Éksondo̱ 26:7 - Xo̱jo̱n eén Néná

^7-8 »Ti̱ ti̱ꞌinde ji tiengo ńjño tie, xi tsja̱a̱ tindso̱ si̱ꞌindeje̱ ji, kó kuí boá xi kjósón nga̱soón kui ndiꞌandikoón. Nga ngo kui ńjño tiee̱ tie ján metro̱ masien ngatama nga ndojoó, kó jó metro̱ ngatama nga tiyaá.

Éksondo̱ 26:7 ပူးပေါင်းရင်းမြစ်များ

Xo̱jo̱n Salmoo̱ 45:13

Achichí ndikón kjíꞌí tsa̱kji̱ín ree̱ nga tikón ki̱a̱ ngi̱yaꞌmaa̱, kó ngo ńjño xi to̱nsinié kamándani yajá.

Éksondo̱ 25:4

ko̱jo ńjño xi koán, ko̱jo ńjño xi aso, ko̱jo ńjño xi iní ꞌniú, ko̱jo ńjño xi nda, ko̱jo tsja̱a̱ tindso̱,

Éksondo̱ 26:1

»Tsi̱ꞌe̱ ndiꞌandikoón mejénna nga si̱ꞌinde ji tie kortina̱ xi tiejó metro̱ masien nga ndojó, kó jó metro̱ nga tiyá, kó jó keruu̱b tjatꞌée̱ xi chji̱ni̱e̱ nga niꞌánni. Kui kortinaa̱ ńjño xi lino̱ xi nda, ńjño xi aso, ńjño xi koán ko̱jo ńjño xi iní ꞌniú boá xi si̱ꞌandani, kó chjiéngá ngo ni xi ta̱nisién nda ngatꞌié kui chji̱ni̱e̱e̱.

Éksondo̱ 26:12

Kó nga kui ni xi kjiꞌisón kui ndiꞌandikoón ngo metro̱ nga tiyá ngase ta̱bo̱a̱jiín ndiꞌandikoón, chjiéngá masien metro̱ nga ngo nga ngo nga̱ndee̱ nga tsjienjén kui ńjño kortinaa̱. Kó bo̱a̱ tsꞌén nga si̱ꞌma ngayeje nkꞌaa̱.

Éksondo̱ 26:14

Nga̱soón ni xi kjiꞌisón kui ndiꞌandikoón ngo ńjño xi tji̱xi̱ín ndií cho̱tsa̱nga̱ xi iní si̱ꞌankꞌi tjasén ji, kó ingo ńjño xi tji̱xin xí ꞌniú nda tꞌíjñíi̱ nga̱soón ngijee̱.

Éksondo̱ 26:6

Sꞌe̱ jaskan ti̱ꞌinkaꞌeje̱ ji xkjín nga jó tjín kuí kortinaa̱, kó ichítié ki̱cha̱ntꞌi̱u̱a̱ xi to̱nsinié tꞌíndée̱, tsi̱ꞌe̱ nga kui ndiꞌandikoón ta̱ ngo tsí ńjño kjoꞌmáni.

Éksondo̱ 26:9

Ún kui ńjño tiee̱ xi ti̱ꞌindeje̱ ji ngo kortina̱ xi je, kó ichítié ti̱xa̱ ndyi̱ko̱n tꞌíndée̱ nga̱ndee̱. Kó xi ngi jun ńjño tiee̱, ingo kortina̱ ti̱ꞌindeje̱ ji, kó ti̱ ichítié ti̱xa̱ ndyi̱ko̱n tꞌíndée̱ nga. Xi ma jun kui ńjño tiee̱ chjiéngá kjókjojó xtji̱e̱e̱n kje̱n kui ńjño xi kjiꞌisón kui ndiꞌandikoón.

Éksondo̱ 35:6

ko̱jo ńjño xi koán, ko̱jo ńjño xi aso, ko̱jo ńjño xi iní, ko̱jo ńjño lino̱ xi nda, ko̱jo tsja̱a̱ tindso̱ chjo̱on,

Xki̱ 3:25

kó kuí boá xi askoo̱n ndiꞌandikoón ko̱jo ńjño xi kjiꞌisón nkꞌaa̱. Askoo̱n ńjño xi tji̱xi̱ín cho̱ kamándani xi kjiꞌisón nkꞌaa̱ kui ndiꞌandikoón, ko̱jo ńjño kortina̱ xi tji̱e̱n nínga bitjasꞌi̱e̱nnii̱,

Xki̱ 31:20

Ko̱niéjnú ńjñojnú ko̱jo ngayeje ni xi yá, ko̱jo ni xi tji̱xin, ko̱jo xi tsja̱a̱ tindso̱ chjo̱on kamándani».

Xki̱ 4:25

»Kuí boá xi ko̱a̱ꞌa̱ ńjño kortinaa̱ ndiꞌandikoón, ko̱jo tji̱xin tsjákoón cho̱o̱ xi kjiꞌmani, ko̱jo ńjño kortinaa̱ nínga bitjasꞌi̱e̱nnii̱,

1 Xo̱jo̱o̱n Peé 3:4

Ta̱sá ngi̱jii̱n ini̱ma̱jnú ngatꞌijñaá ngo kjo̱a̱fonda xi kjo̱tsònjín nga kꞌuiéjnú ngo a̱siénni̱xtjin xi nda ko̱jo xi xió. Kuí kjo̱a̱tsjakjiꞌii̱ xi ꞌniú chjínií ngindyi̱ko̱n Néná.

1 Xo̱jo̱o̱n Peé 5:5

Kó ti̱ tsꞌén míꞌájnúꞌun jún xi xo̱ngòjnú nga cha̱ndikónjnú xota̱ xi xchaá, kó ngayejejnú ja̱kꞌi̱e̱ ja̱ngaján ni̱ma̱kjo̱a̱ ngatamajnú, ngatꞌa̱ bi̱ tsó xo̱jo̱n eén Néná: Néná kondra̱ maá xota̱ xi je ꞌboxié yojoo̱, ta̱nga xota̱ xi ni̱ma̱kjo̱a̱a̱, tsjaá kjo̱a̱nda.