. Ngatꞌa̱ kui ngi̱ndie jàn kisꞌiejne̱ ti̱jìꞌásó yiꞌi xi tjikítsie má yojo xi kachján, kó kichiniejne̱ ngaskande nga nda kitsiejne̱».

Éksondo̱ 20:23

»Ngata̱ niꞌándajínjnú ne xi to̱ntiboa ko̱jo ne xi to̱nsinié, tsi̱ꞌe̱ nga kui nii̱ xi si̱ꞌandikónjnú ngindiee̱ nga an xi si̱ꞌandikónjnúꞌun.

Éksondo̱ 24:12

Jaskan Néná bi̱ katsoó Moisee̱: «Ndibénijíngí ji na̱xi̱i̱, kó ki̱a̱ chiyéní, ngatꞌa̱ ki̱a̱ sa̱ꞌinkꞌasꞌiee̱n ndi̱jo̱ tie nínga kjitꞌa kjo̱a̱kitii̱ ko̱jo kjo̱a̱botíxoma xi katsꞌenꞌindó an tsi̱ꞌe̱ nga ko̱ko̱yée̱ xota̱ Israee̱l».

Éksondo̱ 24:18

Kó Moisee̱ tsꞌasꞌienjin kui ṉdi̱i̱, kó ki̱a̱ kisꞌijñajin yichán ni̱xtjin, yichán ni̱xtji̱e̱n.

Éksondo̱ 32:11

Kósꞌe̱ Moisee̱ katsꞌénkjaꞌajinda Néná, kó bi̱ katsoó: —Ne tsa̱ꞌa̱n, ¡ngata̱ niꞌínxchínje̱jín ji kui xota̱ na̱xi̱ńdaá! ¡Ti̱ jíní xi kaꞌnaxié ji ki̱a̱ nangi Ejipto̱ nga kiniꞌínkjín jí ngaꞌniúu̱!

Éksondo̱ 32:22

Kó Aaroo̱n bi̱ katsoó Moisee̱: —Ngo kjo̱a̱nda kuíꞌaá, ngata̱ niꞌínxchínje̱jínní. Jè yé ji nga kui xota̱ na̱xi̱ńdaá tsja maa̱ nga tsꞌén ni xi ndajín.

Éksondo̱ 32:23

Kuí boá xi bo̱a̱ katsóna nga sa̱ꞌindàa̱ ngo ne xi ko̱e̱je̱tjoón ko̱jo xi ko̱síko̱jo, ngatꞌa̱ bejín xò mí ni xi kamaá ji.

Éksondo̱ 32:7

Kósꞌe̱ Néná bi̱ katsoó Moisee̱: —Ti̱tjaje̱n ji kui na̱xi̱i̱ ꞌne̱, ngatꞌa̱ kui xota̱ na̱xi̱ńdá xí kaꞌnaxié ji nangi Ejipto̱, jè ndajínkjiꞌi ni xi ndyi̱tsꞌèn. ¡Achichí je tsá katsꞌénchíyà nga an ku̱i̱ntꞌiéꞌénna kui xotaa̱! Ngo cho̱yojo toro̱ to̱nsinié jè katsꞌénda, kó kuí ndyi̱tsꞌéndíkón, kó jè katsꞌénkꞌasꞌiee̱n kjo̱a̱tjó, kó bo̱a̱ ndyi̱tsó nga án xò boá kui cho̱yojoo̱, kui xi tsꞌaxié nangi Ejipto̱. Jè kamábe an nga kui xota̱ na̱xi̱ńdaá nga achichí je kitikjo̱a̱ kamá.

Matioo̱ 24:43

Ta̱nga ngatamakjínjnú kui nii̱: Tsi nda̱ xi tsi̱ꞌe̱ ndiꞌaa̱ sku̱i̱e̱ mí chi̱bo̱a̱ nga kjo̱chó chejeé ndiꞌaa̱, nde kjóféjín, kó nde tsja̱ndièjínraa̱ nga kꞌo̱sꞌien chejeé tsobo̱a̱.

