Éksondo̱ 30:30 - Xo̱jo̱n eén Néná

³⁰ »Ti̱ kuíní kui istii̱ xi ko̱na̱ngínjin ji chináꞌmi xi tsa̱ꞌa̱n, xikoó Aaroo̱n ko̱jo jaá.

Éksondo̱ 30:30 ပူးပေါင်းရင်းမြစ်များ

Xo̱jo̱n Salmoo̱ 133:2

Achichí tsjákjiꞌi nga yà kuí nii̱, bo̱a̱ fóyanii̱ xikó maá kui ndásíje̱n nda xi botiéjón to̱ko̱ já chináꞌmii̱, kui xi ndibajénni ndeskande to̱ko̱, kó fochó ngaskande se.

Éksondo̱ 28:41

Tatíxomée̱ Aaroo̱n, ko̱jo ndií nga kui ńjñoo̱ xi sa̱ꞌínkjién nga ko̱a̱ja̱, kósꞌe̱ kjiꞌá boá nga ko̱na̱ngínjin ji isti̱ to̱ko̱, tsi̱ꞌe̱ nga kui xi ko̱e̱ꞌéxée̱, nga kui xi ka̱ma chináꞌmina.

Éksondo̱ 30:29

Ngije kiniꞌín ji kui nii̱, ngayeje ni xi niꞌánkjieén, ni xi ta̱ xá tsa̱ꞌa̱n je ka̱ma, kó chjiéngá ni xi ndikón ka̱ma ngijee̱. Ngayeje ni xi si̱tꞌaa̱ kui nii̱, ka̱matsjie nga, kó jè ta̱ xá tsa̱ꞌa̱n ka̱ma ngijee̱.

Éksondo̱ 30:31

Bo̱a̱ tꞌíi̱n xota̱ Israee̱l nga kuí bí kui istii̱ xi si̱ꞌankjién nga ko̱na̱ngínjón ngayeje ni xi je ta̱ xá tsa̱ꞌa̱n kꞌuíndoni.

Éksondo̱ 40:15

kó nangínjìn ji isti̱ ngayejee̱, tsi̱ꞌe̱ nga chináꞌmina ka̱ma. Kó ki̱a̱ ko̱a̱ꞌa̱nii̱ nga ta̱ngatꞌanii̱ kui istii̱, nga xota̱ tji̱e̱e̱ Aaroo̱n ko̱jo ndií, chináꞌmina ka̱ma ngatsjéni̱xtjin».

Lebitiko̱ 10:3

Kósꞌe̱ Moisee̱ bi̱ katsoó Aaroo̱n: —Kuí bí kui nii̱ xi íjinkon Néná nga bi̱ katsó: “Mejénna nga ku̱i̱ntꞌiéꞌénna chináꞌmina, kó nga ngayeje xota̱ na̱xi̱ńdaá xi ngatsꞌèntsjàna”. Kó nde ngo ni katsójín Aaroo̱n.

Lebitiko̱ 8:12

Sꞌe̱ jaskan katsangijon isti̱ to̱ko̱ Aaroo̱n, kósꞌe̱ katsꞌénkꞌasꞌiee̱n Néná, nga kui xi ka̱ma chináꞌmii̱.

Lebitiko̱ 8:30

Moisee̱ katsangijon to̱ko̱ Aaroo̱n ko̱jo jaá isti̱ xi nanginjon xotaa̱ nga boeꞌéxaá ko̱jo jín xí tikón nga̱soón ṉchandikoón. Kó ti̱ iskjitjónjón ńjño chináꞌmi xi ndyi̱yajá kui jaá nga.

Xki̱ 3:3

Nga nijón kui jaá xi kachjaꞌájin nga katseꞌeé xá chináꞌmii̱ Néná.