Éksondo̱ 30:34 - Xo̱jo̱n eén Néná

^34-37 Kó Néná bi̱ katsó ngasee̱ Moisee̱: «Kui nisije̱n xi kꞌuití nganda tsa̱ꞌa̱n, chjiéngá kui soboá soboá ngatama, kó ta̱ án tsí xi kꞌuitína. Kjiꞌanga si̱ꞌinde ji chjiéngá nisije̱n xi kui soboá soboá ko̱jo kje̱ꞌe xka̱ xi sije̱n ngase xi si̱ꞌinkjìn jí. Kui ndásíjee̱n chjiéngá nda si̱ꞌankꞌájin ngayeje ni xi ku̱i̱ndyiaa̱, kó ti̱ kuii̱ chi̱bo̱a̱ nga ngo nga ngo ni xi ku̱i̱ndyiaa̱. Kó chjiéngá nda sꞌió ngayeje kui nii̱. Ngije kamánda kui ndásíjee̱n, tꞌen ji ndiꞌandikoón, kó chjábé jí chiboa kui nisijee̱n, kó ki̱a̱ tꞌíjñí ji kje̱n nínga tikón koxa̱a̱ kjo̱a̱ꞌbíndaa̱. Kui nisijee̱n ꞌniú ndikón ka̱ma, kó ta̱ tsa̱ꞌa̱n tsí bo̱a̱, kó chjiéngá bo̱a̱ tsꞌén ka̱manda. Ka̱májín ngo xota̱ xi sa̱ꞌínda ingo nisije̱n xi ti̱ bo̱a̱ ti̱ tsꞌén kamánda xi kje̱ꞌe tsꞌén sa̱ꞌínkjién.

Éksondo̱ 30:34 ပူးပေါင်းရင်းမြစ်များ

Éksondo̱ 25:6

ko̱jo isti̱ xi mindyiaa̱ ndiꞌí xí tsꞌentsíjenná, ko̱jo ndásíje̱n xi mindyiaa̱ isti̱ xi nanginjon xotaa̱ nga boeꞌéxaá, ko̱jo ndásíje̱n xi mindyiaa̱ ndso̱ko̱a̱n sije̱e̱n,

Éksondo̱ 30:23

«Isti̱ xi nanginjon xotaa̱ nga boeꞌéxaá, kuí boá kui istii̱ xi chjatjájón ngayeje ni ko̱jo xota̱ xi ta̱ xá tsa̱ꞌa̱n tsí xi sa̱ꞌín. Chjiéngá bo̱a̱ tsꞌén si̱ꞌinde ji xikótsꞌèn niꞌánda ndásíje̱n xi ndaa̱. »Nga si̱ꞌinde ji, kuí nii̱ xi si̱ꞌinkjìn: Ján litro̱ masien istii̱ toꞌolibo̱ xi kjín xka̱ sije̱n tsꞌájinni. Xi kótjín ni xi si̱ꞌinkjìn jí, bo̱a̱ tsꞌén xꞌi̱chi̱bo̱a̱ xikó tsꞌén chꞌíchi̱bo̱a̱ ni ki̱a̱ ndiꞌandikoón.

Éksondo̱ 30:33

Tsi tjín xota̱ Israee̱l xi sa̱ꞌínda ingo isti̱ xi xikoó xi̱ꞌbi̱, kó tsi ta̱xkiya sa̱ꞌínkjién nga sa̱ngínjón kje̱ꞌe xota̱, kui xi bo̱a̱ katsꞌeén chjiéngá ku̱i̱yòtjíngií ngi̱jii̱n jún».

Éksondo̱ 30:7

»Ndyiojón ndyiojón xki̱ ta̱jñó kjiꞌanga Aaroo̱n ku̱i̱ꞌíjñanda ndiꞌí xí tsꞌentsíjee̱n, chjiéngá ku̱i̱ꞌítína nisije̱n nga̱són ṉchanna nga.

Éksondo̱ 37:29

Besalee̱l katsꞌénda isti̱ xi nanginjon xota̱ xi boeꞌéxaá ko̱jo nisije̱n xi kuí soboá soboaá. Kó bo̱a̱ tsꞌén katsꞌénda, xikótsꞌèn niꞌánda ndásíje̱n xi ꞌniú ndaa̱. Ngayeje kui nii̱ kamánda xi kótsꞌèn Néná atíxomaa̱ Moisee̱ nga ka̱manda.

