Éksondo̱ 3:6 - Xo̱jo̱n eén Néná

⁶ Án boá xi Nee̱ xota̱ xi xcháa̱, Án boá xi Nee̱ Abraa̱n, Nee̱ Isaa̱ ko̱jo Nee̱ Jakoo̱b. Nga tsintꞌié kuí nii̱ Moisee̱, kamámejénjiín askotsijee̱n Néná ngatꞌa̱ katsakjónní, kó ta̱sá yíꞌmá kje̱n.

Éksondo̱ 3:6 ပူးပေါင်းရင်းမြစ်များ

Jenesii̱s 12:1

Néná bi̱ katsoó Abra̱n: «Tꞌíjñímasin ji nangìi̱ ko̱jo xota̱ xingi̱ ji, ko̱jo ndiꞌaa̱ xota̱ xi xcháa̱, kó tꞌen ji ngi̱ndie xi sꞌe̱ kokoo.

Jenesii̱s 12:7

Kó Néná jatjokjaà Abra̱n ki̱a̱a̱, kó bi̱ katsoó: «Xota̱ tji̱e̱ tse̱ boá xi tsjàa̱ ngayeje kui tꞌanangii̱». Kó Abra̱n ki̱a̱ katsꞌéndaa̱ ngo ṉchandikón Néná, ngatꞌa̱ ki̱a̱ jatjokjaà.

Jenesii̱s 17:3

Nga tsintꞌié Abra̱n kui nii̱, asiéntikoó ngaskande nga kisitꞌaa̱ xtjien tꞌanangii̱. Kósꞌe̱ Néná bi̱ katsoó: «Kuí bí kui nii̱ xi tsꞌénꞌbindajoo̱ ji ngotꞌe̱: Jí boá xi ka̱ma ji na̱ꞌmii̱ kjín xota̱ na̱xi̱ńdá. Kó kuíni nga jè ngiti̱ Abra̱njín kꞌuin jaꞌée̱n ngotꞌe̱, jè Abraa̱n kꞌuiín, ngatꞌa̱ jí boá xi ka̱ma ji na̱ꞌmii̱ kjín xota̱ na̱xi̱ńdá, kó kjín xota̱ tji̱e̱ kꞌuieé, kó ki̱a̱ kjo̱tjojin xi re ka̱ma nga. Kui ni xi tsꞌénꞌbindajoo̱ ji ngotꞌe̱, ko̱jo xota̱ tji̱e̱ tse̱ boá xi tsꞌénꞌbindajo̱ an nga, kó jmíni̱xtjin kju̱i̱e̱ kui nii̱. Án boá xi Ne tse̱ ka̱ma an, ko̱jo Nee̱ xota̱ tji̱e̱ tse̱. Kó nangi Kanaa̱n nínga tindyin ji ngotꞌe̱ xikoó ngo xota̱ xi xín nangi, jí boá xi tjítsꞌenkꞌasꞌieen ngotꞌe̱ ko̱jo xota̱ tji̱e̱ tse̱, kó ngatsjéni̱xtjin nga tsa̱jún ka̱ma. »Ta̱nga ji ko̱jo xota̱ tji̱e̱ tse̱ chjiéngá si̱ꞌankjatjosónjnú,

Jenesii̱s 24:12

Kó ki̱a̱ kui nda̱ mosoo̱, bi̱ katsó nga tsíchji̱a̱a̱ Néná: «Ji Ne, ji xi Nee̱ ndi̱a̱na Abraa̱n, ꞌniú míꞌaá nga nda si̱ꞌinje̱ ji ndi̱a̱na Abraa̱n, kó te̱ꞌé ji ngi̱ndie nga nda ko̱e̱je̱na kui ni̱xtjii̱n.

