Éksondo̱ 29:27 - Xo̱jo̱n eén Néná

^27-28 ta̱nga Aaroo̱n ko̱jo jaá, kuí tsoboaá ni̱se̱e̱n ko̱jo ti̱ꞌmi̱í kui cho̱tsa̱nga̱ xi jaꞌatji ndi̱ja̱a̱ xi kiniꞌánkꞌasꞌien nga katseꞌéxaá. Ngotꞌe̱ ku̱i̱ꞌítsꞌi̱yani nga ni̱se̱e̱n ko̱jo ti̱ꞌmi̱í kui cho̱tsa̱nga̱ xi jaꞌatji ndi̱ja̱a̱ xi sa̱ꞌínkꞌasꞌienna xota̱ Israee̱l tsi̱ꞌe̱ nga sa̱ꞌinjetakóo̱n jeé, Aaroo̱n ko̱jo xota̱ tji̱e̱e̱ boá xi tsoboaá nga skjíbé. Ngatsjéni̱xtjin kꞌuijñá kui kjo̱a̱kitii̱.

Éksondo̱ 29:27 ပူးပေါင်းရင်းမြစ်များ

Éksondo̱ 29:26

»Ngije katseꞌéxée̱ Aaroo̱n nga kui xi ka̱ma chináꞌmina, chjábé jí ni̱se̱e̱n kui cho̱tsa̱nga̱ xi jaꞌatji ndi̱ja̱a̱, kó án ti̱ꞌinkꞌasꞌinní ki̱a̱ ṉchandikónna. Kó kui ni̱se̱e̱n kui cho̱o̱ ji chjábé jí,

Lebitiko̱ 7:30

Tsja má nga tsꞌenkꞌásꞌienni kui kjo̱a̱tjó xi ku̱i̱ti̱ nganda tsa̱ꞌa̱n, nijan ngatjeꞌejo̱ ni̱se̱e̱n, ko̱jo xinieé kui cho̱o̱ nga, kó ki̱a̱ kje̱n nínga tikón ṉchanna, ki̱a̱ ngatsꞌénkꞌásꞌiénna xi kótsꞌèn niꞌánkꞌasꞌien ngo kjo̱a̱tjó.

Lebitiko̱ 7:37

Kó ti̱ bo̱a̱ tsꞌén je kisꞌijña kótsꞌèn chjiéngá si̱ꞌankꞌasꞌien kui kjo̱a̱tjó xi ꞌbítí nganda tsi̱ꞌe̱ Néná, ko̱jo kui kjo̱a̱tjó xi ni xi maxchá jno̱, ko̱jo kui kjo̱a̱tjó xi niꞌánkꞌasꞌien nga nda chꞌiá nginí Néná, ko̱jo kui kjo̱a̱tjó xi niꞌánkꞌasꞌien kjiꞌanga boeꞌéxaá já chináꞌmii̱, ko̱jo kui kjo̱a̱tjó xi niꞌánkꞌasꞌien nga chjiáꞌaá Néná nga nda ko̱jo nga tsjatsꞌèn mindyión.

Lebitiko̱ 9:21

Ta̱nga Aaroo̱n, ta̱kuítsí ni xi niꞌán nga niꞌánkꞌasꞌien ni̱se̱e̱n, ko̱jo ti̱ꞌmi sé xi kixi̱i̱ nga jó kui cho̱o̱ xi katsꞌén.

Xki̱ 18:11

»Ji ko̱jo xota̱ tji̱e̱e̱ xi chjo̱on xí xi̱ꞌin, kuí tsꞌéntsjàa̱ ngayeje kui kjo̱a̱tjó xi ndikón xí foeꞌejo̱na xota̱ Israee̱l. Ka̱ma skji̱ni̱e̱ ngayeje xota̱ xi je katsꞌénkjatjosón ni xi je tsíꞌá an nga sa̱ꞌínkjatjosón nga kjo̱chó ngindyikón án. Kui kjo̱a̱kitii̱ ngatsjéni̱xtjin nga kꞌuijñá.

Xki̱ 6:20

»Sꞌe̱ jaskan chináꞌmii̱ ku̱i̱ꞌítji̱ya ńdanisee̱n ko̱jo ti̱ꞌmi̱í kui cho̱ xi tjíniꞌánkꞌasꞌien nganda tsa̱ꞌa̱n. Ndikón kui chikjaa̱n kui cho̱o̱, kó ta̱ chináꞌmii̱ tsí xi ko̱e̱ꞌeé. Jaskan ngije katsꞌén kui nii̱, xota̱ nasareoo̱ ka̱ma kꞌuí bino̱.

Ndeuteronomio̱ 18:3

»Chináꞌmii̱ ka̱ma skji̱ni̱e̱ yojoo̱ cho̱yojo toro̱, ko̱jo cho̱tsa̱nga̱ xi si̱ꞌankꞌasꞌiee̱n Néná, ta̱nga ta̱kuítsí yojoyìtsꞌe̱n, ko̱jo yojo tꞌanijon, ko̱jo ngo ndiè nga̱tsꞌo̱a̱ xi ka̱ma skji̱ni̱e̱.

Xota̱ Ebreo̱ 7:28

Kjo̱a̱kitii̱ katsjáxaá chináꞌmi xi ꞌniú nkꞌa xaá xi niꞌin kamaá nga katsꞌénkjatjosón ni xi katsꞌénkjó Néná. Jaskan ngije katseꞌé kjo̱a̱kitii̱, Néná katsjá tsꞌoa nga tsja̱á ngo chináꞌmi xi ꞌniú nkꞌa xaá, kó kuí boá xi ndií, kui xi ngatsjéni̱xtjin kamá xi chjiéngá ka̱ma.