Én xí nda xi ꞌniú tsjatsó ngasee̱ 3:6

Mí ni bo̱a̱ xi tsꞌéndibá ki̱a̱ nangi kixií xi ja̱kjiꞌi ngo yásé ṉdi̱ má kjiꞌi, xi kjifoaꞌándá sije̱n sije̱n xikoó mirraa̱, xikoó nisijee̱n, ko̱jo xikoó kjín to̱ko̱ya ndásíje̱n.

Lebitiko̱ 16:12

nga kjíbé ni xi ꞌbítíyá nisijee̱n ko̱jo jó tji̱ngo̱ nisije̱n, kó xꞌué xí síndo ki̱a̱ ṉchandikónna ngatindyiá kuí nii̱,

Lebitiko̱ 2:1

«Kjiꞌanga tjín xí sa̱ꞌínkꞌasꞌienna ngo kjo̱a̱tjó xi ni xi maxchá jno̱o̱, chjiéngá to ndso̱ko̱a̱n ṉño̱pan xi ꞌniú ndaa̱ xi kjo̱e̱ꞌéjo̱na. Nga̱soón kui to ndso̱ko̱a̱n ṉño̱paa̱n nga kjitjónjón chií isti̱, kó ngatindyiá chií ni sije̱n,

Lebitiko̱ 2:15

Nga̱soón kui kjo̱a̱tjoó nga kjitjónjón isti̱, kó ngatindyiá chií nisije̱n.

Lebitiko̱ 24:7

»Kó nga ngo nga̱ndee̱ kui ndi̱yà nínga síndo kui paa̱n, tꞌíndée̱ nisije̱n xi kui soboá soboá, xikoó tsi ngo kjo̱a̱tjó xi nga tí nganda tsa̱ꞌa̱n.

Lebitiko̱ 5:11

»Tsi kui xi katsꞌénjeé jmíjiín to̱n nga kꞌo̱tsieni jó tójo ko̱jo tsi jó toṉña̱, ka̱ma jó kilo̱ ndso̱ko̱a̱n ṉño̱pan xi nda sa̱ꞌínkꞌasꞌienna tsi̱ꞌe̱ nga sa̱ꞌinjetakóo̱n jeé. Kó chináꞌmii̱ ngatjíjoo̱, kó kui chináꞌmii̱ skjíbé ngo tji̱ngo̱ kui ndso̱ko̱a̱n ṉño̱paa̱n, kó ki̱a̱ ku̱i̱ꞌítí nga̱soón ṉchandikoón. Kó bo̱a̱ tsꞌén nga jún kjo̱a̱ꞌátsjienjnú nga án boá xi tsjajnúꞌun ngayeje nii̱. Kuí boá kui nii̱ xi ngo kjo̱a̱tjó xi niꞌánkꞌasꞌien kjo̱a̱a̱ nga niꞌánjetakón jé, kó nga jmí isti̱ ko̱jo nga jmí nisije̱n mindyiajínjnúu̱.

Xki̱ 4:16

»Eleasaa̱, ndií chináꞌmi Aaroo̱n, kuí boá xi sku̱i̱e̱ kjo̱a̱a̱ isti̱ xi ku̱i̱ndyiaa̱ ni xi ꞌbítíyá ndiꞌí xí tsꞌentsíjee̱n, ko̱jo nisijee̱n, ko̱jo kjo̱a̱tjó xi ngatsjéni̱xtjin si̱ꞌankꞌasꞌienna, ko̱jo isti̱ xi nanginjon xotaa̱ nga boeꞌéxaá. Kó ti̱ kuí boá xi skoón ndiꞌandikoón, ko̱jo ngayeje ni ndikón xí niꞌánkjién ngi̱yaa̱ kui ngi̱ndiee̱».

Matioo̱ 2:11

Kó nga tsꞌasꞌien ngi̱yaa̱, kamábe ndí ndií ko̱jo na̱ Riya̱ na̱aa̱n ndií, kó asiéntikoó kui jaá, kó katsꞌéndikón, kó iskjíxꞌá koxa̱a̱, kó tsꞌaxié ni xi ndyi̱yaꞌaa̱ ndií: Ngo xi yaꞌaa̱ to̱nsinié, ngo xi yaꞌaa̱ nisije̱n xi niꞌánkjién nga niꞌándikón Néná, ko̱jo ngo xi yaꞌaa̱ ndásíje̱n chjí xí ꞌmí mirra̱.