Jenesii̱s 26:24

Kó Néná jatjokjaà kui ni̱xtji̱e̱e̱n, kó bi̱ katsoó: «Án boá xi Nee̱ na̱ꞌmíi̱ Abraa̱n, kó ta̱ngatꞌanii̱ kui nga sa̱ꞌinchikonñeé jí ko̱jo nga sa̱ꞌinkjín an xota̱ tji̱e̱ tse̱, kuíni nga ngata̱ ndakinjín má ji, ngatꞌa̱ an boá xi kosiko̱joo ngayeje ni xi si̱ꞌin ji».

Jenesii̱s 28:13

Kó kamábe nga nínga tikón ndyi̱ko̱n kui yákíjo̱o̱n, ki̱a̱ tikón Néná, kó Néná bi̱ katsó: «Án boá xí Nee̱ Abraa̱n, ko̱jo xi Nee̱ Isaa̱, kó tsꞌénxiyaa nga kui tꞌanangi nínga titsjajni ji, ji ko̱jo xota̱ tji̱e̱ tse̱ boá xí tsjàa̱.

Jenesii̱s 31:42

¡Achichí ndakjiꞌi nga kui Néná xí tsi̱ꞌe̱ na̱ꞌmindyiboana Abraa̱n asíko̱jona! Kui Ne xi katsꞌéndikón na̱ꞌmina Isaa̱ nda katsꞌénjo̱na, ngatꞌa̱ kamábe kjo̱a̱ndasenna ko̱jo nga je jenda an, kuíni nga katsꞌénxchánjo̱nii̱ ngoye jñó. Tsi bo̱a̱jín katsꞌén Néná kiniꞌínkjítiyerani.

Jenesii̱s 32:9

Kósꞌe̱ Jakoo̱b bi̱ katsó nga tsíchji̱a̱a̱ Néná: «Ji Ne xi tsi̱ꞌe̱ na̱ꞌmindyiboana Abraa̱n ko̱jo na̱ꞌmina Isaa̱, Jí boá xi bo̱a̱ kasení nga kji̱ndi̱báꞌoyá ngiñá an nangina ko̱jo nínga síndo xota̱na, kó nga ji xi ko̱si̱ke̱jení.

Na̱ Estee̱r (Ebreo̱) 3:4

Kó ndyiojón ndyiojón akasíyaá kui nii̱ Marndokeoo̱, ta̱nga nde katsꞌénsénjiín kui xotaa̱, kósꞌe̱ kiꞌmíyaà kui nii̱ Amaa̱n, ngatꞌa̱ kamámején sku̱i̱e̱ tsi to̱kó bo̱a̱ ka̱tso̱ Marndokeoo̱ ngindyi̱ko̱n kui, ngatꞌa̱ ja̱bo̱a̱ jè bo̱a̱ katsoó nga xota̱ jundío̱ bo̱a̱.

Éksondo̱ 15:2

»Án boá xi tsꞌénsiée̱ kui soó Néná, ngatꞌa̱ kuí boá xi tsjána ngaꞌniú ko̱jo xi ꞌboxiéꞌána. Kuí boá xi Néna, kuíni nga an tsꞌéntsjàa̱. Kuí boá xi Nee̱ na̱ꞌmina, kuíni nga an tsꞌentjó an.

Éksondo̱ 29:45

Án boá xi kotíjña̱jìi̱n xota̱ Israee̱l, kó án boá xi Nee̱ ka̱ma an.

Éksondo̱ 33:20

Ta̱nga ka̱májín xchi̱e̱ ji kje̱n án, ngatꞌa̱ ngayeje xota̱ xi sku̱i̱e̱ kje̱n án, ko̱yà. Ki̱a̱ ti̱ndyinra ji tꞌa kui ndi̱jo̱ xi tikóntꞌana.

Éksondo̱ 4:5

—Kui nii̱ ti̱ꞌin ji ngindyi̱ko̱n ngito̱ko̱o̱ xota̱ Israee̱l nga. Ngije sku̱i̱e̱ nga yánísieé ye̱ kamá, kjiꞌá boá nga sꞌi̱jii̱n nga je kamáyèní án, kó nga án boá xi Nee̱ xota̱ xi xchaá.

