Éksondo̱ 24:6 - Xo̱jo̱n eén Néná

⁶ Kó Moisee̱ ngo ni indyiá masien jiín kui cho̱o̱, kó xi ngi masien kui jiín ki̱a̱ iskjitjónjón nga̱soón ṉchandikoón.

Éksondo̱ 24:6 ပူးပေါင်းရင်းမြစ်များ

Xo̱jo̱n Salmoo̱ 99:6

Moisee̱ ko̱jo Aaroo̱n boá xi kamá chináꞌmii̱, kó Samuee̱ boá xi katsꞌénkaxoma jaꞌeén, kó kui jaá, tsíchji̱a̱a̱ Néná, kó Néná katsꞌénseén.

Éksondo̱ 12:22

Jiín kui cho̱o̱ ngo ndástsié tindyiájnú, sꞌe̱ chjábéjnú ngo chꞌo̱ xka̱ isopo̱, kó nangínjinjnú ngi̱jii̱n kui jiín, kó ti̱ꞌankꞌijnú nkꞌaa̱ nga̱ntjo̱a̱a̱ ndiꞌajnú ko̱jo nga ngo nga ngo yá nga̱ndee̱ nga̱ntjo̱a̱a̱, ngije kiniꞌánjnú kui nii̱, ngata̱ ngojín xi fotjoxie ngaskande nga kamángindyiojón.

Éksondo̱ 12:7

Kó nga je síndo xtín nga skji̱ni̱e̱ kui cho̱o̱, nga kjíbé chií jiín kui cho̱o̱, kó nga tsꞌénkajájón yá xí tikón nkꞌaa̱ nga̱ntjo̱a̱a̱ ndiꞌaa̱.

Éksondo̱ 24:8

Kósꞌe̱ Moisee̱ iskjíbé kuí jín xí ndyi̱a̱ kui nii̱, kó iskjitjónjón xota̱ na̱xi̱ńdaá, nga bi̱ katsó: «Kui jiín, kuí boá xi bokó kui ni xi jún ko̱jo Néná je ikꞌíndajnú».

Éksondo̱ 29:16

Ngije kamá kui nii̱, ti̱ꞌinkꞌin ji kui cho̱tsa̱nga̱ xi jaꞌatji ndi̱ja̱a̱, kó jiín chjatjájìn ji nga ngo nga ngo nga̱ndee̱ ṉchandikoón.

Éksondo̱ 29:20

ti̱ꞌinkꞌin ji kui cho̱o̱, kó chjábé jí chií jiín, kó ki̱a̱ tindyie chíi̱ ngi̱ya ti̱xa̱nijon xi kixi̱ Aaroo̱n ko̱jo jaá, kó ti̱ nangínjìn chií kui jiín xtín tsja xi je ko̱jo xtín sé xi je xi kixi̱i̱, kó jín xí ngasee̱ ki̱a̱ chjatjájìn ji nga̱ndee̱ ṉchandikoón.

Lebitiko̱ 1:11

Ki̱a̱ nga tsꞌenkꞌién ki̱a̱ tꞌa ṉchandikoón, kó já chináꞌmii̱ ki̱a̱ nga kjitjónjón jiín kui cho̱o̱ nga nijón nga̱ndee̱ kui ṉchandikoón.

Lebitiko̱ 3:2

»Kui xi sa̱ꞌínkꞌasꞌien kui kjo̱a̱tjoó ngatꞌíjñasoón tsja to̱ko̱ kui cho̱o̱, kósꞌe̱ ki̱a̱ nga tsꞌenkꞌién nínga bitjasꞌi̱e̱nnii̱ ndiꞌandikoón. Jaskan já chináꞌmii̱ nga kjitjónjón jiín kui cho̱o̱ nga̱ndee̱ ṉchandikoón,

Lebitiko̱ 3:8

chjiéngá tsja ku̱i̱ꞌíjñasoón to̱ko̱ kui cho̱o̱, kósꞌe̱ ki̱a̱ nga tsꞌenkꞌién nínga bitjasꞌi̱e̱nnii̱ ndiꞌandikoón. Sꞌe̱ jaskan já chináꞌmii̱ skjitjónjón jiín kui cho̱o̱ ki̱a̱ nga̱ndee̱ ṉchandikoón,

1 Xota̱ Korinto̱ 11:25

Ti̱ bo̱a̱ ti̱ tsꞌén, ngije iskjinie nichiniee̱, iskjíbé chi̱tse̱én, kó bi̱ katsó: “Kui chi̱tsen xí ndyi̱a̱ jínna, kuí xí bokó kjo̱a̱ꞌbínda tja̱tsi̱e̱ xi katsꞌén Néná ko̱jo xota̱ tsi̱ꞌe̱, kui nii̱ xi ti̱ꞌánjnú, ta̱ xikó tjín ndi̱yà sꞌi̱o̱jnú, tsi̱ꞌe̱ nga kjo̱a̱ꞌátsjienjnú án.”

