Éksondo̱ 29:14 - Xo̱jo̱n eén Néná

¹⁴ Kó nga kui kjo̱a̱tjoó tsi̱ꞌe̱ nga ka̱majetakón jé boá, kuíni nga chjiéngá ndi̱tsee̱n nínga síndo xotaa̱ ki̱a̱ kꞌuití yojoo̱, ko̱jo tji̱xi̱ín, ko̱jo yeꞌee̱ kui ndí cho̱yojoo̱.

Éksondo̱ 29:14 ပူးပေါင်းရင်းမြစ်များ

Lebitiko̱ 16:11

»Jaskan ngije Aaroo̱n katsꞌénkꞌasꞌienna ngo kjo̱a̱tjó xi ndií cho̱yojo xi tsi̱ꞌe̱, kjo̱a̱a̱ nga ka̱majetakoón jeé ko̱jo kjo̱a̱a̱ jeé xota̱ ndiꞌaa̱,

Lebitiko̱ 16:27

Ni xi kꞌo̱ngii̱ cho̱yojo chichií ko̱jo tindsoo̱, chjiéngá ko̱ꞌna̱xiéni kui ngi̱ndiee̱, kó ndi̱tsee̱n nínga síndo ndiꞌaa̱ xotaa̱ ki̱a̱ kꞌuití.

Lebitiko̱ 16:3

»Ta̱nga tsi ka̱mamejeén kꞌo̱sꞌien kui ngi̱ndie xi ꞌniú ndikoón, chjiéngá ko̱ngóyá, kó ngatajá ńjñoo̱ xi tsi̱ꞌe̱ chináꞌmii̱, ngayeje kui ńjñoo̱ xikoó: ńjño xi chajákjaá, ko̱jo ńjño ngindiee̱, ko̱jo ńjño xi ꞌbíkjá ndáyaá, ko̱jo ni ꞌbíꞌá tokoo̱. Kósꞌe̱ kjiꞌá boá nga sa̱ꞌínkꞌasꞌienna ngo kjo̱a̱tjó xi ngo ndií cho̱yojo tsi̱ꞌe̱ nga sa̱ꞌinjetakón an jé, kósꞌe̱ ngo cho̱tsa̱nga̱ xi jaꞌatji ndi̱ja̱a̱ ngatꞌítí nganda tsa̱ꞌa̱n.

Lebitiko̱ 4:25

Jaskan chináꞌmii̱ ngatsꞌénkꞌándyi̱ni xtín tsja kui jiín tindsoo̱, kósꞌe̱ ngatindyiaá ndyi̱ko̱n kui ṉchandikoón, kó jín xí ngasee̱ ki̱a̱ nga kjitjónjón ngindiee̱ kui ṉchandikoón.

Lebitiko̱ 4:29

Ngatꞌíjñasoón tsja to̱ko̱ kui cho̱o̱, kósꞌe̱ ki̱a̱ nga tsꞌenkꞌién tꞌa ṉchandikónna.

Lebitiko̱ 4:32

»Tsi xi katsꞌénjeé ngo ndí chjo̱ón cho̱tsa̱nga̱ sa̱ꞌínkꞌasꞌienna, chjiéngá nda ka̱ma kui cho̱o̱.

Lebitiko̱ 6:25

tsi̱ꞌe̱ nga tsja̱á já chináꞌmii̱ kui kjo̱a̱botíxomaa̱: «Cho̱ xi si̱ꞌankꞌasꞌienjnúꞌun tsi̱ꞌe̱ nga chji̱a̱ꞌajnúꞌun kjo̱a̱niꞌánjetakoón jeé, chjiéngá ki̱a̱ si̱ꞌankꞌiénjnú ki̱a̱ ṉchandikónna, ki̱a̱ ngi̱ndie nínga ꞌbítína cho̱.

Lebitiko̱ 8:17

ta̱nga tji̱xi̱ín, yojoo̱, ko̱jo yeꞌee̱ kui cho̱o̱, ki̱a̱ ítí ndi̱tsee̱n ngi̱ndie nínga síndo ndiꞌaa̱ xotaa̱, xikó má katsoó Néná nga atíxomaa̱ nga sa̱ꞌín.

Lebitiko̱ 9:2

Kósꞌe̱ bi̱ katsoó Aaroo̱n: «Ti̱ꞌinkꞌasꞌin ji ngo kjo̱a̱tjó xi ngo ndií cho̱yojo tsi̱ꞌe̱ nga si̱ꞌanjetakoón jée̱, kó tꞌítí ji ngo cho̱tsa̱nga̱ xi jaꞌatji ndi̱ja̱a̱ nganda tsi̱ꞌe̱ Néná.

Xki̱ 19:5

»Sꞌe̱ jaskan kꞌuití ngayeje kui cho̱o̱ ngindyi̱ko̱n Eleasaa̱: kꞌuití tji̱xi̱ín, yojoo̱, jiín ko̱jo yeꞌee̱.