Éksondo̱ 31:2 - Xo̱jo̱n eén Néná

² «Jè jaꞌajin an Besalee̱l ndií Urii̱, kui xi ndíndee̱ Uu̱r xi chji̱a̱ni xota̱ tji̱e̱e̱ Jundáa̱,

Éksondo̱ 31:2 ပူးပေါင်းရင်းမြစ်များ

Éksondo̱ 17:10

Kó Josuee̱ bo̱a̱ katsꞌén xikó katsoó Moisee̱, kó kijíkjánjo̱ xota̱ Amalee̱k. Kó Moisee̱ ko̱jo Aaroo̱n ko̱jo Uu̱r kijínijíngí nínga ꞌniú nkꞌaá na̱xi̱i̱.

Éksondo̱ 33:12

Kó Moisee̱ bi̱ katsoó Néná: —Jí boá xi bo̱a̱ kasení nga an xi kjuíntjóo̱n kui xota̱ na̱xi̱ńdaá, ta̱nga kiꞌmíyéjínní ꞌyání xi ko̱síko̱jona. Kó ti̱ bo̱a̱ ti̱ kasení nga tjoó an, ko̱jo nga ka̱maꞌnítakínní.

Éksondo̱ 33:17

Kó Néná bi̱ katsoó: —Ndakjiꞌi tsobo̱a̱, kjuínjo̱jnúꞌun, ngatꞌa̱ ja̱koxi̱ boá nga tjóna ji ko̱jo nga ꞌniákoo̱n.

Éksondo̱ 35:30

Kó Moisee̱ bi̱ katsoó xota̱ Israee̱l: «Tasiénijónjnú kui nii̱. Néná je jaꞌájin jó já chji̱ni̱e̱ xi maa̱ niꞌánda ni tsjakon, tsi̱ꞌe̱ nga kui xi sa̱ꞌínxá nga si̱ꞌanda ndiꞌandikoón. Besalee̱l boá xi jaꞌájin xi chji̱a̱ni xota̱ tji̱e̱e̱ Jundáa̱, kó Ooliaa̱b boá xi jaꞌájin xi chji̱a̱ni xota̱ tji̱e̱e̱ Ndaa̱n. Kui jaá, Néná boá xi je katsjaá kjo̱a̱kjínkón tsi̱ꞌe̱ nga ka̱maa̱ sa̱ꞌínda ni tsjakon xi yá niꞌándajo̱ni, ko̱jo nga ka̱maa̱ chji̱ni̱e̱ xi niꞌándani ńjño xi koán, ko̱jo ńjño xi aso, ko̱jo ńjño xi iní, ko̱jo ńjño lino̱ xi nda, ko̱jo tsi̱ꞌe̱ nga ka̱maa̱ sa̱ꞌínda ngayeje to̱ko̱ya ni xi tsjakon. Kó ti̱ je katsjaá kjo̱a̱kjínkón tsi̱ꞌe̱ nga ka̱maa̱ ko̱kóyaá kje̱ꞌe xota̱ kui xaá. »Kó Néná je katsjaá Besalee̱l A̱si̱énni̱xtjii̱n ko̱jo katsjaá kjo̱a̱kjínkón ko̱jo kjo̱a̱kjíntakón tsi̱ꞌe̱ nga ka̱maa̱ sa̱ꞌínda ni xi to̱nsinié, ko̱jo ni xi to̱ntiboa, ko̱jo ni xi ki̱cha̱ bronse̱, ko̱jo tsi̱ꞌe̱ nga ka̱maa̱ sa̱ꞌínxájo̱ ndi̱jo̱ tsjakon, ko̱jo nga ka̱maa̱ ko̱ótꞌa ndi̱jo̱ tsjakon, ko̱jo nga sa̱ꞌínxájo̱ ni xi yá mandani.

Éksondo̱ 36:1

»Kuíni nga Besalee̱l ko̱jo Ooliaa̱b ko̱jo ngayeje já xí tsꞌénda ni tsjakon ki̱a̱ Israee̱l, kuí xí sa̱ꞌínda ngayeje nii̱ xikó má tsꞌén atíxoma Néná nga ka̱manda. Ti̱ bo̱a̱ ti̱ sa̱ꞌín ngayeje xota̱ xi Néná je katsjaá kjo̱a̱kjínkón ko̱jo kjo̱a̱kjíntakón, tsi̱ꞌe̱ nga sa̱ꞌínda ngayeje ni xi ka̱machjién kjiꞌanga si̱ꞌandikón Néná ki̱a̱ ndiꞌandikoón».

Éksondo̱ 37:1

Besalee̱l boá xi katsꞌénda koxa̱a̱ kjo̱a̱ꞌbíndaa̱ nga, kó yáꞌakasia̱ katsꞌéndani, kó nga ngo nga ngo nijon íjñaá ngo ni ńtsó, ko̱jo jó yá xí foxtikjaá ngindiee̱ xi chínkꞌajo̱ni koxa̱a̱, kó ti̱ katsꞌénda ngo tsꞌoa koxa̱ xi to̱nsinié xi jó keruu̱b índosoón. Bo̱a̱ má tsꞌén katsꞌénda xikoó chi̱bo̱a̱ xi atíxoma Néná nga ka̱manda.

Éksondo̱ 38:22

Besalee̱l boá xi katsꞌénda ko̱jo xi íjñanda ngayeje ni xi Néná atíxomaa̱ Moisee̱ nga sa̱ꞌín.

Éksondo̱ 38:23

Kó Ooliaa̱b boá xi asíko̱jo nga katsꞌén kui xaá, ngatꞌa̱ kui nda̱a̱, nda̱ chji̱ni̱e̱ki̱cha̱ kamá ko̱jo nda̱ xi kamaá kiniꞌánda ńjño boá, kó ti̱ kamaá katsꞌeén chji̱ni̱e̱ ńjño xi koán, ko̱jo ńjño xi aso, ko̱jo ńjño xi iní, ko̱jo ńjño lino̱ xi nda.

Juaa̱ 3:27

Sꞌe̱ bi̱ katsó Juaa̱: –Nde ngojín xota̱ xi skjíbé ngo ni, tsi ndiꞌakꞌajmii̱jín xi tsja̱á.