Xota̱ Kolosa̱ 1:20

Kó nga ngatꞌaa̱ Kristoo̱ nga Néná boá xi katsꞌén nga kjo̱e̱ꞌekón nginií ngayeje xi síndotꞌaxiín, xi síndo kui nga̱sondiee̱, ko̱jo xi síndo ndiꞌakꞌajmii̱, kó Kristoo̱ boá xi katsjá kjo̱a̱xioó ta̱ngatꞌanii̱ jín xí iskjitjón tꞌa kroo̱.

Xota̱ Ebreo̱ 12:24

Tsangínchon tiñajnúu̱ Kjisoo̱, kui xi ngatꞌaa̱ kui nga Néná índa ngo kjo̱a̱ꞌbínda tja̱tsi̱e̱ kjo̱a̱a̱ kui jín xí iskjitjón nga kꞌien, kui xi chjí ngasenii̱ ngatꞌa̱ bokóná ni xi nda ngase, ta̱bo̱a̱jiín jiín Abee̱.

Xota̱ Ebreo̱ 8:9

Kui kjo̱a̱ꞌbíndaa̱ jmí tsi bo̱a̱ kꞌuié xikoó kui xi katsꞌenjo̱ an xota̱ tji̱e̱ xchaá, kjiꞌanga iskjíbé án tsja nga tsꞌaxié an nangi Ejipto̱, ngatꞌa̱ kui xotaa̱ katsꞌénkjatjosónjín kjo̱a̱ꞌbínda xi tjoón, kó án índomasien an.

Xota̱ Ebreo̱ 9:18

Kuíni nga jín kamákjién tsi̱ꞌe̱ nga ka̱machjínií kui kjo̱a̱ꞌbínda tjón xi íjñá Néná.

Xota̱ Ebreo̱ 9:19

Kó bi̱ katsꞌén Moisee̱ ngije katsóyaà kjo̱a̱botíxomaa̱ ngayeje xota̱ na̱xi̱ńdaá, iskjíbé ngo tsa̱nga̱ iní, ko̱jo ngo tjiaa̱ ngo yá xí ꞌmí isopo̱, kó katsꞌénkꞌandyi̱ni jiín cho̱yojo xi̱xi̱i̱, ko̱jo tsi̱ꞌe̱ tindso̱ xi̱ꞌin xi katsꞌénkꞌájinni ndáfoa, kó iskjitjónjón xo̱jo̱n kjo̱a̱kitii̱, ko̱jo ngayeje xota̱ na̱xi̱ńdaá.

Xota̱ Ebreo̱ 9:21

Kó Moisee̱ ti̱ bo̱a̱ ti̱ tsꞌén iskjitjónjón jín ndiꞌańjñoo̱, ko̱jo ngayeje ni xi niꞌánkjién nganiꞌántsjaá Néná ki̱a̱ na̱ngo̱xi̱i̱.

1 Xo̱jo̱o̱n Peé 1:19

Ta̱sá jiín Kristoo̱ xi kiniꞌánchjién kuí xí ꞌniú chjí ngasenii̱. Kristoo̱, kuí boá xi xikoó ngo cho̱tsa̱nga̱ xi nda ko̱jo xi onjiín.

1 Xo̱jo̱o̱n Peé 1:2

Xikó tsꞌén índa Néná xí na̱ꞌminá nga kamámejeén jaꞌájinjnú jún, tsi̱ꞌe̱ nga xota̱ na̱xi̱ńdá xí tsi̱ꞌe̱ ka̱majnú. Kó nga ngatꞌaa̱ A̱si̱énni̱xtjii̱n, ko̱jo ngatꞌaa̱ nga kꞌien Jesukristoo̱ nga katsꞌéntsjiejónjnú ngayeje jéjnú, tsi̱ꞌe̱ nga ko̱nda̱ꞌyáꞌénjnú. Ngatama tsie kjo̱a̱nda ko̱jo kjo̱a̱xió xi tsja̱ajnú Néná.