Éksondo̱ 25:31 - Xo̱jo̱n eén Néná

^31-36 »Ti̱ mejénna nga si̱ꞌinde ji ngo ni xi ꞌbítíyá ndiꞌí xí tsꞌentsíjen xi ndsa̱ ko̱jo martiyo̱ si̱ꞌandani, kó ta̱ ngo ndo̱jò si̱ꞌan ngayejee̱. To̱nsinié soboá soboá ti̱ꞌin ji ko̱jo naxó xí kꞌuíndoo̱ nga. Yojoo̱ kui nii̱ nijón naxoó yáꞌalmendra̱ tꞌíndée̱, kó ján kui naxoó xí síndo ngindie jàn xi kꞌuieé jun tjia, ján nga ngo ngoboá sꞌe̱ ján xi ingoboaá. Kó naxó xi tikón nkꞌaa̱ ki̱a̱ kjo̱tjonii̱ ngo tjia xi kꞌuijñá ngamasiee̱n. Nga ngo nga ngo kui tjiaa̱ ján naxoó yáꞌalmendra̱ kꞌuíndoo̱, kó ngo ndiꞌí xí tsꞌentsíjen kꞌuijñaá, kó bo̱a̱ tsꞌén nga kui ni xi ꞌbítíyá ndiꞌí xí tsꞌentsíjee̱n, yito ndiꞌí kꞌuíndoo̱. Kui ndiꞌií bo̱a̱ kon ka̱ma xi kókón naxoó yáꞌalmendraa̱,

Éksondo̱ 25:31 ပူးပေါင်းရင်းမြစ်များ

Xki̱ 3:31

Xota̱ tji̱e̱e̱ Koaa̱t boá xi askoo̱n koxa̱a̱ kjo̱a̱ꞌbíndaa̱, ko̱jo yámíxa̱a̱ pan xi niꞌánkꞌasꞌiee̱n Néná, ko̱jo ni xi ꞌbítíyá ndiꞌí xí tsꞌentsíjee̱n, ko̱jo ṉchaa̱n, ko̱jo ńjño kortina̱ xi tji̱e̱n ngi̱ndie nínga ꞌniú ndikoón, ko̱jo ngayeje ni xi kamáchjién kjiꞌanga kiniꞌántsjaá Néná.

Xki̱ 4:10

Ngayeje kui nii̱ xi tji̱xin xí tsjakoo̱n cho̱o̱ kjoꞌmáni, sꞌe̱ jaskan ngatꞌíndoo̱ nga̱soón yá xí niꞌánkjién nga chínkꞌá nga tjín nínga mongínjo̱ kui nii̱.

Xki̱ 4:9

»Sꞌe̱ skjíbé ngo ńjño xi aso, kó kui ko̱óꞌmáni ni xi ꞌbítíyá ndiꞌí xí tsꞌentsíjee̱n, ko̱jo ndiꞌí xí tsꞌentsíjee̱n, ko̱jo ni xi chjábéjo̱ni xꞌueé, ko̱jo ti̱bo̱a̱ tiee̱, ko̱jo ngayeje boso̱ xi niꞌánkjién xí mindyia istii̱.

Xki̱ 8:1

Néná bi̱ katsoó Moisee̱:

Xki̱ 8:4

Ni xi ꞌbítíyá ndiꞌí xí tsꞌentsíjee̱n to̱nsinié boá xi kamándani. Kó ndeskande nkꞌa jàn ngaskande ngindie jàn nga ja̱ kon naxó kón ni xi ikꞌíndoo̱ nga ta̱soboá martiyo̱ xí ikꞌíniénii̱ nga kiniꞌánda. Néná bo̱a̱ tsꞌén tsíꞌaá Moisee̱ nga sa̱ꞌínda kui nii̱.

Xota̱ Ebreo̱ 9:2

Ndiꞌańjñoo̱ Néná bi̱ tsꞌén kisꞌijña: Nínga tjoón ngi̱ndie tsjie kiꞌmí, nínga kisꞌijña ni xi ꞌbítíyá ndiꞌí xí tsꞌentsíjee̱n, ko̱jo ki̱a̱ kisꞌijña yámíxa̱ nínga síndo pan xi je Néná kiniꞌánkꞌasꞌiee̱n.

Ni xi akakoo̱ 1:12

Katsꞌenkꞌafóya an tsi̱ꞌe̱ nga skuie an ꞌyá kuií bo̱a̱ nda̱ xi tsꞌénchji̱a̱jona, kó bo̱a̱ tsꞌén kamábe an yito ni xi ꞌbítíyá ndiꞌí xí tsꞌentsíjee̱n xi to̱nsinié kamándani,

Ni xi akakoo̱ 1:20

Kuí bí ni xi tjiꞌmaá nga yito ńño xi je kamáyè ji ngi̱ya ndsa̱ an, ko̱jo nga yito ni xi ꞌbítíyá ndiꞌí xí tsꞌentsíjee̱n xi to̱nsinié xi je kamáyè: nga yito ńñoo kuí boá xi ndítsjiee̱ nga yito na̱ngo̱xi̱i̱, kó nga yito ni xi ꞌbítíyá ndiꞌí xí tsꞌentsíjee̱n kuí boá xi yito na̱ngo̱xi̱i̱.

Ni xi akakoo̱ 2:5

Kuíni nga, ngatjaꞌátsjiee̱n kótsꞌèn kixindyin ji ngasꞌe̱, ti̱ꞌinkꞌoyé ji yojòo̱ kjo̱a̱a̱ ni xi ndajín xi tiniꞌín, kó ti̱ꞌin ji ni xi tjón kiniꞌín ji, ngatꞌa̱ tsi jmí, tsá kjuínkoón nínga tindyin ji, kó kjo̱a̱ꞌáxiín ni xi ꞌbítíyá ndiꞌí xí tsꞌentsíjee̱n xi tse̱, tsi kji̱e̱ niꞌínkꞌoyejín ji yojòo̱.

Ni xi akakoo̱ 4:5

kó nínga tikón kui xi botixómaá jatjoni nda̱, ko̱jo cho̱ꞌo̱n, ko̱jo jaꞌatꞌe, kó kje̱n kui xi botixómaá tjítí yito ndiꞌíxò, kó kuí boá xi nga yito A̱si̱énni̱xtjii̱n Néná.