Éksondo̱ 25:21 - Xo̱jo̱n eén Néná

²¹ Ngije akjaye ji ngi̱yaa̱ kui koxa̱a̱ ndi̱jo̱ tie xi kjitꞌa nga tie kjo̱a̱botíxomaa̱, tjaꞌme ji koxa̱a̱.

Éksondo̱ 25:21 ပူးပေါင်းရင်းမြစ်များ

Éksondo̱ 30:6

Kó ki̱a̱ tꞌíjñí kui ṉchaa̱n kje̱n nínga tikón ngi̱ndie xi ꞌniú ndikoón, ki̱a̱ xtji̱e̱e̱n nínga tikón koxa̱a̱ kjo̱a̱ꞌbíndaa̱, ki̱a̱ boá nínga ka̱matikó ñá, ji ko̱jo an.

Éksondo̱ 40:20

Jaskan Moisee̱ índoyá nga jó ndi̱jo̱ tie nínga kjitꞌa kjo̱a̱kitii̱, ngi̱yaa̱ koxa̱a̱ kjo̱a̱ꞌbíndaa̱, kó índoo̱ kui koxa̱a̱ yá ndojó xi chínkꞌajo̱ni ko̱jo íjñaá tsꞌoa koxa̱a̱, kósꞌe̱ katsjákjo̱a̱ nga ki̱a̱ ikꞌíjñá ngi̱yaa̱ ndiꞌandikoón Néná. Kui koxa̱a̱ ki̱a̱ ikꞌíjñá ngi̱ndie nínga ꞌniú ndikoón, kósꞌe̱ Moisee̱ iskjien boaꞌá ńjño Kortinaa̱ tsi̱ꞌe̱ nga yíꞌmá kui ngi̱ndiee̱, ngatꞌa̱ bo̱a̱ tsꞌén atíxoma Néná nga ka̱ma.

Lebitiko̱ 16:13

kó ngije tjiyátsjà kui nii̱, ngatꞌasꞌien ki̱a̱ ngi̱ndie nínga ꞌniú ndikoón, kui xi tikón nga̱xto̱n kortina̱ je xi tji̱e̱e̱n. Ki̱a̱ ngatindyiá nisijee̱n ngi̱jii̱n xꞌueé, tsi̱ꞌe̱ nga ṉdi̱i̱ ko̱e̱je̱jon ki̱a̱ tsꞌoa xi kjiꞌmani koxa̱a̱ kjo̱a̱ꞌbíndaa̱. Kó ko̱yàjín nga bo̱a̱ sa̱ꞌín.

Lebitiko̱ 16:2

«Bo̱a̱ tꞌíi̱n Aaro̱n ntsꞌie ji nga ngi̱ndie xi ꞌniú ndikoón, kui xi tikón ngi̱yaa̱ ndiꞌandikoón, ngo ngi̱ndie xi ta̱nisién ꞌniú ndikón ki̱a̱a̱. Ki̱a̱ boá nínga je kamángána nga ki̱a̱ fotjokjà án, ki̱a̱ nga̱soón koxa̱a̱ kjo̱a̱ꞌbíndaa̱. Kuíni nga Aaroo̱n ka̱májín kꞌo̱sꞌien ki̱a̱a̱ ta̱jmì chi̱bo̱a̱ní, ngatꞌa̱ tsájmi̱ ko̱yà kjiꞌanga kjo̱tjokjá án ki̱a̱a̱.

Xki̱ 17:4

Tꞌenje̱ ji ngayeje kui yánísieé ki̱a̱ ndiꞌandikoón, kó ki̱a̱ tꞌínde ji kje̱n nínga tikón koxa̱a̱ kjo̱a̱ꞌbíndaa̱.

Xki̱ 7:89

Jaskan ngije kamá kui nii̱, Moisee̱ tsꞌasꞌien ndiꞌandikoón tsi̱ꞌe̱ nga tsíchji̱a̱jo Néná. Ki̱a̱ nínga tikón tsꞌoa kui koxa̱a̱ kjo̱a̱ꞌbíndaa̱, ki̱a̱ nínga síndo nga jó keruu̱b, ki̱a̱ tsintꞌieé Moisee̱ nda̱a̱ Néná.

Xota̱ Roma̱ 10:4

Ngatꞌa̱ nga fetꞌanii̱ kjo̱a̱kitii̱ Kristoo̱ boá, tsi̱ꞌe̱ nga xota̱ kixi̱ ka̱ma ngayeje xi sꞌijii̱n kui.

Ndeuteronomio̱ 10:5

Kó an jatjajenni an kui na̱xi̱i̱, sꞌe̱ indo an nga jó kui tie ndi̱jo̱o̱ ngi̱yaa̱ kui koxa̱a̱, ngatꞌa̱ bo̱a̱ tsꞌén atíxomana Néná. Kó kui tie ndi̱jo̱o̱ to̱kó ki̱a̱ síndo ngi̱yaa̱ kui koxa̱a̱.