Éksondo̱ 28:2 - Xo̱jo̱n eén Néná

^2-8 »Mejénna nga si̱ꞌandaa̱ ngo ńjño ndikón Aaroo̱n ko̱jo ndií, ngatꞌa̱ chináꞌmina boá. Ti̱ndyi̱sé ji xota̱ xi chji̱ni̱e̱, xi an je katsjáa̱ a̱siénni̱xtjin tsi̱ꞌe̱ nga kꞌuieé kjo̱a̱kjínkón, tsi̱ꞌe̱ nga kui xi sa̱ꞌínda ńjñoo̱ Aaroo̱n, ngatꞌa̱ mejénna nga ꞌniú nda ko̱jo tsjakꞌuié kuí ńjñoo̱, xikoó xi tsoboaá nga ko̱a̱ja̱ chináꞌmi xi tsa̱ꞌa̱n. »Kui ńjñoo̱ chjiéngá kꞌuieé ngo ńjño xi kjótꞌa ni̱se̱e̱n, ngo chi̱nga ndio, ngo ńjño xi fotꞌa nga̱xto̱n, ngo ńjño chji̱ni̱e̱ xi fostsani yojoná, ngo ńjño xi ꞌbíchíngí to̱ko̱ ko̱jo ngo ńjño xi ꞌbíkjá ndáyaá. Tsi̱ꞌe̱ nga ka̱manda ngayeje kui ńjñoo̱, chjiéngá ńjño xi koán, ko̱jo ńjño xi aso, ko̱jo ńjño xi iní, ko̱jo ńjño xi lino̱ xi ꞌniú nda si̱ꞌandani, kó ńchjón xí to̱nsinié boá xi si̱ꞌanni chji̱ni̱e̱e̱. Ńjño ndioo̱ chjiéngá jó ńjño xi ntꞌié kꞌuijñaá nga ngo nga ngo ndiè ko̱jo ngo ńjño xi ꞌbíkjá ndáyaá.

Éksondo̱ 28:2 ပူးပေါင်းရင်းမြစ်များ

Joo̱b 40:10

Tsi bo̱a̱ kjiꞌi, ¡ja̱ ngatꞌieé kjo̱a̱je ji, ko̱jo ngatamayandikoón!

Xo̱jo̱n Salmoo̱ 132:16

Ńjño xi chajá nga ma sꞌué sa̱ꞌínkajá an já chináꞌmii̱, kó achichí tsjá ka̱maa̱ xota̱ na̱xi̱ńdaá nga si̱é.

Xo̱jo̱n Salmoo̱ 132:9

Já chináꞌmìi̱ ko̱a̱ja̱ ńjño xi bokó kjo̱a̱kixi̱i̱, kó xota̱ na̱xi̱ńdáa̱ tsjangatamaa̱ nga si̱eé.

Xo̱jo̱n Salmoo̱ 149:4

Ngatꞌa̱ Néná achichí tjoó xota̱ na̱xi̱ńdaá, kó kjo̱a̱ꞌnaxiéꞌaá tsꞌénkjién nga tsjaá kjo̱a̱tsjakjiꞌi xota̱ xi ni̱ma̱kjo̱a̱ síndoo̱.

Xo̱jo̱n Salmoo̱ 96:6

Kjo̱a̱jee̱ ko̱jo kjo̱a̱yandikoón boá xi síndo ngindyi̱ko̱n kui, kó ki̱a̱ ndiꞌandikoón ki̱a̱ tikón ngaꞌniuú ko̱jo kjo̱a̱tsjakjiꞌii̱.

Éksondo̱ 28:40

»Ti̱ chjiéngá si̱ꞌandaa̱ ndií Aaroo̱n ńjño xi ko̱a̱ja̱ nga, ko̱jo ńjño xi chajákjaá, ko̱jo ńjño xi ku̱i̱ꞌíkjá ndáyaá, ko̱jo ńjño xi ku̱i̱ꞌíꞌá to̱ko̱, kó tsjakon ngatama kui nii̱ xikoó xi bokiín nga ko̱a̱ja̱ ngo chináꞌmi.

Éksondo̱ 40:13

Kó Aaroo̱n chjiéngá ko̱a̱ja̱ ńjñondio xi tsi̱ꞌe̱ chináꞌmii̱, kó nangínjìn ji isti̱ tsi̱ꞌe̱ nga chináꞌmi xi tsa̱ꞌa̱n ka̱ma.

Lebitiko̱ 8:30

Moisee̱ katsangijon to̱ko̱ Aaroo̱n ko̱jo jaá isti̱ xi nanginjon xotaa̱ nga boeꞌéxaá ko̱jo jín xí tikón nga̱soón ṉchandikoón. Kó ti̱ iskjitjónjón ńjño chináꞌmi xi ndyi̱yajá kui jaá nga.

