Éksondo̱ 28:43 - Xo̱jo̱n eén Néná

⁴³ Kuí xkángíndieé xi ko̱a̱ja̱ Aaroo̱n ko̱jo ndií kjiꞌanga kꞌo̱sꞌien ndiꞌandikoón, ko̱jo tsi kjiꞌanga ko̱e̱je̱ tiña nínga tikón ṉchaa̱n nga sa̱ꞌín xaá. Tsi sa̱ꞌínkjiénjín kui ńjñoo̱, kotijéñáa̱, kó ngaskande ka̱ma ko̱yà. Kjo̱a̱kiti boá kui nii̱ kó chjiéngá sa̱ꞌínkjatjosón Aaroo̱n ko̱jo xota̱ tji̱e̱e̱ ngatsjéni̱xtjin».

Éksondo̱ 28:43 ပူးပေါင်းရင်းမြစ်များ

Éksondo̱ 20:26

Ngata̱ jmí ki̱jo̱n niꞌándajínjnúu̱ ṉchanna, tsi̱ꞌe̱ nga jmíjín xi sku̱i̱e̱ yojo kjiꞌixtií nga tjín xí ko̱e̱je̱nijíngíni kui ki̱jo̱o̱n».

Lebitiko̱ 16:13

kó ngije tjiyátsjà kui nii̱, ngatꞌasꞌien ki̱a̱ ngi̱ndie nínga ꞌniú ndikoón, kui xi tikón nga̱xto̱n kortina̱ je xi tji̱e̱e̱n. Ki̱a̱ ngatindyiá nisijee̱n ngi̱jii̱n xꞌueé, tsi̱ꞌe̱ nga ṉdi̱i̱ ko̱e̱je̱jon ki̱a̱ tsꞌoa xi kjiꞌmani koxa̱a̱ kjo̱a̱ꞌbíndaa̱. Kó ko̱yàjín nga bo̱a̱ sa̱ꞌín.

Lebitiko̱ 17:7

Kó bo̱a̱ tsꞌén nga xota̱ Israee̱l ngiti̱ sa̱ꞌínkꞌasꞌienjiín kjo̱a̱tjó xindajín, kui xi ja̱ kon tindso̱ má kón. Kui kjo̱a̱botíxomaa̱ jmíni̱xtjin sa̱síkjo.

Lebitiko̱ 22:15

Kuíni nga, ngata̱ niꞌánchꞌójínjnú kui kjo̱a̱tjoó, ngatꞌa̱ xota̱ Israee̱l nganda tsa̱ꞌa̱n boá nga katsꞌénkꞌasꞌien.

Lebitiko̱ 22:9

»Ngayeje chináꞌmii̱ chjiéngá sa̱ꞌínkjatjosón kui kjo̱a̱botíxomaa̱. Tsi sa̱ꞌínkjatjosónjín, ko̱yà. An, Nee̱ xota̱ Israee̱l boá xi je katsjaxáa̱ nga ta̱ xána tsí xi sa̱ꞌín.

Lebitiko̱ 3:17

»Nga jmíni̱xtjin chiniejnú xinié ko̱jo jín. Jmí ndasénjín ta̱ nínga tindyiónjnú, kui nii̱ kjo̱a̱kiti boá, kó chjiéngá si̱ꞌankjatjosónjnú ngatsjéni̱xtjin».

Lebitiko̱ 5:1

»Tsi tjín xí ko̱ndókjo̱a̱a̱ tsi̱ꞌe̱ nga chistiko̱ ka̱ma kjo̱a̱a̱ nga sꞌi̱nda ngo ni, kó tsi ka̱mamejénjiín ku̱i̱chji̱a̱ kjo̱a̱a̱ ni xi kamábe ko̱jo ni xi tsintꞌié, kui xota̱ xi̱ꞌba̱ tjítsꞌénjé, kó chjiéngá ka̱majeé. »Tsi tjín xí sa̱ꞌínjo̱ ngo cho̱ xi je kꞌien xi nijón sé, ko̱jo tsi cho̱ xi ꞌbifé yojoo̱ xi tsjiejín ngindyi̱ko̱n Néná, kui xi bo̱a̱ sa̱ꞌiín, sa̱ꞌínjé, kó chjiéngá xota̱ xi tsjiejín ka̱ma nga, ndatsi nde bejín ni xi katsꞌén. »Tsi tjín xí sa̱ꞌínjo̱ ngo ni xi ndándí xí jatjoo̱ yojoo̱ ngo xota̱, chjiéngá xota̱ xi tsjiejín ka̱ma nga, ndatsi nde bejín ni xi katsꞌén. Ngije sku̱i̱e̱ nga ndajínkjiꞌi ni xi katsꞌén, ka̱ma sꞌi̱nié ngo jé. »Tsi tjín xí ku̱i̱chji̱a̱ nga ngiboanéná katsó nga sa̱ꞌínkjatjosón ngo ni, tsi ndajín katsꞌénkjó nga bo̱a̱ katsó, kó tsi kamákjiín nga ndajínkjiꞌi ni xi katsó, ka̱ma sꞌi̱nié ngo jé. »Tsi tjín xí sa̱ꞌín ngo kui jeé, chjiéngá sa̱ꞌínkie yojoo̱ nga bo̱a̱ katsꞌén, kó ngatsꞌénkꞌásꞌiénna ngo kjo̱a̱tjó kjo̱a̱a̱ jé xí katsꞌén ngo tindso̱ chjo̱on, ko̱jo tsi ngo ndí chjo̱ón tindso̱. Kó chináꞌmii̱ kuí boá xi sa̱ꞌínkꞌasꞌien kui kjo̱a̱tjoó nganda tsi̱ꞌe̱ kui xi katsꞌénjeé, kó án sa̱ꞌinjetakóo̱n jeé.

Lebitiko̱ 5:17

»Tsi tjín xí nde bejín nga tsintꞌiéꞌénjínna, kó tsi sa̱ꞌínjé, chjiéngá ngo kjo̱a̱tjó sa̱ꞌínkꞌasꞌienna.

Xki̱ 18:8

Kó Néná ti̱ bi̱ ti̱ katsoó Aaroo̱n nga: «Xá chináꞌmi xi tse̱, kuí boá nga ji xi si̱ꞌinkꞌasꞌínní kjo̱a̱tjoó xota̱ Israee̱l. Ngayeje kui kjo̱a̱tjoó jí boá xi tsjaa ko̱jo xota̱ tji̱e̱e̱, kjo̱a̱a̱ xá xí ndyi̱niꞌánjnúꞌun. Kó kui kjo̱a̱kitii̱ ngatsjéni̱xtjin nga kꞌuijñá.

Xki̱ 9:13

»Ta̱nga kui xota̱ xi jmíjiín ngo kjo̱a̱ nga sa̱ꞌínjín kui sꞌueé, ko̱jo tsi xi sa̱ꞌínkꞌasꞌienjín kjo̱a̱tjó kui ni̱xtjii̱n, ka̱majérií. Ka̱májín ko̱e̱ꞌéndièjnú nga ki̱a̱ kꞌuijñájinjnú, chjiéngá si̱ꞌankjie kui xotaa̱.