Éksondo̱ 27:20 - Xo̱jo̱n eén Néná

^20-21 »Ndiꞌí xí tsꞌentsíjee̱n ngi̱ndie ndikoón, kui xi síndo ki̱a̱ ndiꞌandikoón kje̱n nínga tikón koxa̱a̱ kjo̱a̱ꞌbíndaa̱, chjiéngá nga ni̱xtjin nga ni̱xtji̱e̱n ku̱i̱ti̱. Kó Aaroo̱n ko̱jo xota̱ tji̱e̱e̱ boá xi skondá kui nii̱, ta̱nga ji tatíxomée̱ xota̱ Israee̱l nga ngatjeꞌejo̱ istii̱ toꞌolibo̱ xi kui soboá soboaá tsi̱ꞌe̱ nga ngatsjéni̱xtjin ku̱i̱ti̱ kui ndiꞌií. Kjo̱a̱kiti boá kui nii̱ kó chjiéngá sa̱ꞌínkjatjosón xota̱ Israee̱l ngatsjéni̱xtjin.

Éksondo̱ 27:20 ပူးပေါင်းရင်းမြစ်များ

Xo̱jo̱n Salmoo̱ 23:5

Jí boá xi ikꞌíjñindení ngo yámíxa̱ nínga tjín nichinie, ngindyikón kondra̱na, jí boá xi ikindyiée̱ ndásíje̱n tokó án, kó ngaskande tjítjonsón má ni xi ndyi̱a̱ chi̱tse̱nna.

Éksondo̱ 25:6

ko̱jo isti̱ xi mindyiaa̱ ndiꞌí xí tsꞌentsíjenná, ko̱jo ndásíje̱n xi mindyiaa̱ isti̱ xi nanginjon xotaa̱ nga boeꞌéxaá, ko̱jo ndásíje̱n xi mindyiaa̱ ndso̱ko̱a̱n sije̱e̱n,

Éksondo̱ 35:28

Ti̱ jachójo̱ ndásíje̱n ko̱jo isti̱ xi mindyiaa̱ ndiꞌí xí tsꞌentsíjee̱n, ko̱jo isti̱ xi nanginjon xotaa̱ nga boeꞌéxaá ko̱jo nisije̱n xi ꞌbítií.

Éksondo̱ 35:8

ko̱jo isti̱ xi mindyiaa̱ ndiꞌí xí tsꞌentsíjenná, ko̱jo ndásíje̱n xi mindyiaa̱ isti̱ xi nanginjon xotaa̱ nga boeꞌéxaá, ko̱jo nisije̱n xi ꞌbítií Néná,

Éksondo̱ 40:4

Ngi̱yaa̱ ndiꞌandikoón tꞌíjñí ji yámíxa̱a̱ ko̱jo ni xi ꞌbítíyá ndiꞌí xí tsꞌentsíjee̱n. Nda nda má tꞌíjñí ji ngayeje ni xi machjieén ko̱jo ni xi fí nga̱són yámíxa̱a̱, kó tꞌíjñíi̱ ndiꞌií ni xi ꞌbítíyá ndiꞌí xí tsꞌentsíjee̱n.

Ni xi akakoo̱ 11:4

Nga jó kui chistikoo̱ kuí boá nga jó yáꞌoliboo̱, ko̱jo nga jó ni xi ꞌbítíyá ndiꞌí xí tsꞌentsíjee̱n, kui xi síndo kje̱n nínga tikón kui Néná xí tsi̱ꞌe̱ tꞌanangii̱.