Juaa̱ 1:14

Kó kuí Eén xi yojo kamá, kó kꞌi̱e̱ kisꞌijñajinná, kó kamáyà kjo̱a̱jee̱, kjo̱a̱jee̱ nga Ndí ngototoo̱ Na̱ꞌmii̱, xi kisꞌikitsiee̱ kjo̱a̱nda ko̱jo ja̱koxi̱.

Xota̱ Roma̱ 13:14

Ta̱sá chja̱ꞌángíi̱ Ndi̱a̱ná Jesukristoo̱ xikoó tsi kui xi ka̱ma ńjño xi xcha̱já, kó ngata̱ niꞌánkjatjosónjínjnú ni xi mejeén yojojnú nga si̱ꞌánjnú.

Xota̱ Roma̱ 3:22

Néná xota̱ kixi̱ tsꞌén ngayeje xota̱ xi sꞌijii̱n Jesukristoo̱, ngatꞌa̱ Néná skjánjín tsꞌénjo̱ xotaa̱.

Xota̱ Ngalasia̱ 3:27

Ngayejejnú xi sꞌijinjnú ko̱jo xi je kastindánijnú Kristoo̱ jè kamángojo̱jnú, kó jè xikoó tsi Kristoo̱ xi kjima ngo ńjño xi kichajájnú.

Xota̱ Ebreo̱ 2:9

Ta̱nga yàjne̱ xikótsꞌèn Kjisoo̱ chiboa ngase kiniꞌán ngotjón, ta̱bo̱a̱jiín ndítsjiee̱, kó nga kuí xí tikoón kjo̱a̱jee̱, ko̱jo kjo̱a̱yandikoón kjo̱a̱a̱ kui kjo̱a̱ni̱ma̱a̱ xi jaꞌatio nga kiniꞌánkꞌién. Jaꞌajin kjo̱a̱bo̱yaa̱ ta̱ngatꞌanii̱ nga kꞌientjé ngayeje xotaa̱, kó bo̱a̱ tsꞌén katsꞌénkjatjosón kjo̱a̱ndaa̱ Néná.

Xota̱ Ebreo̱ 7:26

Kjisoo̱ kuí boá kui chináꞌmi xi ꞌniú nkꞌa xaá xi machjiénná ñá: Kuí xí tsjie, kuí xí jmíjiín ni xi ndajín, kuí xí jmíjiín ni xi ndándí, kuí xí xín tikónnii̱ xota̱jeé, kuí xí ꞌniú niꞌándikón ki̱a̱ ndiꞌakꞌajmii̱,

2 Xo̱jo̱o̱n Peé 1:17

Ngatꞌa̱ kjiꞌanga Jesukristoo̱ iskjíbé kjo̱a̱yandikón ko̱jo kjo̱a̱je xi katsjaá Néná xí Na̱ꞌmii̱, kanangiyaa̱ ngo nda̱ xi kandaꞌyá, xi tjiín kjo̱a̱je xi bi̱ katsó: “Kuí xi̱ꞌbi̱ xi ndí tjóna, ꞌniú tsjátjínna kjo̱a̱a̱ kui.”

1 Xo̱jo̱o̱n Juaa̱ 3:2

Jún ndí ntsꞌie xi tjóna, ngotꞌe̱ ꞌne̱, jè ndií Néná ñá, kó ndatsi kji̱e̱ yàjín ñá mí ni xi ka̱ma ñá jaskan, jè ya ñá nga kjiꞌanga kjo̱e̱ꞌe Jesukristoo̱ xikó maá kui, nga bo̱a̱ kon ka̱ma ñá, ngatꞌa̱ xcha̱ cha̱n cha̱n ñá xikó má kjiꞌi kui.

Ni xi akakoo̱ 19:8

Jè katseꞌéndieè tsi̱ꞌe̱ nga ko̱a̱ja̱ ńjño xi nda, ko̱jo xi tsjie, ko̱jo xi ꞌna̱. Ngatꞌa̱ kuí ńjño ndaa̱ xi bokó nga ni xi kixi̱ katsꞌeén xota̱ na̱xi̱ńdá tsjiee̱.

Ni xi akakoo̱ 5:10

kó kuí xotaa̱ xi kiniꞌín ji re xi tsi̱ꞌe̱ Néná, kiniꞌín ji chináꞌmi xi tsi̱ꞌe̱ Néná, kó kuí boá xi ko̱tíxoma ngayeje tꞌanangii̱.