Éksondo̱ 28:17 - Xo̱jo̱n eén Néná

^17-21 Kui ńjño xi fotꞌa ni̱se̱e̱n, chjiéngá tiejó ndi̱jo̱ tsjakon kjótꞌaa̱, ngo ndi̱jo̱ tsi̱ꞌe̱ nga ngo tji̱e̱e̱ xota̱ Israee̱l. Nijón ndi̱yà ngatꞌíndo kui ndi̱jo̱o̱, ján ján nga ngo kui ndi̱ya̱à. Nga ngo nga ngo kui ndi̱jo̱o̱ ngo nga̱nde xi to̱nsinié ngatꞌijñaá, kó nga ngo nga ngo ngatjatꞌaa̱ ngo jaꞌeén nga tiejó tji̱e̱e̱ xota̱ Israee̱l.

Éksondo̱ 28:17 ပူးပေါင်းရင်းမြစ်များ

Éksondo̱ 28:11

Nda̱ xi tsꞌénxájo̱ ndi̱jo̱ tsjakoo̱n, ni to̱nsinié ngatajón nga̱ndee̱ nga ngo nga ngo kui ndi̱jo̱o̱, kó jó ńchjón yiꞌi xi to̱nsinié soboá soboá ngatꞌijñaá, kósꞌe̱ ki̱a̱ ngatítꞌa jaꞌeén, xikoó tsi ngo seyo̱, kó ki̱a̱ ngatítꞌa ńjñondioo̱ Aaroo̱n ki̱a̱ xtji̱e̱e̱n nga̱són tjiaa̱. Kui ndi̱jo̱o̱ ki̱a̱ kjótꞌa tsi̱ꞌe̱ nga, nga kjo̱chókasién ngindyikón án chináꞌmina Aaroo̱n, kjo̱a̱ꞌátsjienna nga tiejó tji̱e̱e̱ xota̱ Israee̱l.

Éksondo̱ 28:16

Mejénna nga ngo chi̱bo̱a̱ ka̱ma kui ńjñoo̱ nga ndojoó ko̱jo nga tiyaá, xikoó tsi ngo stsa, kó kan jó sentímetro̱ ngatama nga ngo nga ngo nga̱ndee̱.

Éksondo̱ 28:9

»Chjábé jí jó ndi̱jo̱ ónise̱ xi kjín a̱si̱én kó nga̱soón tjatꞌe ji jaꞌeén nga tiejó tji̱e̱e̱ xota̱ Israee̱l,

Énkjínkón 20:15

Achichí to̱nsinié ko̱jo ndi̱jo̱ tsjakon tjín kuí nga̱sondiee̱, ta̱nga jmíjín ingo ni xi ꞌniú chjínií, xikoó kjo̱a̱bokoyaá xota̱ xi kjínkoón.

Énkjínkón 3:15

Kjo̱a̱kjínkoón ko̱jo kjo̱a̱kjíntakoón chjí ngasenii̱ ta̱bo̱a̱jiín ndi̱jo̱ xi ꞌniú tsjákoón, ¡kó ngayeje ni xi mejeén nga kꞌuieé ji, nde ka̱májín tsi kui nijan ndse̱je̱n kꞌuíndo!

Énkjínkón 31:10

¡Achichí niꞌín kjiꞌi nga sa̱kóná ngo chjo̱on xi ta̱nisién nga ndatsꞌèn! ¡Tsi sa̱kóná xikónií tsi ngo ndi̱jo̱ xi achichí tsjákjiꞌi xi kasakoná!

Énkjínkón 8:11

ngatꞌa̱ kjo̱a̱kjínkoón chjí ngasenii̱, ta̱bo̱a̱jiín ndi̱jo̱ tsjakon xi tjiín, ¡chjí ngasenii̱ to̱bo̱a̱jiín ngayeje ni xi nda ngase xi ka̱mamejénná!

Kjo̱a̱chaꞌaá 4:7

Xota̱ xi je kachjeꞌéjin ji kui ngi̱ndiee̱, tsjie ngase kamá, ta̱bo̱a̱jiín nchꞌaàn, ko̱jo tiboa ngase kamá ta̱bo̱a̱jiín ntsjeén, naxórsa̱ ngase kamá yojoo̱ ta̱bo̱a̱jiín koraa̱l, kó yojoo̱ tsja ngase kisꞌie ta̱bo̱a̱jiín ndi̱jo̱ safiroo̱.