Matioo̱ 24:48

Ta̱nga tsi kui mosoo̱, bi̱ tsꞌén sa̱ꞌínkjó ini̱ma̱a̱: «Kꞌo̱ndíyárií ndi̱a̱na nga kjo̱e̱ꞌe»,

Ni xi kamá 17:29

Kó ja̱ kuíni tsi xota̱ tji̱e̱e̱ Néná ñá, ka̱májín bo̱a̱ tsꞌén si̱ꞌankjó nga Néná xikoó tsi ngo a̱si̱én xí to̱nsinié, xi to̱ntiboa, ko̱jo tsi ndi̱jo̱ xi xota̱ katsꞌénda xikótsꞌèn makjiín.

Ni xi kamá 19:26

kó jè yàjnú, kó jè ndaꞌyájnú nga kui nda̱ xi ꞌmí Pabloo̱ jmí tsi ta̱ Éfeso̱ tsí nga tsꞌénchji̱a̱, mején ngayeje nangi Asia̱ nga je akjángá achichí kjín xota̱ nga bo̱a̱ katsoó, nga kui xò ne xi tsꞌénda xotaa̱, nénájín xò boá.

Ni xi kamá 7:40

kó xota̱ Israee̱l, bi̱ katsoó nda̱ xi ꞌmí Aaroo̱n: “Ta̱sá ti̱ꞌindejne̱ ne xi ko̱kójne̱ ndi̱yàjne̱, ngatꞌa̱ yàjínjne̱ mí ni xi kamaá kui Moisee̱ xi tsꞌaxiéjne̱ ki̱a̱ nangi Ejiptoo̱.”

Ndeuteronomio̱ 31:8

Ti̱ kuíní Néná xí ko̱e̱je̱tjoón, kó kuí boá xi ko̱síko̱joo̱ ngayeje ni xi si̱ꞌin ji, jmíni̱xtjin ku̱i̱ꞌíjñámasiee̱n. ¡Ngata̱ ndakinjín má, ꞌna̱xié ji kjo̱a̱tsiendikóo̱n!»

Ndeuteronomio̱ 9:1

Kó Moisee̱ bi̱ katsó ngasee̱ xota̱ na̱xi̱ńdaá: «¡Jún xota̱ Israee̱l, tasiénijónjnúꞌun! Jè tsá ku̱i̱tja̱tiójnú xi ingoboaá ndejèꞌ Jorndaa̱n, kó ku̱i̱yotjingíjnúu̱ ngayeje xota̱ na̱xi̱ńdá xi síndo kui tꞌanangii̱. Kui xotaa̱ kjín ngase ma, ko̱jo ꞌniú ngase ta̱bo̱a̱jiín jún, kó na̱xi̱ńdáꞌniuú achichí yiꞌi, kó xó xí ta̱nisién nkꞌa tjíchjáꞌyáni.

Ndeuteronomio̱ 9:9

An ki̱a̱ kijínijíngí an na̱xi̱i̱, tsi̱ꞌe̱ nga si̱ꞌankꞌasꞌienna ndi̱jo̱ tie nínga kjitꞌa kjo̱a̱ꞌbínda xi katsꞌénjo̱jnú Néná. Ki̱a̱ kisꞌijña an yichán ni̱xtjin ko̱jo yichán ni̱xtji̱e̱n nga kisꞌijña kjindiá án, nga jmí ni iskjíni̱e̱jín an ti̱nde jmí ni katsꞌejín an.

2 Xo̱jo̱o̱n Peé 3:4

kó bi̱ ka̱tso̱ nga ko̱síyá: “Ánní nga jatjosónjín ni xi je kiꞌmí, nga kji̱ndi̱bá nginí Kristoo̱. Ngatꞌa̱ ndeskande nga jesón xota̱ tji̱e̱ xcháná, ngaskande ngotꞌe̱, ta̱kó bo̱a̱ tsꞌén síndo nii̱, xikoó nga ítjatsꞌennii̱ nga kamánda kui nga̱sondiee̱.”