Matioo̱ 17:6

Kó nga tsintꞌié kuí nii̱ xota̱ tsi̱ꞌe̱ Kjisoo̱, achichí katsakjónní, kó ítꞌa maá kje̱n tꞌanangii̱.

Matioo̱ 22:32

«Án boá xi Nee̱ Abraa̱n, ko̱jo Nee̱ Isaa̱, ko̱jo Nee̱ Jako̱b.» Kó Néná, Nee̱ xota̱ xi síndo boá, jmí tsi Nee̱ xota̱ xi je jesón.

Markoo̱ 12:26

Ta̱nga kjo̱a̱ ngaá nga foaꞌáꞌyá nginií xota̱ xi je jesoón, a kji̱e̱ niꞌányàjínjnú xo̱jo̱n xi katsꞌénda Moisee̱, nínga ítꞌa kjo̱a̱a̱ yá sarsa̱ xi tjítií. Néná bi̱ katsoó Moisee̱: “Án boá xi Nee̱ Abraa̱n, ko̱jo Nee̱ Isaa̱, ko̱jo Nee̱ Jako̱b.”

Rkaa̱ 20:37

Ta̱nga kjo̱a̱ ngaá tsi foaꞌáꞌyá nginií xota̱ xi je jesoón, ngaskande Moisee̱ akóyá nga katsóyà énkjiín yásarsaa̱, nga bi̱ tsoó Ndi̱a̱ná, Nee̱ Abraa̱n, ko̱jo Nee̱ Isaa̱, ko̱jo Nee̱ Jako̱b boá.

Rkaa̱ 5:8

Kó ngije kamábe kui nii̱ nda̱ xi ꞌmí Ximo̱ Peé, asiéntꞌaa̱tikoó Kjisoo̱, kó bi̱ katsoó: –¡Tji̱taxíntꞌení Ndi̱a̱, ngatꞌa̱ xota̱ jé án!

Ni xi kamá 7:32

“Án boá xi Nee̱ xota̱ xi xcháa̱, Nee̱ Abraa̱n, ko̱jo Nee̱ Isaa̱, ko̱jo Nee̱ Jako̱b.” Kó Moisee̱ ítsꞌi̱yanii̱ nga jatsiéndíkón, kó nde kamámejénjiín nga askotsijen.

Ni xi kamá 7:34

Jè kamábe cha̱n cha̱n an nga ta̱nisién tsie kjo̱a̱ni̱ma̱ ndyi̱foaꞌatio xota̱ na̱xi̱ńdána xi síndo nangi Ejipto̱, kó jè tsintꞌièe̱ nga ndyi̱kjandà nga ndyi̱chji̱a̱, kó kuíni nga kjindibáña an tsi̱ꞌe̱ nga kꞌoxiéꞌá an. Kó ngotꞌe̱ ꞌne̱ ndibé ji, ngatꞌa̱ nangi Ejipto̱ sangiyaa ji.”

Xota̱ Ebreo̱ 11:16

Ta̱nga ngo na̱xi̱ńdá xí nda ngase xi kamámejeén, kó kuí boá xi tikón ndiꞌakꞌajmi jàn. Kuíni nga Néná, soboájín maá nga Nee̱ kui xota̱ tjíꞌmií, ngatꞌa̱ jè íjñandaa̱ ngo na̱xi̱ńdá.

Xota̱ Ebreo̱ 12:21

Kó achichí ndikón kjiꞌi ni xi kamáyaà, nga ngaskande ti̱ kuii̱ Moisee̱, bi̱ katsó: “Kjifotsiéndíkón má an.”

Ni xi akakoo̱ 1:17

Nga kamábe an, tsꞌákatójó an ngindie se xikó maá tsi kꞌien an, ta̱nga kui íjñasónna tsja kixi̱, kó bi̱ katsóna: –Ngata̱ ndakinjín ma ji, án boá xi tjón an ko̱jo xi fetꞌa an,